If you have would like a copy of this version please contact info@davarpartners.org

Lango Old Testament

<div class="version vid1974 iso6393laj" data-vid="1974" data-iso6393="laj">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Polo kede lobo rik oketo otum kite-nono, kede jami ducu ame tye iye. 2#Eb. 4.4, 10#Yaa 20.11Oba&#331;a ogiko ticcere ame rik otio i nino me abiro, eka te weo i nino me abiro i tic ducu ame rik en otio. 3Oba&#331;a te miyo nino me abiro gum, omio obedo acil, pien i nino-nono en Oba&#331;a rik owe iye i ticcere ducu ame en obedo tiyo i keto lobo.</div><div class="p"> 4Man en kite ame polo kede lobo ocakere kede i kare ame oketogi iye.</div><div class="p">I nino ame Rwot Oba&#331;a rik otio iye polo kede lobo, 5yattoro me tim onwo&#331;o mom ru tye i lobo, kit lummoro da&#331; onwo&#331;o mom ru otu; pien Rwot Oba&#331;a onwo&#331;o mom ru omio kot ocwe i lobo, dano ame puro lobo da&#331; onwo&#331;o pwod pe, 6ento ekuna te cako duny malo, bido wi lobo ducu. 7#1 Kor. 15.45Rwot te cweyo dano kede apua me lobo, okuta yamo me kwo i wume, dano te doko gin ame tye kede kwo.</div><div class="s1">Poto ame oyiko i Eden</div><div class="p"> 8Rwot Oba&#331;a te yiko poto i Eden tu&#331; kide, te keto iye dano ame en ocweo. 9#Nyut 2.7; 22.2, 14Eka Rwot Oba&#331;a te miyo kwon yen ducu abeco me anena kede me acama tu i lobo, kede yat me kwo da&#331; i dye poto, kede yat me poko gin aber kede gin arac.</div><div class="p"> 10Kulo ame onwo&#331;o mol ya iyi Eden kelo pii i poto, yie te, pokere i kuno, te doko kulo a&#331;wen. 11Me agege omano lobo Kavila ducu, kan ame tye iye jabu, nyi&#331;e Picon. 12Jabu me lobo-nu beco; odok yat ame olwo&#331;o ni bedola onwo&#331;o tye iye, kede gwe&#331; onik. 13Kulo me aryo, omano lobo Kuc lu&#331;, nyi&#331;e Gikon. 14Kulo me adek ame mol dok tu&#331; kide me Acuria, Tigiric. Kulo me a&#331;wen, nyi&#331;e Efurate.</div><div class="p"> 15Rwot Oba&#331;a okwanyo dano te keto i poto me Eden, me en pur dok gwoki, 16Rwot Oba&#331;a te ciko dano ni, &#8220;Yen ducu ame tye i poto itwero camo giri abo&#331;o lworo, 17cite yat me poko gin aber kede gin arac, kur icam, pien i nino ame ibino camo iye, ibino to.&#8221;</div><div class="p"> 18Rwot Oba&#331;a te dok kobo ni, &#8220;Pe ber dano ibedo kene; abino tiyo &#331;at ame konye ame oporre pire.&#8221; 19Rwot Oba&#331;a te cweyo leyi ducu me tim kede winy ducu a twarre malo kun cweo kede lobo. Eka te kelogi ba&#331; dano me nen kite ame ebino cako kede nyi&#331;gi; do&#331; nyi&#331;&#331;oro ducu ame dano ocakki gin akwo acel acel, doko do&#331; nyi&#331;e. 20Dano ocako nyi&#331; leyi ducu me paco, kede winy a twarre malo, kede leyi me tim; cite &#331;at ame myero kony dano ame oporre pire onwo&#331;o pwod pe. 21Rwot Oba&#331;a te miyo nino mako wa&#331; dano atek meicel; i kare ame en onino, Rwot Oba&#331;a te kwanyo amara mere acel oko, te mwono kakare kede ri&#331;o. 22Amara mere ame Rwot Oba&#331;a okwanyo-nono, otio odoko dako, te kelo ba&#331; dano. 23Dano te kobo ni,</div><div class="q1">&#8220;Man en cogo ame oya i cogona,</div><div class="q1">kede ri&#331;o me ri&#331;o koma.</div><div class="q1">Obino lwo&#331;e ni Dako,</div><div class="q1">pien okwanye i kom Ico.&#8221;</div><div class="m"> 24 # 
 Mat. 19.5; Mar. 10.7-8; 1 Kor. 6.16; Ep. 5.31 Man en gin omio dano weko pappere kede tottere, te moko i kom dako mere, gin aryo ote doko kom acel. 25I karenaca ico kede dako mere onwo&#331;o tye onoro, lewic gire onwo&#331;o mom makogi.</div>
 </div>
 </div>
</div>

Lango Bible © United Bible Societies, 1978, 2019.

Polo kede lobo rik oketo otum kite-nono, kede jami ducu ame tye iye. Obaŋa ogiko ticcere ame rik otio i nino me abiro, eka te weo i nino me abiro i tic ducu ame rik en otio. Obaŋa te miyo nino me abiro gum, omio obedo acil, pien i nino-nono en Obaŋa rik owe iye i ticcere ducu ame en obedo tiyo i keto lobo.
Man en kite ame polo kede lobo ocakere kede i kare ame oketogi iye.
I nino ame Rwot Obaŋa rik otio iye polo kede lobo, yattoro me tim onwoŋo mom ru tye i lobo, kit lummoro daŋ onwoŋo mom ru otu; pien Rwot Obaŋa onwoŋo mom ru omio kot ocwe i lobo, dano ame puro lobo daŋ onwoŋo pwod pe, ento ekuna te cako duny malo, bido wi lobo ducu. Rwot te cweyo dano kede apua me lobo, okuta yamo me kwo i wume, dano te doko gin ame tye kede kwo.

Rwot Obaŋa te yiko poto i Eden tuŋ kide, te keto iye dano ame en ocweo. Eka Rwot Obaŋa te miyo kwon yen ducu abeco me anena kede me acama tu i lobo, kede yat me kwo daŋ i dye poto, kede yat me poko gin aber kede gin arac.
Kulo ame onwoŋo mol ya iyi Eden kelo pii i poto, yie te, pokere i kuno, te doko kulo aŋwen. Me agege omano lobo Kavila ducu, kan ame tye iye jabu, nyiŋe Picon. Jabu me lobo-nu beco; odok yat ame olwoŋo ni bedola onwoŋo tye iye, kede gweŋ onik. Kulo me aryo, omano lobo Kuc luŋ, nyiŋe Gikon. Kulo me adek ame mol dok tuŋ kide me Acuria, Tigiric. Kulo me aŋwen, nyiŋe Efurate.
Rwot Obaŋa okwanyo dano te keto i poto me Eden, me en pur dok gwoki, Rwot Obaŋa te ciko dano ni, “Yen ducu ame tye i poto itwero camo giri aboŋo lworo, cite yat me poko gin aber kede gin arac, kur icam, pien i nino ame ibino camo iye, ibino to.”
Rwot Obaŋa te dok kobo ni, “Pe ber dano ibedo kene; abino tiyo ŋat ame konye ame oporre pire.” Rwot Obaŋa te cweyo leyi ducu me tim kede winy ducu a twarre malo kun cweo kede lobo. Eka te kelogi baŋ dano me nen kite ame ebino cako kede nyiŋgi; doŋ nyiŋŋoro ducu ame dano ocakki gin akwo acel acel, doko doŋ nyiŋe. Dano ocako nyiŋ leyi ducu me paco, kede winy a twarre malo, kede leyi me tim; cite ŋat ame myero kony dano ame oporre pire onwoŋo pwod pe. Rwot Obaŋa te miyo nino mako waŋ dano atek meicel; i kare ame en onino, Rwot Obaŋa te kwanyo amara mere acel oko, te mwono kakare kede riŋo. Amara mere ame Rwot Obaŋa okwanyo-nono, otio odoko dako, te kelo baŋ dano. Dano te kobo ni,
“Man en cogo ame oya i cogona,
kede riŋo me riŋo koma.
Obino lwoŋe ni Dako,
pien okwanye i kom Ico.”
Man en gin omio dano weko pappere kede tottere, te moko i kom dako mere, gin aryo ote doko kom acel. I karenaca ico kede dako mere onwoŋo tye onoro, lewic gire onwoŋo mom makogi.

Mihaino ny Agege 2