Luke 3
3
Malongi ma San-Batise
Mat 3.1-12; Mrk 1.1-8; San 1.19-28
1Mu dighumi na bilime biranu (15), bi durumu du kaghe dji Rome, Tibere, Ponze Pilate akabe yidjeti mu yinange yi Sudé. Yirode djandi wune akebe yidjeti yinange yi Ngalile. Filipe, mwane ngudji andi amabe yidjeti yi binange bi Yiture na Tarkonite, mbana Lisanyase djandi akebe yidjeti mu yinange yi Abilene. 2Ave Ane na Kayife bamabilaange bivunde bi bavaghulitsi ba paghu, va temu éni, mbembu Nzambi djimatsingulu San, mwane Sakari o kumu. 3Anodjidile, San akenange yinange ayimabe mu mughule mudjambe Sordani, mu yenelubusaange batu rye: «Kalughanu mutsanu na batuswanu. Nzambi odutande mabi menu.»
4Nane direndulu mu dibuku di mubiyitsi Yisayi rye:
«Adidi la dyufi di mutu oyighamuyi o kumu rye:
Tsonzighanu nzile Fumu na sungighanu manzile mandi.
5Bibususu byotsu byubasusu.
Mikongu myotsu na bikundubughe byotsu byudyamusu.
Manzile amarekeme mosungughu, na amavu bidune moghulene.
6Na batu botsu bolabe dughobutsu du Nzambi#3.6 Ranganu: Isa 40.3-5.»
7Yinombu yimawendaange oyébatusu nandi, akebatsingulaange rye: «Dibure di bapili nane djenu, anyi amadulubuse urine kabu Nzambi adjiruyi? 8Lasanu mitsanu miwelimine amyulase rye dumakalughe dyele. Duyavose mu djenubeni rye: “Tudji baane ba Aberaame.” Ngenze nyidutsinguli bwena ne na mamani memama, Nzambi orungule ufikulile Aberaame baane. 9Dyumbi dimatsonzughu mu wangile mwiri mu nganzi. Kaboghu mwiri wotsu awugheburi milunde miboti wuwangu nobwaghu o mudji.»
10Yinombu yimamuwivulaange rye: «Yike tsyéni tuvayile?» 11Akebawaghule rye: «Awu avu na bikutu bibedji akaveghe yimosi oghaane yikutu, na awu avu na bighudji, aghabi wandi.»
12Babolitsi ba lepu, djowandi bamawendaange oyebatusu na bamawivule San rye: «Mulonzi, ka djetu yiturunguse wuvaghe?» 13Akebawaghule rye: «Ave dubongilaange lepu, duyavyosulilaange mu adimaduveghu musughu.»
14Baghore wandi bakemuwivule rye: «Fumu, ka djetu, tsyé tuvayile?» Amabatsingule rye: «Duyabongaange mbongu ombu mutu na biwarile, vo na mfurulu, tumbe singenanu na fute tsyénu.»
15Batu botsu bamabe nzunzubaa na yitu! Mutu-mutu amatase rye tangudji San djandi Kirisete. 16Mbana San akebatsingule rye: «Menu nyidubatisi mu mambe, tumbe mususu awu pyoghulile mangolu orughe. Nga nyiwelimine mu nyangule mikudu mi bapondu bandi. Djandi odubatise na Yinyuni Yisyeme na mudji. 17Aghange mu dikake dyandi ngwangu adjivu nane musomu mukakesune milunde amiboti na bipupu. Oghukighe milunde amiboti o yisweghulu yandi, tumbe obwaghe bipupu o mudji awu ghetsimi.»
18San amalonzaange batu Musamu wuboti na akebawarisa mu mambu mamosi mapwele. 19Vane-vane, San amasyembaange Yirode awu amabe yidjeti mu yinange yi Ngalile mumbari amabonge na akewele Yirodyase mughatsi, mwane ngudji andi na mumbari amamwévaghaange mambu mamosi mabive. 20Va djulu motsu mane, Yirode amabwese dibi disusu: amakotise San o tsughu.
Dubatusu du Djesu
Mat 3.13-17; Mrk 1.9-11
21Batu botsu bamibatusungu, na Djesu wandi akerughe mu yibatusu. Ave amasambililaange, djulu djikedibughe. 22Na Yinyuni Yisyeme yimaruyile o djulu mu yibawunu yi dibembi, yimasundughe mu djandi. Dyufi dimawulunu o djulu novose rye: «Wudji mwane ami murime, mu ndedju, nyimasunze durondu dwami dwotsu.»
Bukulu bu Djesu
Mat 1.1-17
23Ave Djesu amabandile yisalu yandi, amabe na maghumi-maryeru (30) ma bilime. Batu bamamulabaange nane, mwane Sosefe obangaange, mwane Yili, 24mwane Matate, mwane Levi, mwane Meleki, mwane Sanayi, mwane Sosefe, 25mwane Matatyase, mwane Amose, mwane Nawume, mwane Yiseli, mwane Naghayi, 26mwane Mate, mwane Matatyase, mwane Semeyine, mwane Sodeke, mwane Sode, 27mwane Sowanane, mwane Resa, mwane Sorobabele, mwane Salatyele, mwane Neri, 28mwane Meleki, mwane Adi, mwane Kosame, mwane Lemadame, mwane Eré, 29mwane Djesu, mwane Lyesere, mwane Sorime, mwane Matate, mwane Levi, 30mwane Simewu, mwane Suda, mwane Sosefe, mwane Soname, mwane Lyakime, 31mwane Meleya, mwane Mena, mwane Matata, mwane Natane, mwane Davide, 32mwane Djese, mwane Sobede, mwane Bwase, mwane Sala, mwane Nasone, 33mwane Aminadabe, mwane Adimine, mwane Areni, mwane Serome, mwane Farese, mwane Suda, 34mwane Sakobe, mwane Yisaake, mwane Aberaame, mwane Tera, mwane Nakore, 35mwane Seruke, mwane Raku, mwane Faleke, mwane Ebere, mwane Sala, 36mwane Kayiname, mwane Arefaghade, mwane Seme, mwane Nowe, mwane Lameke, 37mwane Matuselame, mwane Yinoke, mwane Sarede, mwane Maleleyele, mwane Kayiname, 38mwane Enose, mwane Sete, mwane Adame mwane Nzambi.
Šiuo metu pasirinkta:
Luke 3: PUNNT
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luke 3
3
Malongi ma San-Batise
Mat 3.1-12; Mrk 1.1-8; San 1.19-28
1Mu dighumi na bilime biranu (15), bi durumu du kaghe dji Rome, Tibere, Ponze Pilate akabe yidjeti mu yinange yi Sudé. Yirode djandi wune akebe yidjeti yinange yi Ngalile. Filipe, mwane ngudji andi amabe yidjeti yi binange bi Yiture na Tarkonite, mbana Lisanyase djandi akebe yidjeti mu yinange yi Abilene. 2Ave Ane na Kayife bamabilaange bivunde bi bavaghulitsi ba paghu, va temu éni, mbembu Nzambi djimatsingulu San, mwane Sakari o kumu. 3Anodjidile, San akenange yinange ayimabe mu mughule mudjambe Sordani, mu yenelubusaange batu rye: «Kalughanu mutsanu na batuswanu. Nzambi odutande mabi menu.»
4Nane direndulu mu dibuku di mubiyitsi Yisayi rye:
«Adidi la dyufi di mutu oyighamuyi o kumu rye:
Tsonzighanu nzile Fumu na sungighanu manzile mandi.
5Bibususu byotsu byubasusu.
Mikongu myotsu na bikundubughe byotsu byudyamusu.
Manzile amarekeme mosungughu, na amavu bidune moghulene.
6Na batu botsu bolabe dughobutsu du Nzambi#3.6 Ranganu: Isa 40.3-5.»
7Yinombu yimawendaange oyébatusu nandi, akebatsingulaange rye: «Dibure di bapili nane djenu, anyi amadulubuse urine kabu Nzambi adjiruyi? 8Lasanu mitsanu miwelimine amyulase rye dumakalughe dyele. Duyavose mu djenubeni rye: “Tudji baane ba Aberaame.” Ngenze nyidutsinguli bwena ne na mamani memama, Nzambi orungule ufikulile Aberaame baane. 9Dyumbi dimatsonzughu mu wangile mwiri mu nganzi. Kaboghu mwiri wotsu awugheburi milunde miboti wuwangu nobwaghu o mudji.»
10Yinombu yimamuwivulaange rye: «Yike tsyéni tuvayile?» 11Akebawaghule rye: «Awu avu na bikutu bibedji akaveghe yimosi oghaane yikutu, na awu avu na bighudji, aghabi wandi.»
12Babolitsi ba lepu, djowandi bamawendaange oyebatusu na bamawivule San rye: «Mulonzi, ka djetu yiturunguse wuvaghe?» 13Akebawaghule rye: «Ave dubongilaange lepu, duyavyosulilaange mu adimaduveghu musughu.»
14Baghore wandi bakemuwivule rye: «Fumu, ka djetu, tsyé tuvayile?» Amabatsingule rye: «Duyabongaange mbongu ombu mutu na biwarile, vo na mfurulu, tumbe singenanu na fute tsyénu.»
15Batu botsu bamabe nzunzubaa na yitu! Mutu-mutu amatase rye tangudji San djandi Kirisete. 16Mbana San akebatsingule rye: «Menu nyidubatisi mu mambe, tumbe mususu awu pyoghulile mangolu orughe. Nga nyiwelimine mu nyangule mikudu mi bapondu bandi. Djandi odubatise na Yinyuni Yisyeme na mudji. 17Aghange mu dikake dyandi ngwangu adjivu nane musomu mukakesune milunde amiboti na bipupu. Oghukighe milunde amiboti o yisweghulu yandi, tumbe obwaghe bipupu o mudji awu ghetsimi.»
18San amalonzaange batu Musamu wuboti na akebawarisa mu mambu mamosi mapwele. 19Vane-vane, San amasyembaange Yirode awu amabe yidjeti mu yinange yi Ngalile mumbari amabonge na akewele Yirodyase mughatsi, mwane ngudji andi na mumbari amamwévaghaange mambu mamosi mabive. 20Va djulu motsu mane, Yirode amabwese dibi disusu: amakotise San o tsughu.
Dubatusu du Djesu
Mat 3.13-17; Mrk 1.9-11
21Batu botsu bamibatusungu, na Djesu wandi akerughe mu yibatusu. Ave amasambililaange, djulu djikedibughe. 22Na Yinyuni Yisyeme yimaruyile o djulu mu yibawunu yi dibembi, yimasundughe mu djandi. Dyufi dimawulunu o djulu novose rye: «Wudji mwane ami murime, mu ndedju, nyimasunze durondu dwami dwotsu.»
Bukulu bu Djesu
Mat 1.1-17
23Ave Djesu amabandile yisalu yandi, amabe na maghumi-maryeru (30) ma bilime. Batu bamamulabaange nane, mwane Sosefe obangaange, mwane Yili, 24mwane Matate, mwane Levi, mwane Meleki, mwane Sanayi, mwane Sosefe, 25mwane Matatyase, mwane Amose, mwane Nawume, mwane Yiseli, mwane Naghayi, 26mwane Mate, mwane Matatyase, mwane Semeyine, mwane Sodeke, mwane Sode, 27mwane Sowanane, mwane Resa, mwane Sorobabele, mwane Salatyele, mwane Neri, 28mwane Meleki, mwane Adi, mwane Kosame, mwane Lemadame, mwane Eré, 29mwane Djesu, mwane Lyesere, mwane Sorime, mwane Matate, mwane Levi, 30mwane Simewu, mwane Suda, mwane Sosefe, mwane Soname, mwane Lyakime, 31mwane Meleya, mwane Mena, mwane Matata, mwane Natane, mwane Davide, 32mwane Djese, mwane Sobede, mwane Bwase, mwane Sala, mwane Nasone, 33mwane Aminadabe, mwane Adimine, mwane Areni, mwane Serome, mwane Farese, mwane Suda, 34mwane Sakobe, mwane Yisaake, mwane Aberaame, mwane Tera, mwane Nakore, 35mwane Seruke, mwane Raku, mwane Faleke, mwane Ebere, mwane Sala, 36mwane Kayiname, mwane Arefaghade, mwane Seme, mwane Nowe, mwane Lameke, 37mwane Matuselame, mwane Yinoke, mwane Sarede, mwane Maleleyele, mwane Kayiname, 38mwane Enose, mwane Sete, mwane Adame mwane Nzambi.
Šiuo metu pasirinkta:
:
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES