Luke 2
2
Duburu du Djesu
1Ave Sesare Okisete amabyamilaange nane kaghe dji Rome, amarume dutalu du batu mu malongu mandi motsu. 2Sanzeme éni djiteghe, djimabile ave Kirinuse amabile yidjeti yi yinange yi Siri. 3Batu botsu bamerendusungu kale mutu o dyandi dimbu. 4Sosefe djawandi, amaghusughe yinange yi Ngalile o musyengi Nasarete noghabughe o musyengi kaghe Davide awinengulu Beteleme, o yinange yi Sudé. Mumbari amabe muteghule andi. 5Akeyerendusu djawandi na Mari yibande yandi omabe na dimi. 6Ave bamabile wune Beteleme, temu Mari djubure djiketole.
7Akebure mwane andi tsomi wu dibaale, akemupote mu tsande nomusilighe o ghari yililu yi bindombu, mumbari basamadile yitsighe o ndaghu beni.
Yanze yilabini na bakelisili ba bindombu
8Wune yari yéni, vamabe bakelitsi ba bindombu bamavyosaange mikolu o kumu mukelisaange mighambe myowu. 9Yanze yi Fumu yimalabene nowu na yidjalale yi kembu andi yikebaghumbe. Bakebase na ghome. 10Tumbe yanze yimabasiyighe mirime rye: «Duyabe na ghome, mumbari nyidubeyili musamu wuboti awulase batu botsu wubwedji. 11Na mukolu ewuwu, o musyengi Davide Mughobutsi amaduburulu, djandi la Kirisete, Fumu. 12Lanu yilimbe ayi dumujabile: durasunu mwane kali wupotu tsande na wusilughu o ghari yililulu yi bindombu.»
13Vane-vane, yinombu yi byanze bi djulu bimalabene. Bikedodisaange Nzambi rye:
14«Bundumbe ombu Nzambi odjivu o djulu.
Duvotsu ombu bise tsi abe djandi erondi.»
Bakelisili ba bindombu béwendi o Beteleme
15Byanze binobasile mu ghabughe o djulu, bakelitsi ba bindombu bamatsingusene: «Twendyanu teno Beteleme muyelabe dyambu diboti adimarughe wune adi Fumu amatudjabise.» 16Bamawende maswasu, na bamarasune Mari na Sosefe na mwane kali wusilughu mu yililu yi bindombu. 17Bakelitsi ba bindombu banomulabe, bakevose ame yanze amabatsingule mu mwane éni. 18Botsu abamawulu mo bakelitsi béni bamavose, bamasutu. 19Tumbe Mari amaghangise mambu méni motsu nomarangiminaange temu tsyotsu. 20Vane-vane bamayeneghabughe, bakenedodisaange nowimbilaange mu yitse Nzambi mu motsu ame bamawulu nolabe. Mumbari motsu mamalabene nane yanze amabatsingulile.
Durebu du Djesu
21Yisambwali yi bilumbu na yivyoghi, ayi munane, bamarebe mwane. Bakemulughe Djesu, nane yanze amabatsingule ne ngudji andi akabe na dimi. 22Na yilumbu yi dulyomusu yitoli nane mughaghe Moyise wivosili, Mari na Sosefe bamabeghe mwane o Serusaleme o ndaghu Nzambi mu yémuwakise ombu Fumu. 23Dibandu yi dimavaghulungu nane? Mumbari direndu mu mughaghe Fumu rye: «Tsomi tsyotsu tsi babaale tsyuwakusungu ombu Fumu#Lev 12.8.» 24Na bovaghulaange «makunde mabedji vo mabembi mabedji» nane mughaghe Fumu wirumini.
25Vane Serusaleme, vamabe mutu dine dyandi Simewu. Yinyuni Yisyeme yimabe nandi. Amabe asungeme na amadumange Nzambi. Amavivaange dubembughu du baane ba Yisrayele. 26Yinyuni Yisyeme, yimamutsingule bwena agholefu payi akalabe Kirisete, Yibyatsi yi Fumu. 27Simewu amabeghusu na Yinyuni mu wende o ndaghu Nzambi. Va temu adji tadji na ngudji, bamarule na Djesu mu dughusu marume ma mughaghe. 28Simewu amabonge Djesu va makake mandi. Amayitse Nzambi novose rye:
29«Fumu tsyesili musalitsi awu wuwende mu duvotsu nane wumavosile.
30Nyimalabe na misu mami Mughobutsi, awu umatutindile.
31Dughobutsu dwawu adu umatsonziyile batu botsu.
32Djandi obe yidjalale ayudughunu mu malongu motsu, na obe bundumbe bu mukute Yisrayele#Isa 42.6; 49.6; 52.1.»
Simewu ebiyi mu mwane Djesu
33Tadji na ngudji bakekambulu mu motsu ama Simewu amavosaange mu mwane éni. 34Simewu anobaveghe myule, amalubuse Mari ngudji Djesu rye: «Mwane éwuwu obe tonu dji dufundusu du bapwele vo dji dughobutsu du bamosi o Yisrayele. Obe yilimbe yi Nzambi ayi bapwele bobuse. 35Tumbe ndebeni, munyongu wuneni wubembe murime awu. Na matase ma batu molabene kengili va ghari botsu.»
Ane, mubiyitsi mughetu
36Vamabe yinunu yi mughetu, abangaange mubiyitsi dine dyandi Ane. Mwane Fanwele mwisi yibandu yi Asere. Amatsane yisambwali yi bilime na mulumi andi omamuwele vane bungebi. 37Ane asyalilaange mukwili, amatsanaange pinze tena ave amatolisile yinane maghumi na bilime bina (84). Asamakakunungu na ndaghu Nzambi mu musalilaange nyangu na mukolu, mu warilaange nzale nosambilaange. 38Anoyitole vane temu éni, amabande wuyitse Nzambi. Na djandi amavosilaange mu mwane éni ombu botsu abamavivaange yi Nzambi akeghobule Serusaleme.
Djesu eghabuyi o Nasarete
39Biburu bi Djesu banomane wudughusu motsu ame mughaghe Fumu wumarumange, bamaghabughe na Djesu o yinange yi Ngalile o yari musyengi wu Nasarete. 40Mwane amabangughaange nowaraange. Amabe aweele, na yese yi Nzambi yimabe nandi.
Djesu mwane ngebi o ndaghu Nzambi
41Kadi yilime, biburu bi Djesu bamawendaange o Serusaleme o mumengu Pake. 42Djesu anobe na dighumi na bilime bibedji, mu yuku yowu bamayenemubeghaange nowu. 43Na mumengu wisuki, bakene ghabughe, Djesu akesyale o Serusaleme. Tumbe tadji na ngudji basamajabe. 44Bamatase yiri tangudji Djesu amabe nowu mu yinombu. Va temu tsisighe, bamabande umurombe va ghari biburu na bambatsi bowu. 45Dibila bwena basamamulabe, bakeghabughe o Serusaleme mu yenemurombe. 46Bilumbu bibedji binovyoghe, ayimuryeru, bamamurasune o ndaghu Nzambi atsane va ghari milonzi mi mighaghe. Amabaghulungu nobawivulaange bivu. 47Botsu abamamuwulungu bamasutu mu dyele na mu kabusulu tsyandi. 48Ave ngudji na tadji andi bamamulabile, bamasutu, na ngudji amamuwivule rye: «Mwane ami, dibandu yi wutsituvayile nane? Tadji awu na menu twiwurombi, mbé tumabase na keri.» 49Akebawake rye: «Dibandu yi dwitombili? Dughejabi yiri temu djimatole, mu sale bisalu bi Tadji ami?» 50Tumbe djowu basamawulu adi amarondaange wubatsingule.
51Mbana amaghabughe nowu o Nasarete, akebadedilaange. Ngudji andi amakelisaange mambu motsu o ghari murime andi. 52Na Djesu amaneghaange, amabe na dyele, na amabe na yese va ghusu Nzambi na va ghusu batu.
Šiuo metu pasirinkta:
Luke 2: PUNNT
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luke 2
2
Duburu du Djesu
1Ave Sesare Okisete amabyamilaange nane kaghe dji Rome, amarume dutalu du batu mu malongu mandi motsu. 2Sanzeme éni djiteghe, djimabile ave Kirinuse amabile yidjeti yi yinange yi Siri. 3Batu botsu bamerendusungu kale mutu o dyandi dimbu. 4Sosefe djawandi, amaghusughe yinange yi Ngalile o musyengi Nasarete noghabughe o musyengi kaghe Davide awinengulu Beteleme, o yinange yi Sudé. Mumbari amabe muteghule andi. 5Akeyerendusu djawandi na Mari yibande yandi omabe na dimi. 6Ave bamabile wune Beteleme, temu Mari djubure djiketole.
7Akebure mwane andi tsomi wu dibaale, akemupote mu tsande nomusilighe o ghari yililu yi bindombu, mumbari basamadile yitsighe o ndaghu beni.
Yanze yilabini na bakelisili ba bindombu
8Wune yari yéni, vamabe bakelitsi ba bindombu bamavyosaange mikolu o kumu mukelisaange mighambe myowu. 9Yanze yi Fumu yimalabene nowu na yidjalale yi kembu andi yikebaghumbe. Bakebase na ghome. 10Tumbe yanze yimabasiyighe mirime rye: «Duyabe na ghome, mumbari nyidubeyili musamu wuboti awulase batu botsu wubwedji. 11Na mukolu ewuwu, o musyengi Davide Mughobutsi amaduburulu, djandi la Kirisete, Fumu. 12Lanu yilimbe ayi dumujabile: durasunu mwane kali wupotu tsande na wusilughu o ghari yililulu yi bindombu.»
13Vane-vane, yinombu yi byanze bi djulu bimalabene. Bikedodisaange Nzambi rye:
14«Bundumbe ombu Nzambi odjivu o djulu.
Duvotsu ombu bise tsi abe djandi erondi.»
Bakelisili ba bindombu béwendi o Beteleme
15Byanze binobasile mu ghabughe o djulu, bakelitsi ba bindombu bamatsingusene: «Twendyanu teno Beteleme muyelabe dyambu diboti adimarughe wune adi Fumu amatudjabise.» 16Bamawende maswasu, na bamarasune Mari na Sosefe na mwane kali wusilughu mu yililu yi bindombu. 17Bakelitsi ba bindombu banomulabe, bakevose ame yanze amabatsingule mu mwane éni. 18Botsu abamawulu mo bakelitsi béni bamavose, bamasutu. 19Tumbe Mari amaghangise mambu méni motsu nomarangiminaange temu tsyotsu. 20Vane-vane bamayeneghabughe, bakenedodisaange nowimbilaange mu yitse Nzambi mu motsu ame bamawulu nolabe. Mumbari motsu mamalabene nane yanze amabatsingulile.
Durebu du Djesu
21Yisambwali yi bilumbu na yivyoghi, ayi munane, bamarebe mwane. Bakemulughe Djesu, nane yanze amabatsingule ne ngudji andi akabe na dimi. 22Na yilumbu yi dulyomusu yitoli nane mughaghe Moyise wivosili, Mari na Sosefe bamabeghe mwane o Serusaleme o ndaghu Nzambi mu yémuwakise ombu Fumu. 23Dibandu yi dimavaghulungu nane? Mumbari direndu mu mughaghe Fumu rye: «Tsomi tsyotsu tsi babaale tsyuwakusungu ombu Fumu#Lev 12.8.» 24Na bovaghulaange «makunde mabedji vo mabembi mabedji» nane mughaghe Fumu wirumini.
25Vane Serusaleme, vamabe mutu dine dyandi Simewu. Yinyuni Yisyeme yimabe nandi. Amabe asungeme na amadumange Nzambi. Amavivaange dubembughu du baane ba Yisrayele. 26Yinyuni Yisyeme, yimamutsingule bwena agholefu payi akalabe Kirisete, Yibyatsi yi Fumu. 27Simewu amabeghusu na Yinyuni mu wende o ndaghu Nzambi. Va temu adji tadji na ngudji, bamarule na Djesu mu dughusu marume ma mughaghe. 28Simewu amabonge Djesu va makake mandi. Amayitse Nzambi novose rye:
29«Fumu tsyesili musalitsi awu wuwende mu duvotsu nane wumavosile.
30Nyimalabe na misu mami Mughobutsi, awu umatutindile.
31Dughobutsu dwawu adu umatsonziyile batu botsu.
32Djandi obe yidjalale ayudughunu mu malongu motsu, na obe bundumbe bu mukute Yisrayele#Isa 42.6; 49.6; 52.1.»
Simewu ebiyi mu mwane Djesu
33Tadji na ngudji bakekambulu mu motsu ama Simewu amavosaange mu mwane éni. 34Simewu anobaveghe myule, amalubuse Mari ngudji Djesu rye: «Mwane éwuwu obe tonu dji dufundusu du bapwele vo dji dughobutsu du bamosi o Yisrayele. Obe yilimbe yi Nzambi ayi bapwele bobuse. 35Tumbe ndebeni, munyongu wuneni wubembe murime awu. Na matase ma batu molabene kengili va ghari botsu.»
Ane, mubiyitsi mughetu
36Vamabe yinunu yi mughetu, abangaange mubiyitsi dine dyandi Ane. Mwane Fanwele mwisi yibandu yi Asere. Amatsane yisambwali yi bilime na mulumi andi omamuwele vane bungebi. 37Ane asyalilaange mukwili, amatsanaange pinze tena ave amatolisile yinane maghumi na bilime bina (84). Asamakakunungu na ndaghu Nzambi mu musalilaange nyangu na mukolu, mu warilaange nzale nosambilaange. 38Anoyitole vane temu éni, amabande wuyitse Nzambi. Na djandi amavosilaange mu mwane éni ombu botsu abamavivaange yi Nzambi akeghobule Serusaleme.
Djesu eghabuyi o Nasarete
39Biburu bi Djesu banomane wudughusu motsu ame mughaghe Fumu wumarumange, bamaghabughe na Djesu o yinange yi Ngalile o yari musyengi wu Nasarete. 40Mwane amabangughaange nowaraange. Amabe aweele, na yese yi Nzambi yimabe nandi.
Djesu mwane ngebi o ndaghu Nzambi
41Kadi yilime, biburu bi Djesu bamawendaange o Serusaleme o mumengu Pake. 42Djesu anobe na dighumi na bilime bibedji, mu yuku yowu bamayenemubeghaange nowu. 43Na mumengu wisuki, bakene ghabughe, Djesu akesyale o Serusaleme. Tumbe tadji na ngudji basamajabe. 44Bamatase yiri tangudji Djesu amabe nowu mu yinombu. Va temu tsisighe, bamabande umurombe va ghari biburu na bambatsi bowu. 45Dibila bwena basamamulabe, bakeghabughe o Serusaleme mu yenemurombe. 46Bilumbu bibedji binovyoghe, ayimuryeru, bamamurasune o ndaghu Nzambi atsane va ghari milonzi mi mighaghe. Amabaghulungu nobawivulaange bivu. 47Botsu abamamuwulungu bamasutu mu dyele na mu kabusulu tsyandi. 48Ave ngudji na tadji andi bamamulabile, bamasutu, na ngudji amamuwivule rye: «Mwane ami, dibandu yi wutsituvayile nane? Tadji awu na menu twiwurombi, mbé tumabase na keri.» 49Akebawake rye: «Dibandu yi dwitombili? Dughejabi yiri temu djimatole, mu sale bisalu bi Tadji ami?» 50Tumbe djowu basamawulu adi amarondaange wubatsingule.
51Mbana amaghabughe nowu o Nasarete, akebadedilaange. Ngudji andi amakelisaange mambu motsu o ghari murime andi. 52Na Djesu amaneghaange, amabe na dyele, na amabe na yese va ghusu Nzambi na va ghusu batu.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES