If you have would like a copy of this version please contact info@davarpartners.org

Text: Varhadi-Nagpuri New Testament, CC-BY-SA-4.0, The Love Fellowship. Audio: Varhadi-Nagpuri New Testament Audio Bible, CC-BY-SA-4.0, Davar Partners International, The Love Fellowship, 2022

Varhadi-Nagpuri New Testament

Varhadi (वऱ्हाडी) Bible by The Love Fellowship is licensed under Creative Commons Attribution-ShareAlike 4.0 License.

पण हपत्याच्या पयल्या दिवशी मोठ्या सकाळी त्या सुगंधित वस्तु ज्या तयार केल्या होत्या, त्या बाया अन् दुसऱ्या बाया सोबत घेऊन कब्रेवर आल्या. अन् त्यायनं त्या मोठ्या गोल आकाराच्या गोट्याले कब्रेऊन लोटलेला पायलं. अन् अंदर जाऊन प्रभू येशूच शरीर दिसलं नाई. जवा ते या गोष्टीवर हापचक होऊन रायल्या होत्या, तवा दोन माणसं चमचमीत कपडे घालून त्यायच्यापासी येऊन उभे झाले. तवा त्या भेल्या, अन् जमिनीकळे मान खाली करून रायल्या, तवा त्या देवदूतायन त्यायले म्हतलं, कि “तुमी जीत्याले मेलेल्यात कायले पायता. तो अती नाई हाय, पण जिवंत झाला हाय, आठवण करा कि त्यानं गालील प्रांतात रायतांना तुमाले काय म्हतलं होतं. निश्यय हाय, कि मी, माणसाचा पोरगा पापी लोकायच्या हाती पकळल्या जाईन अन् वधस्तंभावर चढवल्या जाईन अन् तिसऱ्या दिवशी जिवंत होईन.” तवा त्याच्या त्या गोष्टी त्यायच्या ध्यानात आल्या. अन् कब्रेहुन वापस येऊन त्यायनं त्या अकरा शिष्यायले अन् दुसऱ्या सगळ्यायले ह्या गोष्टी सांगतल्या. ज्यायनं प्रेषितायले ह्या गोष्टी सांगतल्या, ते मगदला गावची मरिया, योहान्ना अन् याकोबची माय मरिया अन् त्यायच्या संगच्या दुसऱ्या बाया पण होत्या. पण त्यायच्या गोष्टी प्रेषितायले कथे सारख्या वाटल्या अन् त्यायनं त्याच्यावर विश्वास नाई केला. तवा पतरस उठून कब्रेवर पयत गेला, अन् कबरेत वाकून पायलं तवा त्याले फक्त कपडे वेगळे पडलेले दिसले, अन् ते पाऊन तो हापचक झाला, अन् आपल्या घरी चालला गेला.


त्याचदिवशी येशूचे दोन शिष्य इमाउस नावाच्या गावात चालले होते, जो यरुशलेम शहरापासून सात कोस (जवळपास अकरा किलोमीटर) दूर होते. अन् त्या सगळ्या झालेल्या घटनेच्या बाऱ्यात आपसात गोष्टी करून जाऊन रायले होते. अन् जवा ते आपसात गोष्टी अन् विचारपूस करूनच रायले होते, तवा येशू स्वता त्यायच्यापासी येऊन त्यायच्या संग चालत होता. तरी पण देवानं त्यायचे डोये असे बंद केले होते, कि त्यायनं त्याले ओयखलं नाई पायजे. येशूनं त्यायले विचारलं, कि “ह्या कोणत्या गोष्टी हाय जे तुमी रस्त्यान चलता-चलता एक-दुसऱ्या संग करून रायले हा?” अन् ते थांबले अन् त्यायचे तोंड उदास दिसत होते. हे आयकून, त्यायच्यातून क्लियुपास नावाच्या एका माणसानं म्हतलं, “तू यरुशलेम शहरात एकटाचं बायरचा माणूस हाय वाटते, जे तुले नाई माहीत कि मांगच्या काई दिवसात काय-काय झालं हाय.” येशूनं त्यायले विचारलं, कि “कोणत्या गोष्टी?” त्यायनं त्याले म्हतलं “नासरत नगरचा येशूच्या विषयात जो देवाचा अन् सगळ्या लोकायच्या जवळ काम अन् वचना मधी सामर्थी भविष्यवक्ता होता. अन् मुख्ययाजकायन अन् आमच्या सरदारायन त्याले पकडून देलं, कि त्याच्यावर मरण दंडाची आज्ञा देली पायजे, अन् त्याले वधस्तंभावर टांगलं पायजे. पण आमाले आशा होती, कि हाचं इस्राएल देशाले रोमी साम्राज्या पासून मुक्त करणार, अन् या गोष्टीले सोडून या घटनेले होऊन तिसरा दिवस हाय. अन् आता आमच्यातून काई बायायन आमाले आश्चर्यात टाकलं हाय, ज्या आज सकाळीच कब्रेवर गेल्या होत्या. अन् जवा त्याचं शरीर नाई सापडलं, तवा असं म्हणत आल्या, कि आमाले देवदूताचं दर्शन झालं, त्यायनं म्हतलं कि येशू जिवंत हाय. तवा आमच्या दोस्तायतून काई लोकं कब्रेकडे गेले, अन् जसं बायायन म्हतलं होतं, तसचं पायलं, पण त्याले नाई पायलं.” तवा त्यायले त्यानं म्हतलं, कि “हे मूर्ख लोकायनो जे काई भविष्यवक्त्यायनं पवित्रशास्त्रात लिवलं हाय तुमी लोकायले त्याच्यावर विश्वास ठेवणे लय कठीण वाटते. हे आवश्यक होतं कि ख्रिस्त हे सगळे दुख उचलणार अन् मंग आपल्या गौरवात प्रवेश करणार.” तवा येशूनं मोशेच्या नियमशास्त्रातून अन् सगळ्या भविष्यवक्ताय पासून सुरुवात करून सगळ्या पवित्रशास्त्रातून आपल्या विषयात केलेल्या गोष्टीचा अर्थ त्यायले समजवून सांगतला.
एवढ्यात ते त्या गावच्या पासी पोचले जती ते चालले होते, अन् त्यायच्या बोलण्यातून असं मालूम पडलं, कि त्याले पुढे जायची इच्छा हाय. पण त्यायनं त्याले हे म्हणून थांबवलं, कि आमच्या संग राय; कावून कि संध्याकाळ होऊन रायली, अन् दिवस आता लय डुबला हाय; तवा तो त्यायच्या संग रायला. जवा तो त्यायच्या संग जेवाले बसला, तवा त्यानं भाकर घेऊन धन्यवाद देला, अन् तिले तोडून त्यायले देऊ लागला. तवा त्यायचे डोये उघडले अन् त्यायनं त्याले ओयखलं, अन् तो त्यायच्या डोयाच्या समोरून गायप झाला. त्यायनं आपसात म्हतलं, “जवा तो रस्त्यानं आपल्या संग गोष्टी करून रायला होता, अन् पवित्रशास्त्रातला अर्थ आपल्याले समजवून रायला होता, तवा काय आपल्या मनात प्रोत्साहन उत्पन्न नाई झालं?” ते तवाच उठून यरुशलेम शहरात चालले गेले, अन् त्या अकरा शिष्यायले अन् त्यायच्या दोस्तायले एकत्र पायलं. ते त्यायले म्हणायले लागले, कि “प्रभू खरचं जिवंत झाला हाय, अन् शिमोन पतरसले दिसून आला.” तवा त्यायनं रस्त्यावर झालेल्या सगळ्या गोष्टी त्यायले सांगतल्या अन् हे पण त्यायले सांगतल कि त्यायनं त्याले भाकर मोडायच्या वाक्ती कसं ओयखलं.


जवा तो हे गोष्टी सांगूनचं रायला होता, कि येशू स्वताच त्यायच्या मधात प्रगट झाला, अन् त्यायले म्हतलं, कि “तुमाले शांती मिळो.” पण ते घाबरून गेले, अन् भेले, अन् त्यायले असं वाटलं, कि ते कोण्या भुताले पावून रायले होते. येशूनं त्यायले म्हतलं, कि “कावून भेऊन रायले? अन् तुमच्या मनात कावून शंका होऊन रायली हाय? माह्या हाताले अन् माह्या पायाले पाहा, मी तोच हावो, मले हात लाऊन पाहा, कावून कि भुतायले हड्डी अन् मांस नसते, जसं माह्यात पाऊन रायले आहा.”
हे म्हणून त्यानं त्यायले आपले हात पाय दाखवले. जवा आनंदा मुळे त्यायले विश्वास होतं नव्हता, कि येशू जिवंत हाय, अन् आश्चर्य करत होते, तवा येशूनं त्यायले विचारलं, “काय अती तुमच्यापासी काई जेवण हाय?” त्यायनं त्याले भाजलेल्या मासोईचा तुकडा देला. त्यानं घेऊन तो त्यायच्या समोर खालला. मंग त्यानं त्यायले म्हतलं, कि “हे माह्या त्या गोष्टी हायत ज्या मी तुमच्या संग रायतांना तुमाले सांगतल्या होत्या, आवश्यक हाय कि जेवड्या गोष्टी मोशेच्या नियमशास्त्रात अन् भविष्यवक्ताच्या अन् स्तोत्राच्या पुस्तकात, जे माह्या विषयात लिवलेल हाय सर्व पूर्ण होणं आवश्यक हाय.” तवा त्यानं पवित्रशास्त्र समजाले पायजे म्हणून त्यायची मदत केली. अन् त्यायले म्हतलं, “हे लिवलेल हाय, कि हे आवश्यक होतं कि ख्रिस्ताला दुख भोगावे लागीन, अन् तिसऱ्या दिवशी मेलेल्यातून जिवंत होईन. अन् यरुशलेम शहरापासून अन्यजातीत पापापासून मन फिरवाचा अन् पाप क्षमाचा संदेश त्याच्याच नावानं प्रचार केल्या जाईन. तुमी या सगळ्या गोष्टीचे साक्षी हा. अन् ज्याची प्रतिज्ञा माह्या देवबापान केली होती, मी स्वता देवाच्या आत्म्याले तुमच्यावर पाठवीन, ज्याची शपत माह्या देवबापाने केली हाय; अन् जोपर्यंत स्वर्गातून सामर्थ नाई भेटीन तोपर्यंत तुमी त्याचं यरुशलेम शहरात थांबून राहा.”


येशू त्यायले बेथानी गावा परेंत शहराच्या बायर घेऊन गेला, अन् आपले हात वर करून त्यायले आशीर्वाद देला. अन् त्यायले आशीर्वाद देतांना तो त्यायच्या पासून अलग झाला, अन् स्वर्गात घेतल्या गेला. अन् ते त्याची आराधना करून मोठ्या आनंदाने यरुशलेम शहरात वापस आले. अन् ते हरवेळी यरुशलेमच्या देवळात येऊन देवाचा गौरव करत होते, धन्य म्हणत होते.

Mihaino ny लुका 24