Genesis 29
29
Yakobo yakholela Labani khulzua Raheli naLea, mbu abateeshie
1Mana Yakobo natsiililila khuluchendolwe, niyoola khushibala shiabandu bebukwe. 2Nahenga, ne lola, liyabo liamatsi ndielo mumukunda, ne amakondi amatuuli kataru ngako, nikakonileho ahambi ninalio; okhuba mwiyabo omwo nimwo omwa banyweesinjia ebiayo; nelichina eliali khumunwa kweliyabo liali likhongo muno. 3Ne amatuuli kosi kali nikakhung'aasi; libungwaho; mana bali nibaselenjesinjia lichina barusie khumunwa kweliyabo, nibanyweesia amakondi, nibakalusia lichina khumunwa kweliyabo.
4Yakobo nabareeba mbu Abashianje, murulile heena? Nibakalusia bari Khuli abeHarani. 5Nabareeba mbu Mumanyile Labani omwana waNahori? Nabo bari Khumumanyile. 6Nabareeba ari Nomulamu noho? Nabo bari Nomulamu; khandi lola, omukhaanawe Raheli ngwoyo, yeetsanga nende amakondi. 7Nababoolela mbu Lole, shishili eshiteere, shineshise eshia emiruko okhukhung'aasilibwakhwo tawe; munyweesie amakondi, mutsie mwaye. 8Nibaboola bari Shikhunyala ta, okhuula amatuuli kosi olwa kaba nikakhung'aasiibwe halala, nibaselenjesia lichina lirule khumunwa kweliyabo, mana khulanyweesia amakondi.
9Olwa yali nashiboolananga ninabo, Raheli niyeetsa nende amakondi kasamwana; okhuba niye owalinji omwayi. 10Kho olwa Yakobo yalola Raheli omukhaana waLabani khootsanyene, nende amakondi kaLabani khootsanyene Yakobo yasita ahambi naselenjesia lichina nalirusia khumunwa kweliyabo, nanyweesia ebiayo biaLabani khootsanyene. 11Mana Yakobo namutsunzuuna Raheli, nachinga omwoyo nalila. 12Yakobo naboolela Raheli shinga olwa ali omwihwa wasamwana, khandi mbu nomwana waRebeka; naye niyeelukha natsia naboolela samwana.
13Ne olwa Labani yahulila amakhuwa kaYakobo omwihwawe, yeelukha okhumubukaanila, namukwakhwo namufumbeelela, namutsunzuuna, namuleera munzuye. Naye naboolela Labani amakhuwa ako kosi. 14Labani namuboolela mbu Toto oli likumba eliokhumubili kwanje, khandi inyama eyokhumubili kwaulje. Namenyayo ninaye eshise shiomwesi mulala.
15Mana Labani yareeba Yakobo ari Okhoyile okhu'kholela butswa shichila oli omwihwa wanje, noho? Khamboolele omurungokwo okwa ekhuhe? 16Ne Labani yali nende abaanabe abakhaana babili; eliira liowambeli niye Lea, neliira liomushe niye Raheli. 17Ne tsimoni tsiaLea tsiali tsindeshele; habula Raheli yakaasa muno omubilikwe kwosi nomumoni. 18Yakobo naye yaheela Raheli; nasunga mbu Ndalakhukholela emiyika musaafu khulwa Raheli omukhaanawo omushe. 19Labani naboola ari Nobulayi nikhuheele iwe; khushila okhuheelesia omundu undi; menyakhwo ninasi. 20Mana Yakobo yakhola emiyika musaafu khulwa Raheli; nichiba khuye shinga tsindaalo tsinduutu butswa, khulwa obuheeli obwa yali niyamuheela.
21Mana Yakobo namusunjila Labani mbu Umbeelesie omukhasi wanje, okhuba tsindaalo tsianje tsihweele, mbu emuteeshie. 22Kho Labani nakhung'aasia halala abandu bosi bahabwene yaho, nateekha lisabo. 23Mana mungoloobe yabukula Lea omwanawe omukhaana, namuyilila Yakobo; naye namuteeshia. 24Iihandi Labani naheelesia omwanawe Lea omukholiwe omukhaana Zilipa, mbu abe omukholiwe. 25Nikaba mbu mukamba, khane yali Lea; Yakobo nareeba Labani ari Lino nelikhuwa shiina elia ukholeele? Shindakhukholela khulwa Raheli? Kho nishiina eshichila niungaatiye? 26Labani nasunga mbu Shikeekholanga kario mushialo shieefwe ta, okhubakha omushe nomukhulundu nashili. 27Mala lihonga lia uno, mana khulakhuheelesia nende oundi oyo khandi khulwa obukholi obwa witsa okhukholela emiyika chindi musaafu. 28Kho Yakobo nakhola ario, namala lihongalie; mana Labani namubashila Raheli omwanawe abe omukhasiwe. 29Labani naheelesia omwanawe Raheli omukholiwe omukhaana Biliha, abe omukholiwe. 30Yakobo nateeshia Raheli, naheela Raheli okhushila Lea; namukholela emiyika chindi musaafu khandi.
Abaana aba Yakobo yeebula
31OMWAMI nalola mbu Lea shiyaheelwa ta, namwikula olubeleshelo; ne Raheli yali omukumba. 32Lea nahela inda, niyeebula omwana omusiani, namukulikha eliira mbu Reubeni; okhuba yasunga mbu Shichila OMWAMI yahenjile okhusandibwa khwanje; bulaano omusaatsa wanje ala'heela. 33Nahela inda khandi, niyeebula omwana omusiani; naboola ari Shichila OMWAMI yahuliile shinga olwa ndaraheelwa ta, khulwako yambeele uno yesi; namukulikha eliira mbu Simeoni. 34Khandi nahela inda, niyeebula omwana omusiani; nasunga mbu Bulaano nilwo olwa omusaatsa wanje alahambana ninasi, okhuba emwibuliile abaana abasiani bataru; khulwako yakulikhwa eliira mbu Lawi. 35Khandi nahela inda, niyeebula omwana omusiani; nasunga mbu Kho luno nalwo ndalamufumia OMWAMI; khulwako namukulikha eiiira mbu Yuda; mana nasinjila okhwibula.
Šiuo metu pasirinkta:
Genesis 29: OUV
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Oluluyia Union Version © Bible Society of Kenya 1975