Chibkees Luz Qhes Thiaj
Luz Qhes Thiaj
Phaw Chibkees na saw txug keb tsid muaj lus ntuj has lus ntajtes; thiaj tuz neeg pib muaj keb txhud, pib muaj keb txodnyed, has Vaajtswb nrug neeg sis cogluz. Phaw Chibkees na muas fais ua os piag tseedcees ni na:
(1) Tshooj 1-11 has txug keb tsid muaj lus ntajtes has muaj neeg. Qhais na muz yog has txug tej tad neeg: Adaas has Evas, Ka-ees has Anpees, Naw-es has dej nyaas ntajtes, has tuz pedthuad kwg puas tu teschias Npanpiloos.
(2) Tshooj 12-50 has txug cob Yixalayees cob yiadkoos lus neej. Thiaj tuz yog Anplahaas, niz yog tuz muaj keb ntseeg luj has noog Vaajtswb luz. Has txug niz tuz tus Ixaj has niz tuz xeesntxwz Yakhawj (kwg muaj kua is lus npe hu ua Yixalayees), has Yakhawj kawd os tug tus kwg chib muaj kawd os xeed tu hub yaad neeg Yixalayees. Has tshwjxees, yog has txug Yawxej kwg yog Yakhawj is tug tus, has tej xwdtxheej kwg muaj. Yawxej ha coj Yakhawj has Yakhawj cob tus tsib muz nyos tu teschias Izib.
Ua ntej phaw ntiab na has txug neeg, mas ted xus has txug tej kwg Vaajtswb taw ua taaz luz liad. Xus pib qhais qhob kwg Vaajtswb tsid lus ntajtes lus ntuj, has kiag tu qhais Vaajtswb cob luz cog tseg kwg niz yiad hlus has taasncuas niz yaad neeg. Thoos pliaz phaw ntiab na, Vaajtswb yog tuz tseedcees tshaaj, niz yog tuz kwg raw txid has txabtxid tu cob neeg kwg ua txhud, yog tuz coj has paas niz yaad neeg, has paas kuas cud ua taw lus neej zoo. Phaw chibkees na yog saw txug yaad neeg kwg muaj keb ntseeg has paas kuas txuj keb ntseeg qhai muaj sa nyos muz.
Txheej Txheed
Tsid lus ntajtes has tsid neeg (1.1—2.25)
Chib muaj keb txhud has keb txodnyed (3.1-24)
Txij thaws Adaas luz txug tu Naw-es (4.1—5.32)
Naw-es has dej nyaas ntajtes (6.1—10.32)
Puas tuz pedthuad hub Npanpiloos (11.1-9)
Pib qhais Semas luz txug tu Alaas (11.10-32)
Cob yiadkoos yog: Anplahaas, Ixaj, Yakhawj (12.1—35.29)
Exaws cob xeesntxwz (36.1-43)
Yawxej has niz cob tijlawg (37.1—45.28)
Cob Yixalayees nyos hub teschias Izib (46.1—50.26)
Šiuo metu pasirinkta:
Chibkees Luz Qhes Thiaj: CQD2024
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2024 Bible Society Vietnam. All rights reserved.