Luke 11
11
1ယက်တာကရပ် ကိုယ်တော်ယေရှုနာ တစ်နေရာယာ ဆုစိန်ကျီးကရပ် တပည့်တော်ဟူးဝါနာ "ကိုယ်တော်၊ အိန်းမြုပ်မင်္ဂလာဆရာယောဟန်နာ အမာကတပည့်ရက်အင် ဆုစိန်ဆနပ်ကဒေလေ ငါရက်အင်ယေ့ ဆုစိန်ဟေကား ဆနိန်အီယန်"ငါ့ကို လျှောက်တင်လင်ကဟေ။ 2မှကြောင့် ကိုယ်တော်ယေရှုနာ အမှာရက်အင် "နနိန်ရက်ဆုစိန်ဟေကအခါ 'အဗားဘုရား၊ အဗားဘုရားဂါ ဂုဏ်ကျေးဇူးငင်ချီးမွမ်းနက်ဟေ။ လူပြည့်ယာဗန်(ဖ်)ဂို့ အုပ်စိုးဗာဒက်။ ။ 3ငါ့ရက်ကအတွက် စိုးဟေကား အစာအာဟာရရက်အင် ယက်တာကရား အီယန်နက်နိမ့်။ 4ငါ့ရက်ကအပေါ်ဝါ ဒုစရိုက်ကျူးလွန်ဟေ့က လူရက်အင် ငါရက်ခွင့်လွှတ်အီကတလည်း ငါရက်ကအပြစ်ဒုစရိုက်ရက်အင်ယေ့ ခွင့်လွှတ်အီယန်နက်နိ။ ငါရက်က အပြစ်ဒုစရိုက်ကျူးလွန်ကဇိစ် ဆွဲဆောင်ဟေကယေ့ တားဆီးအီယန်"ငါ့ကို ဆုစိန်းယင်ဂီး" ငါ့ကို ငါ့လင်ကဟေ 5အယောက်ဟက်တာ ကိုယ်တော်နာ" နနိန်ရက်ကအထဲယာ ဟူးဝါနာ မိတ်ဆွေဟူးဝါငါနဲ့က(လ်) ထင်းနိုက်အချိန်ငါ အမာကမားလင်ကို 6'မိတ်ဆွေ၊ငါကအသိမိတ်ဆွေဟူးဝါနာ လင်းစံပြောင်ယာဘင်း ထုပ်ဗာ(ဖ်)ကို အမာရက်အင် ကျွေးမွေးဧည့်ခံကဇိစ် ဆူးဝါယဲ့အငါကအကြောင့် တာဗန်(ဖ်)ဆုံးလုံး ချေးယန်"ငါ့နဲ့က(လ်) 7နင်ကမိတ်ဆွေနာ "ငင်ယင် အနှောက်အဲ့၊ ကိန်းအာဟရက်အင်ယေ့ ပိတ်ကျီးယင် နန်း၊ ကိန်းဆိမ်ရက်အ(လ်)အိပ်တုန်းနန်း၊ ငါရိကို နနိန်ရက်ဇိစ်ဆူးဝါယဲ့ လုပ်ကိုအအီလှုယန်ပါ(လ်)ကား" ငါ့ကို ကိန်းတာဟုန်းငါဘင်း ငါ့လင်ကဟေ။ 8နနိန်ရက်အင် ငါငါ့ကက်ကနာ အိမ်မားလူးနာ မိတ်ဆွေဖြိုက်ဟေကားထောက်ကို နင်ငင် ဆူးဝါယေ့ဗန်(ဖ်)ကိုအအီကယေ့ နင်နာ ဇွဲ့အလျောထမ်း ဆက်ကို တောင်းခံတုန်းနဲ့က(လ်) အမာနာရိကို နင်လိုအပ်ကအူဇာရက်အင် အီယန်ကဟုန်း။ 9မှကြောင့် နနိန်ရက်အင် ငါ ငါးဟေ့ကနာ "စိန်ငင်း၊ လှုဝါပိုဝန်က။ ဆုံးယင်ဂီး၊ ပိုလင်ပိုကား။ အဟင်ဟောက်ငင်း အဟင့်ဟောက်ဟေကလူးစီးဖွင့်အီယန်က။ 10စိန်ဟေကလူးတိုင်း လှုလင်ပေါ်ကား။ ဆုံးဟေကလူးတိုင်းကဒိန်ယန်ကာ။ အဟင်ဟောက်ဟေကလူးတိုင်းယေ့ အဟင့်ဖွင့်အီလင်က။ 11တကယ်လို့ နင်ကအဆာ၊ဆာအိနာ တာနာမရာစိန်နဲ့က(လ်) အဆီအနူ(ဖ်)ဗာ(ဖ်)က(လ်) အဖူး(ဖ်)ယင် အီယန်ကယား။ 12တကယ်လို့ နင်ကအဆာ၊ဆာအိနာ အူကျီယင်စိန်နဲ့က(လ်) အဆာအနူ(ဖ်)ဗာ(ဖ်) ကင်းမြီးကောက် အီယန်ကာယား။ 13မှအကြောင့် နနိန်ရက်နာ အမီကလူးဖြိုက်တုန်းကဒင့်ယေ နနိန်ရက်က အဆာ၊ဆာအိရက်အင် မီဟေကအူဇာရက်မယ်အီဟေငါ့နဲ့က(လ်) ရွှေမြို့တော်ယာငါဟေကား အဗာ(ဖ်)ဘုရားရှင်ယေ့ အမာထနဲ့စိန်ဟေကားရိ(လ်)ကက်ကလူးရိ(လ်)ယင့် ဉာဏ်အလင်းတော်ယင်ဒင့် အီကဇိစ်ကအတွက် အဆင်သင့်ငါဟေ"ငါ့ကို ငါ့လင်ကဟေ။ 14ယက်တာကရပ် ကိုယ်တော်နာ လူးဟူးဝါယင် ဆံ့အဇိစ်ဟေကား မကောင်းဆိုးဝါးယင် ကတောက်လင်ကဟေ။ ကိုယ်တော်နာ မကောင်းဆိုးဝါယင် ကတောက်ကျီးကရပ် ဆွံ့အတုန်းလူးစာ တူးပြန်ကိုပြိစ်လှုကို လူထုပရိသတ်ရက်အ(လ်) အံ့ဩလင်ကဟေ။ 15ဆို့ဆော် လူးတစ်ချို့နာ "မှလူးနာ မကောင်းဆိုးဝါရက်က ဘုရင်ဗေလဇေဗုလရက်က တန်ခိုးအိမ်မကောင်းဆိုးဝါရက်အင် ကတောက်တုန်းကဟုန်း"ငါ့ကို ပြိစ်လင်ကဟေ။ 16အယောက်ကလူးရက်ယေ့ ကိုယ်တော်ငင် စမ်းသပ်ကက်စိုးဂို့ ဘုရားရှင်ကမားဘင်း နိမိတ်လက္ခဏာဆူဝါပါဆာ တောင်းဆိုးလင်ကဟေ။ 17ကိုယ်တော်နာ အိမ်မာလူးရက်ကစိတ်အင် ချေးတုန်းကို အမာရက်အင် "နိုင်ငံဆူးဝါက လူးရက်နာ စိတ်ဝမ်းကွဲကို ဟူးဝါအိမ်ဟူးဝါ ဆန့်ကျင်တုန်းနဲ့က(လ်) အိမ်မာနိုင်ငံနာ မကြာခင်ပျက်ဆီးလင်ကား။ အတတ်ကဒေလေ မိသားစုတစ်စုဝါယေ့ စိတ်ဝမ်းကွဲကို ဟူးဝါအိမ်ဟူးဝါအရိုင်းဖြိုက်တုန်းနဲ့က(လ်) အိမ်မားမိသားစုနာ ပြိုကွဲလင်ပေါ်ကား 18တကယ်လို့ မာရ်နတ်ယေ့ အမာရက်အင်ဆန့်ကျင်ကို ကွဲပြားတုန်းနဲ့က(လ်) အမာကနိုင်ငံနာ အဆာမီတည်မြဲငန်ကယား။ အတတ်အ(လ်) နနိန်ရက်နာ ငါနာ ဗေလဇေဗုလကတန်ခိုးအိမ် မကောင်းဆိုးဝါရက်အင် ကတောက်ဟေငါ့ကို ပြိစ်တုန်းဟေ။ 19တကယ်လို့ ငါနာ အမာကတန်ခိုးအာဏာအိမ် မကောင်းဆိုးဝါယင် ကတောက်တုန်းဟေငါ့နဲ့ နနိန်ရက်ကတပည့်ရက်က(လ်) အယူကတန်ခိုးအိမ် မကောင်းဆိုးဝါးရက်အင် ကတောက်တုန်းကယား။ နနိန်ရက်ကတည့်ရက်နာ နနိန်ရက်ကမင်တုန်းဟေငါ့ဟေကား သက်သေရက်မယ်ဖြိုက်ဟေ။ 20ညီးင့ဒင့်ယဲ့ ငါနာ ဘုရားရှင်ကတန်ခိုးတော်အိမ် မကောင်းဆိုးဝါယင် ကတောက်တုန်းကဖြိုက်ကို ဘုရားရှင်ကသာသနာတော်နာ နနိန်ရက်ကမား ထုပ်တုန်းနန်းငါ့ဟေကား ဆနပ်တုန်းကဖြိုက်ဟေ။ 21ခွန်အားပြောင်ဟေကလူနာ လက်နက်အပြည့်အစုံအိန် အမာကကိန်းငင်စောင့်တုန်ကရပ် အမှာကအူဇာစုတ်ရက်နာ လုံခြုံမူငါလင်ကဖြိုက်ဟေ။ 22ညီးင့ဒင့်ယေ အမာ တောင်မာဒင့် ခွန်အားပြောင်ကလူးနာ အမင်ဗန်(ဖ်)ကိုတိုက်ခိုက်ကို အနိူင်လှုနဲ့က(လ်) အမာလာပီကလက်နက်ရက်စာ သိမ်းလာကလင်ကို အူဇာရက်အင်ယေ့ လာကလင်ကို အယောက်ကလူးရက်အင် မန်ကိုအီလင်ကား။ 23ငါကဟိုက်နိန်းယာ အရပ်တည်ကရိ(လ်)ကက်ကလူးရိ(လ်)ယင့် ငင် ဆန့်ကျင်ကလူးမယ်ဖြိုက်ဟေ။ ငါအိမ်မက်တာ အတုန်းကလူးရက်အ(လ်) တစ်ကွဲတစ်ပြားဖြစ်လင်ကား။ 24မကောင်းဆိုးဝါးနာ ပူးတုန်းကလူးကမဘင်းပြုကို မလိမ်းကန္တာရယာလန်းကို တုန်းကနေရာ ဆုံးလင်ကဟေ။ ညီးင့ဒင့်ယေ့ တစ်နေရာယဲ့ဆုံးကိုအလှုကအတွက် "ငါမလားတုန်းဟေက နေရာမယ် ပြန့်က"ငါ့ကို ဗန်(ဖ်)လင်ကဟေ။ 25ထုပ်ဗာ(ဖ်)ကရပ် မလားအမာပူးဒက်က လူးကခန္တာကိုယ်နာ သန့်ရှင်သပ်ရပ်မနီးလုပ်ပီကား ကိန်းဆောင်းနာဖြိုက်တုန်းက ပေါ်လင်ကဟေ။ 26မှအခါ မကောင်းဆိုးဝါးရက်နာ အမာတောင်မဆိုးဟေကား အယောက်ကမကောင်းဆိုးဝါခုနှစ်ကောင်ငင် အော်ကိုလာကန်းကအတွက် ပူးကဟင်းပေါ်ကားလူးနာ မလားကတောင်မာဒင့် အခြေနေဆိုးလင် ကဟေ။"ငါ့ကို ငါ့လင်ကဟေ။ 27ကိုယ်တော်နာ လူထုပရိသတ်အင် ဆနိန်အီတုန်းကရပ် တာဆာလောင်ဟူးဝါနာ "ကိုယ်တော်ယင် ကေကိုအစို့အတိ(လ်)ဒက်က တာဆာလောင်နာ မင်္ဂလာငါဟေကလူးဖြိုက်ဟေ" ငါ့ကို လျှောက်တင်လင်ကဟေ။ 28အိမ်မအခါ ကိုယ်တော်နာ" မှန်နက်ဟေ။ ညီးင့ဒင့်ယေ့ ဘုရားရှင်ကနူတ်က ပတ်တော်ရက်အင် အတေးပေါ်ကို လိုက်နာကျင့်သုံးကလူးရက်ပိုကို မင်္ဂလာငါ့ဟေကလူးရက် ဖြိုက်ဟေ" ငါ့ကို ငါ့လင်ကဟေ။ 29လူထုပရိသတ်ရက် ဝိုင်းတုန်းကရပ် ကိုယ်တော်နာ "အတတ်ကခေတ်အာကလူးရက်နာ တဗျင်းဆိုးဟေ။ အမာရက်နာ နိမိတ်လက္ခဏာယင်တောင်းဆိုကယဲ့ ယောနကနိမိတ်လက္ခဏာလွဲကို အယောက်ကဆူးယေ့က နိမိတ်လက္ခဏာယင် ဆနပ်လင်ကအရိ(လ်)ပါ(လ်)။ 30နိနေဝေမြို့ဆာရက်အင် ယောနနာ နိနေဝေမြို့ဆာရက်ကအတွက် နိမိတ်လက္ခဏာဖြိုက်ကဒေလေ လူးအဆာယေ့ မှခေတ်ကအတွက် နိမိတ်လက္ခဏာဆူးဝါဖြိုက်လင်ကား။ 31ရှေဘပြည် ဘုရင်နာ မဟာဉာဏ်ပညာ ပြောင်ဟေကား ရှောလမုန်ဘုရင်ကအဆုံးမရက်အင် အတေးကဇိစ် လင်းစံကအယောက်ကတိုင်းပြည် ယာဘင်းဗန်(ဖ်)လင်ပေါ်ကဟေ။ ညီးင့ဒင့်ယေ့ အတတ်ကခေတ်အာ ရှောလမုန်ဘုရင်တောင်မာဒင့် ပြောင်ကလူးထုပ်တုန်းကဖြိုဟေ။ မှအကြောင့် တရားစီရင်ကနေရာထုပ်နဲ့က(လ်) ရှေဘပြည်ဘုရင်မနာ အတတ်ကခေတ်အာကလူးရက်အင် စွဲချက်တင်လင်ကား။ 32ယောနက ဆနိန်အီကရက်ကအတွက် ကြောင့် နောင်တလှုကို ဘုရားရှင်ယင် ဆည်းကပ်ဗာ(ဖ်)ကား နိနေဝေမြို့ဆာရက်အ(လ်) နနိန်ရက်အင် စွဲချက်တင်လင်ကား။ အဇာရိကို့အားငါ့နဲ့ အတတ်ကခေတ်အာ ယောနတောင်မာ ပြောင်ကလူးထုပ် တုန်းကဖြိုက်ဟေ"ငါ့ကို ငါ့လင်ကဟေ။ 33ကျီးကအိမ် ကိုယ်တော်နာ" ဗန်(ဖ်)ထွန်းဟေကား မီအိမ်ယင် ဟူးဝါယေ့ အဆေးပီက၊ တောင်အမုတ်အာယေ့ အဆေးကိုအပီပါ(လ်)။ ကိန်းတာဟုန်းငါ ဆင်ငန်ကလူးရက် အလင်းရောင်လှုက အတွက် မီးအိမ်ငင် မီးတိုင်အာမယ် ချိတ်ပီဟေ။ 34နနိန်ရက်က အမိန်းရက်နာ နနိန်ရက်က ခန္ဓာကိုယ်က မီးအိမ်ဒေလေဖြိုက်ဟေ။ အမိတ်မီနဲ့က(လ်) စိုးဟေကားအလင်းရောင်ငင် နင်လှုငန်ကားဖြိုက်ကို အမိတ်အမီနဲ့က(လ်) အူဇာစုတ်ရက် ထင့်မုတ်မုတ်ဖြိုက်တုန်းလင်ကား။ 35မှအကြောင့် နင်ကမာငါဟေကအလင်းငင် အမှောင်အဖြစ်ကဇီ သတိပြုငင်။ 36နနိန်ရက်ကမား အလင်းငါနဲ့က(လ်) ဆူးယဲ့ကအူဇာရက် ထင့်မုတ်မုတ်အဖြိုက်ထမ်း မီးအိမ်နာ တောက်ပဟေကအလင်းရောင်အိမ် နင်ကအဖုံး ငါထွန်းတုန်းကဒေလေ နေရာတိုင်းငါ ထွန်းလင်းတောက်ပတုန်းလင်ကဖြိုက်ဟေ"ငါ့ကို ငါ့လင်ကဟေ။ 37မှတလည် မိန့်တော်မူတော်ကျီးဟေကအခါ ဖာရိရှဲဟူးဝါနာ ကိုယ်တော်ယင် ဆာကဇမ်းရက် အိမ် ဧည့်ခံကဇိစ် အမာကကိန်းငါဖိတ်ကို ကိုယ်တော်စာကြွလင်ကို ပုတ်ဆာကခုံဝိုင်းငါ တုန်းလင်ကဟေ။ 38ကိုယ်တော်စာ ပုတ်အဆာမိ တာဟူးအကဇမ်းထမ်း ပုတ်ဆာကခုံငါ တုန်းဟေကား ဖာရိရှဲစာပိုကို အံ့ဩလင်ကဟေ။ 39အိမ်မအခါ ကိုယ်တော်နာ "နနိန်ရက် ဖာရိရှဲရက်နာ ပင်းကန်ဟွက်ရက်ကအပြင်ငါ ကဇမ်းကို နနိန်ရက်ကအတွင်းစိတ်အင်က(လ်) လောဘတရားအိမ် ညစ်ပေယုတ်ညံ့တုန်းဟေ။ 40လူးမိုက်ရက်၊ ဘုရားရှင်နာ အထဲအိန်းအပြင်ငင် နိန့်ဟိုက်ဟိုက်အာ ဖန်ဆင်းအီဟေကအရီလေ့။ 41နနိန်ရက်ကမားငါဟေကား အူဇာရက်အင်မယ် ဆင်းရဲကလူးရက်ဇိစ် အီကငါနဲ့က(လ်) နနိန်ရက်ကလုပ်ဟေကရက်အင် ဘုရားရှင်နှစ်သက်လင်ကား။ 42ဖာရိရှဲနာ၊ နနိန်ရက်နာ မင်္ဂလာအငါပါ(လ်)။ နနိန်ရက်နာ ဥယျာဉ်ခြံထွက် အဆီပနှံရက်က ဆယ်ပုံတစ်ပုံငင် ဘုရားရှင်ကမား လှုကယေ့ နနိန်ရက်နာ သူတစ်ပါးယင် ဝှိက်ကို ဘုရားရှင်ယင်ယဲ့ အမှန်တကယ်ချစ်ဟေကား အငါပါ(လ်)။ နနိန်ရက်နာ ဆယ်ပုံတစ်ပုံငင်လှုပိုကအပြင် အယောက်ကလူးရက်အင်ယေ့ တရားမျှတမူ၊ သနားကြင်နာ မူရက်အိမ်ယေ့ ဆက်ဆံသင့်ဟေ။ 43ဖာရိရှဲရက် နနိန်ရက်နာ မင်္ဂလာအငါပါ(လ်)။ နနိန်ရက်နာ ဓမ္မာရုံရက်အာယေ့ ရှေ့ဆုံးငါတုန်းကက်ဟေ။ ဈီးငါယေ့ လူးရက်က ကနင်းဖူ(ဖ်)ဆာ နူတ်ဆက်ဟေက ယေ့စိုးကက်ဟေ။ 44အိမ်မာအူဇာရက်နာ အမင်္ဂလာရက်ဟုန်း။ နနိန်ရက်နာ အမှတ်အသားအငါကား သင်္ချိူင်းဂူအိမ်တူဟေ။ လူးရက်နာ သင်္ချိူင်းဂူမှန်းအချေးထမ်း လင်ပတ်ဗန်(ဖ်)ပတ်ရိတုန်းဟေ"ငါ့ကို ငါ့လင်ကဟေ။ 45အိမ်မအခါ ကျမ်းတတ်ဆရာဟူးဝါးနာ "ဆရာ၊ မှဒေလေငါ့နဲ့က(လ်) ငါ့ရက်အင်ယေ့ ပြစ်တင်ရှုတ်ချဟေကထုတ်ဟေ" ငါးဂို့ ပြန်လျှောက်တင်လင်ဟေ။ 46အိမ်မအခါ ကိုယ်တော်ယေ "ကျမ်းတတ်ဆရာရက် နနိန်ရက်အ(လ်) အမင်္ဂလာငါဟေ။ နနိန်ရက်နာ လူးရက်အင် အာနိမ်ဟေကအူဇာ ရက်အင်ဖေ့ဇိစ်ကို နနိန်ရက်ကိုယ်တိုင်က(လ်) အိမ်မာရက်အင် တာဟူးအိမ်ဒင့်အတိုးပါ(လ်)။ 47နနိန်ရက်နာ အမှန်တကယ် အမင်္ဂလာငါဟေ။ အဇာရိကိုအငါ့နဲ့က(လ်) အယင်ဟိုက်ကရပ် နနိန်ရက်က အအီအုပ်ရက် ကတိုက်ဒက်ကား အရိယာသူတော်စင်ရက်ကအတွက် သင်္ချိူင်းဂူရက်ဒေလေ နနိန်ရက်နာ ပြုကိုအီတုန်းဟေ။ 48မဒေလေလုပ်ကနာ နနိန်ရက်က အအီအအုပ်ရက်လုပ်တက်ဟေကား မှန်ကန်ဟေငါ့ကို ထောက်ခံတုန်းကမယ်ဖြိုက်ဟေ။ နနိန်ရက်မယ် အထောက်ခံနဲ့က(လ်) နနိန်ရက်ကအအီအုပ်ရက် ကတိုက်ဒက်ကား အရိယာသူတော်စင်ရက်ကအတွက် အတတ်ကဒေလေက သင်္ချိူင်းဂူရက်အင် ပြုအီယန်ကအရိပါ(လ်)။ 49မှအကြောင့် အူဇာစုတ်ရက်အင်ချေးဟေကား ဘုရားရှင်နာ "နနိန်ရက်ကမား အရိယာသူတော်စင်ရက်အိမ်မက်တာ သာဝကရက်အင် ဖြောက်နက်အန်ကား။ ညီးင့ဒင့်ယေ့ နနိန်ရက်စာ အိမ်မာအရိယာသူတော်စင်ရက်၊ သာဝကအချို့ရက်အင် ကတိုက်ကို တစ်ချိူ့က(လ်) နှိမ့်စက်လင်ကဟေ။"ငါ့ကို ငါ့လင်ကဟေ။ 50အတတ်ကခေတ်အာက လူးဆာရက်နာ ကမ္ဘာဦးအစထဲယာဘင်း အရိယာသူတော်စင်ရက်အင် ကတိုက်တက်ကအတွက် အပြစ်ဒဏ်စီရင်ဟေကား ဟင်းလက်ပေါ်ကား။ 51အရိယာသူတော်စင်ရက်က(လ်) အာဗေလယာဘင်း စကို ဗိမ္မာန်တော်အိမ်ပူဇော်ပလ္လင်ကြားယာ ကတိုက်ကဟင်းဒက်ပိုက ဇာခရိအထိဖြိုက်ဟေ။ မှအကြောင့် မှအူဇာစုတ်ရက်ကအတွက် အတတ်ကခေတ်အာကလူးဆာရက်စာ အပြစ်ဒဏ်စီရင်ကဟင်းငန်ပိုကငါ့ကို ငါအသေချာငါလှုဟေ။ 52ကျမ်းတတ်ဆရာရက်၊ နနိန်ရက်နာ အမင်္ဂလာငါဟေ။ နနိန်ရက်နာ ဘုရားရှင်အိမ် သက်ဆိုင်ဟေကား အသိပညာဘဏ်တိုက်က အာဟဆွယင် သိမ်းပီကို အပါနာကိုယ်တိုင်ယေ့ အဆင်ပါ(လ်)၊ အယောက်ကလူးရက်အင်ယေ့ တားမြစ်ဟေ"ငါ့ကိုကျီးကရပ် 53ကိုယ်တော်နာ အိမ်မာအရပ်အာဘင်း ပြုလင်ကရပ် ကျမ်းတတ်ဆရာရက်အိမ် ဖာရိရှဲရက်စာ ကိုယ်တော်ယင် ဝေဖန်ပြစ်တင်ကို ကိုယ်တော်ယင် အကြောင်းအရာစုတ်ရက်အိမ်ပတ်သက်ကို မေးခွန်းရက်ဘောင်းကို ကတာလင်ကဟေ။ 54အိမ်မားလူးရက်နာ ကိုယ်တော်ငါ့ဟေကား တူးရက်အင် အကာမင်ဆူးဝါပါဆာယိုးနဲ့က(လ်) ကိုယ်တော်ယင် အပြစ်တင်ကဇိစ် အတတ်ကဒေလေ ကတာဒက်က ဖြိုက်ဟေ။
Šiuo metu pasirinkta:
Luke 11: ttpv-rv
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
This translation of the Thet Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.