Tuwali Ifugao - 2004 Edition (Drama - NT)

<div class="version vid2123 iso6393ifk" data-vid="2123" data-iso6393="ifk">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="p"> 1Ohan algon muntuttuduh Jesus nadah tatagun naamung nah dolan nan Templo mipanggep hi ongal an pamhod Apu Dios. Ya immalih kad-ana nadan ap-apun di padi, nadan muntuttuduh Tugun Moses ya nadan mangipangpanguluh Judyu. 2Ot kanan dan hiyay &#8220;Nganney lebbeng mun mangat am-in nah at-attom? Deket waday lebbeng mu, dahdiy nangidat?&#8221; 3Hinumang nan kananay &#8220;Wada ni-an di ibagak ke dakayu. 4Dahdiy nangitud-ak ke Juan an mumbonyag, hi Apu Dios weno hay tagu?&#8221; 5Kinalin Jesus hidiye ya munhuhummangan dan kanan day &#8220;Nganney ihumang taku? Deket kalyon takuy &#8216;Hi Apu Dios&#8217; ya ahina kalyon di &#8216;Ya tipet uggeyu kinulug hi Juan?&#8217; 6Deket bot kalyon takuy &#8216;Hay tagu&#8217; ya bumnal hantudan tatagu te kulugon dan hi Juan ya profetas.&#8221; 7Ot kanan da mon hiyay &#8220;Toan. Uggemi inila.&#8221; 8Ot kanan Jesus ke diday &#8220;Deket athina ya adik bo damdama kalyon ke dakayuy nangidat hi lebbeng ku.&#8221;</div><div class="s">Hay kialigan nadan mangipaptok hi luta</div><div class="r">(Mateo 21:33-46; Marcos 12:1-12)</div><div class="p"> 9Nuntuttudu boh Jesus nadah tatagun impainnab-abig na. Kananay &#8220;Waday ohan tagun nuntanom hi grapes hi laguntana. Impaabang na ot ahi umeh udum an boble ot mabayag hidi. 10Handih nadatong nan grapes ya intud-ak nay ohan muttatyunan e mangalah dowana. Mu nadan mun-abang ya binakdungan da nan muttatyu ot itud-ak dan maid di indat da. 11Immitud-ak boh ohan muttatyuna, mu binanakdungan da bo ot pumba-inan da ot itud-ak da an maid boy indat da. 12Intud-ak bon nan kon lutay mikatlun muttatyuna ya liniputan da ot iwele da. 13Indani ya kanan nan kon lutay &#8216;Nganne nin moy atok? Agat tun impakappinhod kun imbabalek di itud-ak ku. Wadan lispituwon da.&#8217; 14Mu tinibon nadan mun-abang nan imbabalen nan kon luta ya kanan day &#8216;Tuwe nan imbabalenan mamoltan tuh lutana. Agat patayon takut ditakuy mangibagi tuh boltanona.&#8217; 15Dimpap da ot iedah bah-el nan lagunta ot patayon da.&#8221; Ot kanan Jesus nadah tataguy &#8220;Nganne nin moy aton nan kon luta nadah mun-abang? 16Kon adina e pumpate dida ta paabang nah udum nan laguntana?&#8221; Ya kanan nadan mundongdongngol di &#8220;Hana ot ahan ta adi maat.&#8221; 17In-ang-ang Jesus ke dida ot kananay &#8220;Nganne moy kibalinan nan nitudok an kananay</div><div class="q1">&#8216;Hanan batun pinilin Apu Dios an binalon nadan mangapyah bale ya hidiye ot ahan di nahamad an ikapyah bale.&#8217;#20:17 Psalm 118:22-23</div><div class="m"> 18Am-in nadan tatagun mun-oga kediyen batu ya ahi mungkagi-uy gunit da ya nadan kag-ahan diyen batu ya magmik da.&#8221;#20:18 Hay kialigan nadan tatagun mun-oga nah batu ta mungkagi-uy gunit da ya dadiye nadan adi mangulug ya kahing ke Kristo an intud-ak Apu Dios an mangihwang hi tagu, ta ahi nahalman di kastigu da. Ya hay kialigan nan batu ya hi Kristo.</div><div class="p"> 19Hanadan muntuttuduh Tugun Moses ya nadan ap-apun di padi ya inila dan diday nangipadngolan Jesus nah ab-abig na, kinali eda ot dopapon kediye, mu tumakut da nadah tatagu.</div><div class="s">Hay pumbayadan hi buwis ke Cesar an ap-apud Roma</div><div class="r">(Mateo 22:15-22; Marcos 12:13-17)</div><div class="p"> 20Indani ya halipat-an da moh Jesus ot umitud-ak dah e mundongdongngol hi kihallaan di kalyona ta waday pangigadulan dah ipabahul dan hiya ta eda ipahumalya nah gobernador. 21Hanadan nitud-ak ya kahimbagbaga-on dan kanan day &#8220;Apu, inila min makulug am-in di kalyom ya ituttudum nan makulug an pangi-en Apu Dios. Adika mihapitan hi kalin di tatagu ya adim hangudon di kinatagun di dahdih diye. 22Kalyom ke dakami, kon miabulut hi Tugun Moses di pumbayadan takun Judyu hi buwis nah ap-apud Roma?&#8221; 23Mu inilan Jesus an manmannibo dah ipabahul dan hiya. Ot kananan diday 24&#8220;Ipatibo yun ha-oy on kalang.&#8221; Impatibo da ot kanan Jesus ke diday &#8220;Dahdiy kon anga ya kon ngadan hi wada tuh kalang?&#8221; Kanan day &#8220;Hi Cesar.&#8221; 25Ot kananay &#8220;Idat yun Cesar di lebbeng nan midat ke hiya ya idat yun Apu Dios di lebbeng nan midat ke hiya.&#8221; 26Ot maid di eda pangigadulan hi eda pampapan ke hiya te maid di dingngol dah nihallan kinalinah hinangngab nadan tatagu. Oha bo ya namodwong dah inhumang na ot na-ala mo ot op-opya da.</div><div class="s">Hay kamahuwan</div><div class="r">(Mateo 22:23-33; Marcos 12:18-27)</div><div class="p"> 27Wadada boy immalih Saducee hi kad-an Jesus an dadiye nadan mangalin adi mamahuwan di nate. 28Kanan dan hiyay &#8220;Apu, hay intudok Moses ya kananay deket nalahin di ohan lalaki ya naten maid di imbabaleda nah inayana ya mahapul an bintanon di ohan tulang nan lalaki nan nabalun babai, ta deket mun-imbabale da ya mibilang an imbabalen nan nate. 29Ot nganney innun tuwe? Wadaday pitun hintutulang an linalaki. Nalahin nan panguluwan ya nate, mu maid di imbabaleda. 30-32Binoltan nan nikadwa ya nate, mu maid boy imbabale da. Athidiy naat nah nikatlu. Numboboltanan dan am-in, mu nate dan maid di imbabale dan am-in. Indani ya nate mo nan babai. 33Hantuh kamahuwan di nate, dahdi moy ahi kon inayan nah babai an deyan am-in da ya in-ine da?&#8221;</div><div class="p"> 34Kanan Jesus di &#8220;Hituh luta ya mun-iine day tatagu, 35mu nadan mamahuwan an midatan hi biyag an maid di poppog na ya adida mun-iine 36ya adida mo mate te umat dah anghel. Diday imbabalen Apu Dios an ahina mahuwan. 37Hay kamahuwan di nate ya makulug. Takon di hi Moses handih done ya inilanan makulug hidiye. Hay kitib-ana ya nan intudok na mipanggep hi nunhummanganan dan Apu Dios nah mundadalang an kakaiw an hay kinalin Apu Dios ya hiyay Dios da Abraham, hi Isaac ya hi Jacob. 38Kinali hituwey panginilaan takun dadiyen aammod ya matagu da te hay mataguy mundayaw ke Apu Dios an bokon hay nate. Hi Apu Dios ya ibilang nan matagun am-in di mangulug takon nadan nate.&#8221;</div><div class="p"> 39Hanada ke damdaman udum an muntuttuduh Tugun Moses ya kanan day &#8220;Apu, niptok kayah naen inhumang mu.&#8221; 40Waday oha mo on mun-ogon an mamagbagan hiya te bumain da.</div><div class="s">Hay mipanggep nah tinuddun Apu Dios an Kristo</div><div class="r">(Mateo 22:41-46; Marcos 12:35-37)</div><div class="p"> 41Kanan bon Jesus ke diday &#8220;Hay nituttudu ya malpuh holag David nan Kristo, mu tipet hi David ya kalyonay Apu nah Kristo? 42,43Te hay kalyon David nah intudok nan liblu an Psalms ya kananay</div><div class="q1">&#8216;Kanan Apu Dios nah Apuk di: Umbun kah winawwan ku inggana paka-apputok am-in nadan buhul mu.&#8217;#20:42,43 Psalm 110:1</div><div class="m"> 44Nomnomon yu ke, deket kanan David di hi Apu nah Kristo, nganney innunan hi Kristo ya holag David?&#8221;</div><div class="s">Hay gaga-ihon pangi-en nadan muntuttuduh Tugun Moses</div><div class="r">(Mateo 23:1-36; Marcos 12:38-40)</div><div class="p"> 45Mundongdongngol nadan tatagu ya kanan Jesus nadah disipulos nay 46&#8220;Nomnomon yu tun kalyok ta adiyu iun-unud nadah muntuttuduh Tugun Moses. Dida ya mumbulwati dah andukke ta imatunan di tatagu dida an mittulu da peman. Ya pinhod dan abun pitpitbal nah malkadun kawad-an di dakol an tatagu. Ya pinhod da bon umbun hi ubunan di madayaw an taguh simbaan ya nah waday hamul. 47Ya deke bot mundasal da ya dukkadukkayon dat hay panibon di tatagun dida ya kay makakullug an makaphod da yaden deman ot an diday munhaul nadah nabalun binabai ta pun-ala day limmu da. Hidiyey gapunan nahalman di ahi pangastigun Apu Dios ke dida.&#8221;</div><div class="s">Hay indat nan nabalun babai nah Templo</div><div class="r">(Marcos 12:41-44)</div>
 </div>
 </div>
</div>

Ohan algon muntuttuduh Jesus nadah tatagun naamung nah dolan nan Templo mipanggep hi ongal an pamhod Apu Dios. Ya immalih kad-ana nadan ap-apun di padi, nadan muntuttuduh Tugun Moses ya nadan mangipangpanguluh Judyu. Ot kanan dan hiyay “Nganney lebbeng mun mangat am-in nah at-attom? Deket waday lebbeng mu, dahdiy nangidat?” Hinumang nan kananay “Wada ni-an di ibagak ke dakayu. Dahdiy nangitud-ak ke Juan an mumbonyag, hi Apu Dios weno hay tagu?” Kinalin Jesus hidiye ya munhuhummangan dan kanan day “Nganney ihumang taku? Deket kalyon takuy ‘Hi Apu Dios’ ya ahina kalyon di ‘Ya tipet uggeyu kinulug hi Juan?’ Deket bot kalyon takuy ‘Hay tagu’ ya bumnal hantudan tatagu te kulugon dan hi Juan ya profetas.” Ot kanan da mon hiyay “Toan. Uggemi inila.” Ot kanan Jesus ke diday “Deket athina ya adik bo damdama kalyon ke dakayuy nangidat hi lebbeng ku.”


Nuntuttudu boh Jesus nadah tatagun impainnab-abig na. Kananay “Waday ohan tagun nuntanom hi grapes hi laguntana. Impaabang na ot ahi umeh udum an boble ot mabayag hidi. Handih nadatong nan grapes ya intud-ak nay ohan muttatyunan e mangalah dowana. Mu nadan mun-abang ya binakdungan da nan muttatyu ot itud-ak dan maid di indat da. Immitud-ak boh ohan muttatyuna, mu binanakdungan da bo ot pumba-inan da ot itud-ak da an maid boy indat da. Intud-ak bon nan kon lutay mikatlun muttatyuna ya liniputan da ot iwele da. Indani ya kanan nan kon lutay ‘Nganne nin moy atok? Agat tun impakappinhod kun imbabalek di itud-ak ku. Wadan lispituwon da.’ Mu tinibon nadan mun-abang nan imbabalen nan kon luta ya kanan day ‘Tuwe nan imbabalenan mamoltan tuh lutana. Agat patayon takut ditakuy mangibagi tuh boltanona.’ Dimpap da ot iedah bah-el nan lagunta ot patayon da.” Ot kanan Jesus nadah tataguy “Nganne nin moy aton nan kon luta nadah mun-abang? Kon adina e pumpate dida ta paabang nah udum nan laguntana?” Ya kanan nadan mundongdongngol di “Hana ot ahan ta adi maat.” In-ang-ang Jesus ke dida ot kananay “Nganne moy kibalinan nan nitudok an kananay
‘Hanan batun pinilin Apu Dios an binalon nadan mangapyah bale ya hidiye ot ahan di nahamad an ikapyah bale.’
Am-in nadan tatagun mun-oga kediyen batu ya ahi mungkagi-uy gunit da ya nadan kag-ahan diyen batu ya magmik da.”
Hanadan muntuttuduh Tugun Moses ya nadan ap-apun di padi ya inila dan diday nangipadngolan Jesus nah ab-abig na, kinali eda ot dopapon kediye, mu tumakut da nadah tatagu.


Indani ya halipat-an da moh Jesus ot umitud-ak dah e mundongdongngol hi kihallaan di kalyona ta waday pangigadulan dah ipabahul dan hiya ta eda ipahumalya nah gobernador. Hanadan nitud-ak ya kahimbagbaga-on dan kanan day “Apu, inila min makulug am-in di kalyom ya ituttudum nan makulug an pangi-en Apu Dios. Adika mihapitan hi kalin di tatagu ya adim hangudon di kinatagun di dahdih diye. Kalyom ke dakami, kon miabulut hi Tugun Moses di pumbayadan takun Judyu hi buwis nah ap-apud Roma?” Mu inilan Jesus an manmannibo dah ipabahul dan hiya. Ot kananan diday “Ipatibo yun ha-oy on kalang.” Impatibo da ot kanan Jesus ke diday “Dahdiy kon anga ya kon ngadan hi wada tuh kalang?” Kanan day “Hi Cesar.” Ot kananay “Idat yun Cesar di lebbeng nan midat ke hiya ya idat yun Apu Dios di lebbeng nan midat ke hiya.” Ot maid di eda pangigadulan hi eda pampapan ke hiya te maid di dingngol dah nihallan kinalinah hinangngab nadan tatagu. Oha bo ya namodwong dah inhumang na ot na-ala mo ot op-opya da.


Wadada boy immalih Saducee hi kad-an Jesus an dadiye nadan mangalin adi mamahuwan di nate. Kanan dan hiyay “Apu, hay intudok Moses ya kananay deket nalahin di ohan lalaki ya naten maid di imbabaleda nah inayana ya mahapul an bintanon di ohan tulang nan lalaki nan nabalun babai, ta deket mun-imbabale da ya mibilang an imbabalen nan nate. Ot nganney innun tuwe? Wadaday pitun hintutulang an linalaki. Nalahin nan panguluwan ya nate, mu maid di imbabaleda. Binoltan nan nikadwa ya nate, mu maid boy imbabale da. Athidiy naat nah nikatlu. Numboboltanan dan am-in, mu nate dan maid di imbabale dan am-in. Indani ya nate mo nan babai. Hantuh kamahuwan di nate, dahdi moy ahi kon inayan nah babai an deyan am-in da ya in-ine da?”
Kanan Jesus di “Hituh luta ya mun-iine day tatagu, mu nadan mamahuwan an midatan hi biyag an maid di poppog na ya adida mun-iine ya adida mo mate te umat dah anghel. Diday imbabalen Apu Dios an ahina mahuwan. Hay kamahuwan di nate ya makulug. Takon di hi Moses handih done ya inilanan makulug hidiye. Hay kitib-ana ya nan intudok na mipanggep hi nunhummanganan dan Apu Dios nah mundadalang an kakaiw an hay kinalin Apu Dios ya hiyay Dios da Abraham, hi Isaac ya hi Jacob. Kinali hituwey panginilaan takun dadiyen aammod ya matagu da te hay mataguy mundayaw ke Apu Dios an bokon hay nate. Hi Apu Dios ya ibilang nan matagun am-in di mangulug takon nadan nate.”
Hanada ke damdaman udum an muntuttuduh Tugun Moses ya kanan day “Apu, niptok kayah naen inhumang mu.” Waday oha mo on mun-ogon an mamagbagan hiya te bumain da.


Kanan bon Jesus ke diday “Hay nituttudu ya malpuh holag David nan Kristo, mu tipet hi David ya kalyonay Apu nah Kristo? Te hay kalyon David nah intudok nan liblu an Psalms ya kananay
‘Kanan Apu Dios nah Apuk di: Umbun kah winawwan ku inggana paka-apputok am-in nadan buhul mu.’
Nomnomon yu ke, deket kanan David di hi Apu nah Kristo, nganney innunan hi Kristo ya holag David?”


Mundongdongngol nadan tatagu ya kanan Jesus nadah disipulos nay “Nomnomon yu tun kalyok ta adiyu iun-unud nadah muntuttuduh Tugun Moses. Dida ya mumbulwati dah andukke ta imatunan di tatagu dida an mittulu da peman. Ya pinhod dan abun pitpitbal nah malkadun kawad-an di dakol an tatagu. Ya pinhod da bon umbun hi ubunan di madayaw an taguh simbaan ya nah waday hamul. Ya deke bot mundasal da ya dukkadukkayon dat hay panibon di tatagun dida ya kay makakullug an makaphod da yaden deman ot an diday munhaul nadah nabalun binabai ta pun-ala day limmu da. Hidiyey gapunan nahalman di ahi pangastigun Apu Dios ke dida.”

Mihaino ny Lucas 20