Dikanteny Iombonana Eto Madagasikara © Malagasy Bible Society, 2004.

DIEM PROTESTANTA

Azo antoka izao teny izao ka mendrika hankatoavin’ny olona rehetra: Tonga tetỳ an-tany i Kristy Jesoa mba hamonjy ny mpanota; ary izaho no faraidiny amin’ireny.

Ary ny zavatra rehetra, lazainareo na ataonareo, dia tontosao avokoa amin’ny anaran’i Jesoa Tompo ka isaory an’Andriamanitra Ray amin’ny alalany.

Raha ankatoavinareo ny didin’ny TOMPO Andriamanitrareo, izay ampitaiko aminareo anio, ka hotiavinareo Izy sy hizoranareo ny sori-dalany ary hotandremanareo ny didy aman-dalàny mbamin’ny fitsipiny, dia ho velona ianareo ka hihamaro, ary hotahîn’ny TOMPO Andriamanitrareo any amin’ny tany izay hidiranareo mba halainareo ho fananana.

Lehibe Ianao amin’izany, ry Tompo ANDRIANANAHARY ô: fa tsy misy tahaka Anao ary tsy misy Andriamanitra afa-tsy Ianao, araka izay rehetra ren’ny sofinay.

Efa fantatrareo izany, ry havako malala; kanefa aoka ny isam-batan’olona samy ho dodona hihaino fa tsy ho maimaika hiteny na halaky tezitra

Tandremo mba tsy hisy hamaly ratsy ny ratsy, fa miezaha mandrakariva hifanasoa ary hanasoa ny olona rehetra.

Jakoba 1:21

Noho izany, ario avokoa ny fahalotoana sy ny haratsiam-panahy rehetra; raiso amin’ny fahalemem-panahy ny teny ambolen’Andriamanitra ao anatinareo sady mahavonjy ny tenanareo.

Dikanteny Iombonana Eto Madagasikara Ny Baiboly no boky mirakitra ny Tenin'Andriamanitra, Teny famonjena nasainy nampitaina tamin'ny alalan'ireo Mpaminany sy Apôstôly, notsilovin'ny Fanahy masina manokana mba hahatafita tsy misy diso ny hafatr'Izy Andriamanitra. Ao no ahitana ny fitiavany tsy misy fetra, hatramin'ny nahariana an'izao tontolo izao, sy ny nanirahany ny Zanany hanatanteraka ny famonjena antsika, ka hatramin'ny fiainan-ko avy haharitra mandrakizay,hiafaran'ny tantara manontolo.

Andinin-tSoratra Masina anio

Andinin-tSoratra Masina ho an'ity Herinandro ity

Mahazoa Baiboly maimaim-poana ho an'ny finday sy ny tabiletinao.