The Sentani New Testament (Indonesia) for DBL

Allahle a neme heteungekoke homofae

<div class="version vid2526 iso6393set" data-vid="2526" data-iso6393="set">
 <div class="book bkMAT">
 <div class="chapter ch15" data-usfm="MAT.15">
 <div class="label">15</div><div class="s">Era Hena Naeise</div><div class="r">(Mrk. 7:1-13)</div><div class="p"> 1Farisi holona bele Musalena walora wali heere foloukoke isaeyaeikoke kelaeimi yo holona bele Yesusle bokore Yerusalem yora mekate mo hinainye, 2&#8220;Rahene wa moisa orate yo aei abu naei arai naeitena era hena moi wokate? Neyae me ekuikoi yae raman eyanewate.&#8221;</div><div class="p"> 3Nebeibe Yesus yae nda yore weumi, &#8220;Rahene mayae nebei sului mbai Allah wali heere foloukoke are moi hayeyaube mai abu naei arai naeitena era hena aerene? 4Rabuhine ban Allah yae a eleukoke, &#8216;Ako naekere be hinemmiyembe benen nde yae akore nakere olomo roromilena honaibonde hele.&#8217; 5Nebeibe mayae elaube, nde yae ako naekere wemmile, &#8216;Raeinya mare isebe rambunbe, Allahre hili era akau erare erenjendere,&#8217; 6nebei ro miyae ako nakere bere hinenaimile naeise era buhi ban yeiboyole. Nebei mekainye Allahle ako faeukore fomaiboyaunge abu naei arai naeitena era hena aerene. 7Mayae ro miyae faeu kai bee. Naijen sele mai naeise Allahle yendo kayaalo Yesaya yae Allah ukeunge a nuleungekoke. Nebei a nda mekai yae moloukoke,</div><div class="q"> 8&#8216;Nda ro miyae Rare euwa boneisa mo be hinaise,</div><div class="q2">nebeibe na kena u nahau buhau fele.</div><div class="q"> 9Na karo hele nda yo Rare ei molaise.</div><div class="q">Na usaei wasaei bae ro miyae yae elate wali heere folaikoke abe kelaeimi.&#8217; &#8221;#15:9 Yesaya 29:13</div><div class="p"> 10Nebeisa Yesus nda ro miyae helende kaeneumikoke mo weumi, &#8220;Reyae elerele a borombe isaeyembe. 11Euwa eise ate rambun mae nikire olei, kena u einya euwa walora baleimeyate yaere ro miyaere nikire olaeimi.&#8221;</div><div class="p"> 12Nebeisa na moisa orowate yo mekate Yesusre wainye, &#8220;Weyae isaeyeubokae Farisi holona yore nebei a mekai wamaene na kenara ikele kate?&#8221;</div><div class="p"> 13Yesus a ahuneuboke weumi, &#8220;Ro mbai o meleme ha meleme omoloikoi yo na kambura hele endawengkonde wanen mae Maeko surgana ekenekele Kiyae yae ame-ame kelaeimi a faeufe era buhi ban mokommile. 14Nebei yo nenaeijae waemmihi, neyae ro miyae ijoko kumba. Ro mbai ijoko kumbabe benen ijoko kumba rore yawennehondena na beene bo einye eneibalende.&#8221;</div><div class="p"> 15Nebeisa Petrus yae Yesusre weunge, &#8220;Nebei a ahuneubokae wamae, maere bele yae yakaimebo.&#8221;</div><div class="p"> 16Yesus yae weumi, &#8220;Mayae namman isaeyeiboi mone? 17Mayae isian selene, rambun yoni-yoni euwa eise ate yarelere oyowate nebeisa kelen bele anuwaunge eyokate? 18Nebeibe euwa eisa baleimeyate rambun kenara mo hebeunge. Nebei yaere ro miyaere niki oleumi. 19Rabuhine ban kena eisa u bene beko, ro miyae hoi-soise, yokore kaeimaere, yokore, ame-amere, aukakare, baleimeyate. 20Nebei u mekai yaere ro miyaere mokoumi niki belere baete, nebeibe me ekuyekoijae raman anendene ro miyaere nikire olei.&#8221;</div><div class="s">Kanaan Kanina Miyae Na Hila Rabo Ma Halewole</div><div class="r">(Mrk. 7:24-30)</div><div class="p"> 21Nebei anuwaufa Yesus eukuke ewole Tirus yo bele Sidon yo bele kelaeunga anuwaufe eke. 22Nebeinye Yahudi holona ban miyae mbai Kanaan kanine nekewole Yesusle bokore mele na kali bele kaeneimeyele, &#8220;Tuhan, Daudle orona mena, Wa yanekoi yase yae rare ei meisehaweise. Raei maengke fa alo yae aungebokene nauwa ekeukabeunge hele ya.&#8221;</div><div class="p"> 23Yesus a ban faeu ban nekele, na moisa orawate yo yae wainye, &#8220;Nebei miyaere weinye &#8216;Eunge,&#8217; beko hele aei moisa hakoumeboke kali yae kaeneimeyele.&#8221;</div><div class="p"> 24Yesus euweke nda miyaere weunge, &#8220;Allah Rare ukeufe mekale Israel ro miyae mo hakoremilere. Neyae domba nibira oneikoyate wanen yaeiboke, rabuhine ban Allah Naei a elelere oboroiboi katene.&#8221;</div><div class="p"> 25Nda miyae Yesusle bene oro selen-selen roroukoke mo weunge, &#8220;Tuhan, rare hakoisobo.&#8221;</div><div class="p"> 26((Yahudi ro miyae yae Yahudi ban ro miyaere yoku yae kaenewaimine)) Yesus yae weunge, &#8220;Na ijen ban sele fa-fa naei feu yarorekonde yokure haisemikonde.&#8221;</div><div class="p"> 27Nebei miyae yae weunge, &#8220;Tuhan, na hele, nebeibe yoku naei hayeunge ro ramande anele anuwaufa feu mohi-mohi balate naei yoku yae eyanewole lonbe.&#8221;</div><div class="p"> 28Yesus yae weunge, &#8220;Wa hila rabo kaban sele! Waei kenare koyae hului yae yembonde.&#8221; Nebei hee yae nda miyae na fa onomi rouke.</div><div class="s">Yesus Ro Miyae 4.000 Raman Ikeumi Anaikoke</div><div class="r">(Mrk. 8:1-10)</div><div class="p"> 29Nebei anuwaufa Yesus aloungekoke Galilea buhaei yaufaeisa ewole. Nebeinya moko mbainye eukiteke nuweuboke nekewole. 30Ro miyae helen sele naei bokore mewate, ro miyae oro rebeisi-rebeisi yo, ijoko kumba yo, oro me nimewaimile yo, a mun yo, nane merau era buloo mahi-mahi kate yo, yarowaimi mewate Yesus noro wene hawaimi. Nebei yo nanemene Yesus yae onomi iwoumi. 31Nebei ro miyae helen nda rambunde na ijoko yae erewate: a mun yo a elewate, oro rebaeyeke yo alowate, orora nimewaimi yo ainyukate ele mele kowate, ijoko kumbare nekayeke yo ijoko erewate. Nebei erewate ro miyae fa yae bowate, Israel naei Allahre ei molowainye.</div><div class="p"> 32Nebeisa Yesus na moisa orowate yo kaeneumikoke mo weumi, &#8220;Nda ro miyae helen bolende nda ya name nendobe Rare mo hakaisekoke matene raman baeumihokene, Reyae kena beko hele hubanale. Reyae kena ban nda yore na moni yae ufemile enatere, rabuhine ban nibi nolone enate monine ijoko belau-belaunge balenayende bele.&#8221;</div><div class="p"> 33Yesus na moisa orowate yo yae wainye, &#8220;Nda anuwau mon wanen, makeinya raman mae yaromakonde nda ro miyae helen bolende na hului imamile anenaikonde?&#8221;</div><div class="p"> 34Yesus yae hineumi, &#8220;Mai mene feu naennaen hului honate?&#8221;</div><div class="p">Neyae wainye, &#8220;Feu mehine bee, ka fele-fele keli name.&#8221;</div><div class="p"> 35Yesus nda ro miyae helen ukeumi kani ranne raiboke. 36Nebeisa nane feu bele ka bele yaroukoke, Allahre helen foise mo ukeunge, nebei feu kayewole na moisa orowate yore wahewoumi, ro miyae helende wahenaimilere. Nebei sului mbai kare wahewaimi. 37Nebei ro miyae nanemene anewate uwa raeiboke, nebeisa anaikokena kalun arilaisike, kakali mehine bee maemae kaikoke. 38Ramande anaikoke me baeikoke ro mo 4.000, miyae fa-fabe me ebaeikoi. 39Nebeisa Yesus nda ro miyaere ukeumi ewate. Yesus naei kaisa eufileukoke naisike Magadan yo kelaeunga kanire ewate.</div>
 </div>
 </div>
</div>

Farisi holona bele Musalena walora wali heere foloukoke isaeyaeikoke kelaeimi yo holona bele Yesusle bokore Yerusalem yora mekate mo hinainye, “Rahene wa moisa orate yo aei abu naei arai naeitena era hena moi wokate? Neyae me ekuikoi yae raman eyanewate.”
Nebeibe Yesus yae nda yore weumi, “Rahene mayae nebei sului mbai Allah wali heere foloukoke are moi hayeyaube mai abu naei arai naeitena era hena aerene? Rabuhine ban Allah yae a eleukoke, ‘Ako naekere be hinemmiyembe benen nde yae akore nakere olomo roromilena honaibonde hele.’ Nebeibe mayae elaube, nde yae ako naekere wemmile, ‘Raeinya mare isebe rambunbe, Allahre hili era akau erare erenjendere,’ nebei ro miyae ako nakere bere hinenaimile naeise era buhi ban yeiboyole. Nebei mekainye Allahle ako faeukore fomaiboyaunge abu naei arai naeitena era hena aerene. Mayae ro miyae faeu kai bee. Naijen sele mai naeise Allahle yendo kayaalo Yesaya yae Allah ukeunge a nuleungekoke. Nebei a nda mekai yae moloukoke,
‘Nda ro miyae Rare euwa boneisa mo be hinaise,
nebeibe na kena u nahau buhau fele.
Na karo hele nda yo Rare ei molaise.
Na usaei wasaei bae ro miyae yae elate wali heere folaikoke abe kelaeimi.’ ”
Nebeisa Yesus nda ro miyae helende kaeneumikoke mo weumi, “Reyae elerele a borombe isaeyembe. Euwa eise ate rambun mae nikire olei, kena u einya euwa walora baleimeyate yaere ro miyaere nikire olaeimi.”
Nebeisa na moisa orowate yo mekate Yesusre wainye, “Weyae isaeyeubokae Farisi holona yore nebei a mekai wamaene na kenara ikele kate?”
Yesus a ahuneuboke weumi, “Ro mbai o meleme ha meleme omoloikoi yo na kambura hele endawengkonde wanen mae Maeko surgana ekenekele Kiyae yae ame-ame kelaeimi a faeufe era buhi ban mokommile. Nebei yo nenaeijae waemmihi, neyae ro miyae ijoko kumba. Ro mbai ijoko kumbabe benen ijoko kumba rore yawennehondena na beene bo einye eneibalende.”
Nebeisa Petrus yae Yesusre weunge, “Nebei a ahuneubokae wamae, maere bele yae yakaimebo.”
Yesus yae weumi, “Mayae namman isaeyeiboi mone? Mayae isian selene, rambun yoni-yoni euwa eise ate yarelere oyowate nebeisa kelen bele anuwaunge eyokate? Nebeibe euwa eisa baleimeyate rambun kenara mo hebeunge. Nebei yaere ro miyaere niki oleumi. Rabuhine ban kena eisa u bene beko, ro miyae hoi-soise, yokore kaeimaere, yokore, ame-amere, aukakare, baleimeyate. Nebei u mekai yaere ro miyaere mokoumi niki belere baete, nebeibe me ekuyekoijae raman anendene ro miyaere nikire olei.”


Nebei anuwaufa Yesus eukuke ewole Tirus yo bele Sidon yo bele kelaeunga anuwaufe eke. Nebeinye Yahudi holona ban miyae mbai Kanaan kanine nekewole Yesusle bokore mele na kali bele kaeneimeyele, “Tuhan, Daudle orona mena, Wa yanekoi yase yae rare ei meisehaweise. Raei maengke fa alo yae aungebokene nauwa ekeukabeunge hele ya.”
Yesus a ban faeu ban nekele, na moisa orawate yo yae wainye, “Nebei miyaere weinye ‘Eunge,’ beko hele aei moisa hakoumeboke kali yae kaeneimeyele.”
Yesus euweke nda miyaere weunge, “Allah Rare ukeufe mekale Israel ro miyae mo hakoremilere. Neyae domba nibira oneikoyate wanen yaeiboke, rabuhine ban Allah Naei a elelere oboroiboi katene.”
Nda miyae Yesusle bene oro selen-selen roroukoke mo weunge, “Tuhan, rare hakoisobo.”
((Yahudi ro miyae yae Yahudi ban ro miyaere yoku yae kaenewaimine)) Yesus yae weunge, “Na ijen ban sele fa-fa naei feu yarorekonde yokure haisemikonde.”
Nebei miyae yae weunge, “Tuhan, na hele, nebeibe yoku naei hayeunge ro ramande anele anuwaufa feu mohi-mohi balate naei yoku yae eyanewole lonbe.”
Yesus yae weunge, “Wa hila rabo kaban sele! Waei kenare koyae hului yae yembonde.” Nebei hee yae nda miyae na fa onomi rouke.


Nebei anuwaufa Yesus aloungekoke Galilea buhaei yaufaeisa ewole. Nebeinya moko mbainye eukiteke nuweuboke nekewole. Ro miyae helen sele naei bokore mewate, ro miyae oro rebeisi-rebeisi yo, ijoko kumba yo, oro me nimewaimile yo, a mun yo, nane merau era buloo mahi-mahi kate yo, yarowaimi mewate Yesus noro wene hawaimi. Nebei yo nanemene Yesus yae onomi iwoumi. Nebei ro miyae helen nda rambunde na ijoko yae erewate: a mun yo a elewate, oro rebaeyeke yo alowate, orora nimewaimi yo ainyukate ele mele kowate, ijoko kumbare nekayeke yo ijoko erewate. Nebei erewate ro miyae fa yae bowate, Israel naei Allahre ei molowainye.
Nebeisa Yesus na moisa orowate yo kaeneumikoke mo weumi, “Nda ro miyae helen bolende nda ya name nendobe Rare mo hakaisekoke matene raman baeumihokene, Reyae kena beko hele hubanale. Reyae kena ban nda yore na moni yae ufemile enatere, rabuhine ban nibi nolone enate monine ijoko belau-belaunge balenayende bele.”
Yesus na moisa orowate yo yae wainye, “Nda anuwau mon wanen, makeinya raman mae yaromakonde nda ro miyae helen bolende na hului imamile anenaikonde?”
Yesus yae hineumi, “Mai mene feu naennaen hului honate?”
Neyae wainye, “Feu mehine bee, ka fele-fele keli name.”
Yesus nda ro miyae helen ukeumi kani ranne raiboke. Nebeisa nane feu bele ka bele yaroukoke, Allahre helen foise mo ukeunge, nebei feu kayewole na moisa orowate yore wahewoumi, ro miyae helende wahenaimilere. Nebei sului mbai kare wahewaimi. Nebei ro miyae nanemene anewate uwa raeiboke, nebeisa anaikokena kalun arilaisike, kakali mehine bee maemae kaikoke. Ramande anaikoke me baeikoke ro mo 4.000, miyae fa-fabe me ebaeikoi. Nebeisa Yesus nda ro miyaere ukeumi ewate. Yesus naei kaisa eufileukoke naisike Magadan yo kelaeunga kanire ewate.

Mihaino ny Matius 15