Va'Atəŋ 2
2
1Disiŋ, dələvafuŋ aɗɗaŋgək pak gərak dit zəgeɗ naddiviti. 2#ƏGI 20:11#IBR 4:4,10Adan Maŋgəlva agrak wəza nani, affetik aka pay mabuhulon səka wəza nan məs agəɗ pakə. 3Maŋgəlva aɗɗak əzaɓ aka pay mabuhuloni, aɗiyək ka nan vi aziwginək wəza nawzəməɗ zəga nan pakə. 4Vaski wətəŋ na disiŋ də dəlvafuŋ gala wəzəməɗ neti.
Guli net wəleŋɗe na Eden
Pay Yawe Maŋgəlva azəməɗ dəlvafuŋ də disiŋ, 5gaslamba nawra tay təttaka aka dələv dayday ɓa, kevile nawra tay dəgil ɓa'a, vi Yawe Maŋgəlva dəɓəl əziy buwən aka dəlvafuŋ tagay ɓa, gəm ɗəf tay nanse dəlvafuŋ ɓa. 6Iŋkile dədantəsaŋ səfuŋ əlɓan dəlvafuŋ kaka'ə.
7 #
1KO 15:45
Yawe Maŋgəlva aɗɗak ɗəf titir də burɗuk səka dəlvafuŋ. Sissiŋ Afu' sən əmpəs na zeŋgile a məŋkənni, ɗəf titir nak kpaŋ ɗəf də zeŋgilen madarani. 8Yawe Maŋgəlva aɗiyək guli net wəleŋɗe aka dələv na Eden, dəmmba pay nampummo, aɗiyək ɗəf an arkə nak adaka. 9#HNH 2:7; 22:2,14Yawe Maŋgəlva agilginək wəlaŋga səka dəlvafuŋ, də wəlaŋ zən nawsime, moggon ara ɗəfa, moggon nawzəma, wəlaŋga na zeŋgile addak guli net wəleŋɗe, gəm wəlaŋga nawsən əgo'on moggon də mbərayən.
10Məlpa guzlo dəgil səka dələv na Eden kalɓan guli net wəleŋɗe vani. Sədak awizlirihen zən poɗo. 11Kiyvan taka iya nan na, Pison: ndəni dətərwəsl dələv na Hawila, məs meleŋge asan adaka 12meleŋge naka dələv nan moggoni sawɓa vaski yi'e timbe məs məŋgənən nek məslahan də bədola gəm zev gərəm na sləma pepreŋ witwiti. 13Məlpa masula'a, iya nan na, Gihon, ndən dətərwəsl dələv na Etiyopi baymani. 14Məlpa mahoko'o, dawyanən na, Hidekel, #2:14 Hidekel: fiya na məlpa na Asiri yi məyan əmpa na Tigər va ənəh na balgamə. dəmmba pay nampummo na walaŋgəla-metiŋ na Asiri adawmbata. Məlpa mapoɗo'o, ndəni Efrat.
15Yawe Maŋgəlva agəmək ɗəf naka, aɗiyək addəv guli net wəleŋɗe na Eden, dinsegəni, gəm dəgagəni. 16Yawe Maŋgəlva, aɗiyək wən nan sən ɗəf dawnəh na: «Wakəɓap əzəm wəleŋɗe na guli net wəleŋɗeŋ pakə, 17ya wəlaŋga an nawsən əgo'on moggon də mbərayən hara na, kədawzəmən ɓa, vi pay kəzəmə, əmta kədamta.»
18Yawe Maŋgəlva anahə: «Lewi yi ka ɗəf titir dəsangən takərgən ɓa. Wanəgəɗ sən məbbahaŋgək təsatgən mədaha nani.» 19Yawe Maŋgəlva də dələv azəmiɗ zev zəgeɗ nawra, zev bəŋga na disiŋgi, akiy aza ɗəf titire, kawlan va mbar adalvet di. Va ɗəf adalvan «zəga madaranəŋ» pak, vaski iya nan adawsani. 20Ɗəf titir alvetik zəgeɗ memeyẽɗ pakə, bəŋga na disiŋ va asani, zəgeɗ nawra va assoŋgu, sən kiyən kan na, dərah məbbahaŋgək mədaha nan ɓa. 21Yawe Maŋgəlva akiy sin aka ɗəf naka, aleŋgənək həddəkə. Ndən səret hembehen taka gəmə, ndən slu sərət a gəlani. 22Yawe Maŋgəlva, azəməɗət guluk də hembehe məs agəm səza ɗəf naka, akiysənta. 23Ɗəf amna:
«Kakaŋki mbel zuwa,
sleŋsleŋ səzet sleŋsleŋɗe nawa, gəɓa səza gəɓa zuwa,
kawyətiy na, ɗakə,
vi səza ɗəf məgəmta.»
24 #
MAT 19:5; MAR 10:7,8; 1KO 6:16; EFE 5:31 Vi vaski, ɗəf mizilin wappan afən dət mani kawsap azat goni, wakkpaŋgaŋ gəɓa zit taka.
25Ɗəf mizilin dət guluk nan sulegiti assoŋguk zit mekeleŋ, məza əɗɗa wil sən zit ɓa.
Šiuo metu pasirinkta:
Va'Atəŋ 2: GB
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
All right reserved