Text: © Christian Far East Ministry, 2012 Audio: ℗ 2012 Hosanna

Ruching Palaung - 2012 Edition (Drama NT)

เฌา เยซู แฮะ ฮอต กาลาง โฆรห ฌึร ตี ดอน โมยว, อัน วี ซากึห ฆางหราว, ซาคึร. อัน ต็อห, “อึย ฆูณ โอว, ดอ ตี นี แฮะ ฮอต ฌัม อาคราว ดี โลว โอว คัม ดูก. แตห แม บยัะ ดี อี ลอง อาพูง ดังโคว แปะ แฮะ ดัว แม ดี โอว อี มูห ฆอน แม, แตห บอ โอว วี บยัะ อาพูง ดังโคว แม ดี อี. แม แฮะ ดัว ปวน ดี โอว, แตห โอว อึบ เฆ ดูอี ดอน อี, แตห โอว ปึอน ดี ดัว อาซาก กามาย ดี ดูอี ปี ดัว แม ดี โอว, แตห เฆ ปึอน ดี กอย รึม โดบ แม เฌาพรา เซเซ. อาซาก กามาย ตี, อึณ ดี แตห เฆ นับ ซีคยา แม เฌา, อี มูห เฌาพรา อาคาคัร. อึณ มืร แตห เฆ นับ, อึณ มึห มี แม อู กาดัง นี. อึณ บอ แตห เฆ นับ โอว, อี มูห เฌา เยซู, วี ปี ตึย แม ตัห กอย ดี นี. โอว แฮะ กอย แดง กาดาย, โบง ฆาน ปี จัร แม โอว โบง. ปาย ตี โอว แฮะ บยัะ อาพูง ดังโคว แม ดี อี. ดอ ตี นี, โอว วี หมาณ ดี แม ฆูณ โอว, แตห แม บยัะ อาพูง ดังโคว โอว ดี เฆ อี กอย ดี อาต แม, แตห อึณ ปี ดอ กอย รึม โอว โดบ แม ซีณ อาต โบง แม กาดาย นี.
อึณ มึห เฆ ดูอี อี กอย แดง กาดาย นี, วี ปี ดัว แม ดี โอว, แตห เฆ โดบ โอว. โอว แฮะ บยัะ ดอน โมยว ลอง แม เฌา ดี เฆ ดูอี ฌึร ตี. เฆ มืร แฮะ โทม โดบ โฆรห ปี กาลาง แม. ดอ ตี นี, เฆ แฮะ นับ ลอง ปี ดัว แม ดี โอว ดอน โมยว, อึณ ตัห ดี แม. เฆ นับ ลอง อัน ตี โกบ กาลาง โอว ดี เฆ ลอง โฆรห ปี ดึอม กาลาง แม ดี โอว. เฆ มืร แฮะ หณึม โฆรห ตี, เฆ นับ ซีคยา ลอง แฮะ ตัห โอว โดง กอย แม. โคว, เฆ หณึม แม แฮะ ตึย โอว ตัห กอย โดง กอย เฆ. โอว มืร ซาคึร ดาง เฆ ดูอี ฌึร ตี. โอว ตู ซาคึร ดาง เฆ ดูอี ดอน อี อี กอย แดง กาดาย นี. โอว ยี ซาคึร ดาง เฆ ดูอี ปี ดัว แม ดี โอว. โคว, เฆ มูห ดูอี แม. แคะ มึห โอว ดอน โมยว, อึณ มูห โกรว แม. บอ แคะ มึห แม, อึณ บอ มูห โกรว โอว. โกบ หณึม เฆ, อึณ แฮะ บยัะ อาพูง ดังโคว โอว. อาว เหลณ, โอว อาว ฮู กอย แดง กาดาย. โอว ดี วี ตัห ฌัม โดง กอย แม. ยี มูห เฆ, เฆ อี ซี กอย แดง กาดาย. แม ฆูณ โอว, อี บอด กาเซา, แตห แม ดึห ปวน แม, อี มูห ปวน ปี ดัว แม ดี โอว, แตห แม บัร รีด อาซาก เฆ, แตห เฆ ลาย แบน อู น็อห ปี อาย แฮะ แบน อู น็อห. ดอ กอย รึม โอว โดบ เฆ, โอว แฮะ ดึห ปวน แม ตี, วี ยอด แมน เฆ, แตห เฆ กอย ซีคยา. อาว มึห อาเซ อี แฮะ โบยห. อึณ มึห มี อู วี ตึอน, อี ดี ชึม อาซาก อัน, แตห อึณ แบน ปี ดึอม แดม แคง บับ เฌาพรา.
ดอ ตี นี, โอว ดี วี ตัห ฌัม โดง กอย แม. โอว ยี หมาณ ฌึร ตี ดอ ซี กอย โอว แดง กาดาย นี, แตห อี ดาคึย กอ โนะ แคง น็อห เฆ. โอว แฮะ ฮอต กาลาง โฆรห แม ดี เฆ. เฆ ดูอี อี กอย แดง กาดาย มืร แฮะ ฌ็อง เฆ โกบ ตู ปี เฆ ดูอี แดง กาดาย. เฆ ปี โอว. บอ โอว ตู ปี เฆ ดูอี แดง กาดาย นี. โอว ตู หมาณ, แตห แม แตห เฆ เลห แดง กาดาย นี. โอว หมาณ, แตห แม ฆ็อง แร เฆ, แกวะ แตห เฆ กาดูห อี ฮาย. เฆ ตู ปี เฆ ดูอี อี กอย แดง กาดาย. อึณ ปี บอ โอว ตู ปี เฆ อี กอย แดง กาดาย. แม เฌา, แตห นา หมาน ลึบ แคง น็อห เฆ, โบง แตห เฆ แบน ดูอี อี ซีงา บอด. โฆรห ปี กาลาง แม ตี แฮะ มูห นา หมาน. แม มืร แฮะ ตึย โอว, แตห โอว กอย แดง กาดาย นี. ปาย ตี โอว มืร วี ตึย เฆ, แตห เฆ กอย แดง กาดาย นี. โอว แฮะ โบง แตห โดว โอว ซีงา บอด หลู ดี แม เฌา, แตห บอ เฆ วี แบน ดูอี อี ซีงา บอด อาคาคัร.
โอว ยี ตู ซาคึร มี ดาง เฆ. โอว ซาคึร บอ ดาง เฆ ดูอี อี หณึม โอว ดอ โทม เฆ โฆรห ปี กาลาง ดีแบ โอว ดี เฆ. โอว ซาคึร ดาง เฆ ดูอี ฌึร ตี, แตห เฆ บอกาเฆลียด แบน อู น็อห, แตห อึณ ปี บอ แม อี มูห ฆูณ โอว แฮะ กอย รึม โดบ โอว, อาว ปึอน กาย็อห. แตห เฆ อี หณึม บอกาเฆลียด กอย รึม โดบ อาย, แตห บอ เฆ ดูอี เฮา อี กอย แดง กาดาย กอ วี หณึม โอว. ปาย ตี เฆ ดี บอ นับ, อึณ มูห แม อี แฮะ ตึย โอว ตัห กอย ดี นี. โอว แฮะ ฮอต ดัว ดี เฆ อาพูง ดังโคว ปี ดัว แม ดี โอว, แตห เฆ วี แบน อู น็อห, แตห อึณ ปี อาย แฮะ แบน อู น็อห. แตห อึณ ปี โอว กอย แคง น็อห เฆ ปี แม กอย แคง น็อห โอว. แตห แม โบง แตห เฆ แบน อู น็อห, แกวะ ฮู แตห อึณ มึห อาเซ อี แป ดี ลาย กาย็อห เฆ. ปาย ตี เฆ ดูอี แดง กาดาย ดี บอ นับ, อึณ มูห แม, แม แฮะ ตึย โอว. เฆ ดี บอ นับ, โอว แฮะ ร็อก เฆ ปี แม แฮะ ร็อก โอว.
แม ฆูณ โอว, ดูอี แปะ แฮะ ดัว แม ดี โอว, โอว ซี แตห เฆ กอย รึม โดบ โอว โดง กอย โอว, แตห เฆ บอ ปึอน ดี ยึร อาพูง ดังโคว โอว. อึณ มูห อาพูง ดังโคว แปะ แฮะ ดัว แม ดี โอว โกบ ร็อก แม ดี โอว. แม แฮะ ร็อก โอว อู ซีณ อาต พาน เบลห แม กาดาย นี.
อึย แม ฆูณ โอว, แม โบง นา หมาน เซเซ. เฆ ดูอี อี กอย แดง กาดาย, เฆ ตู นับ แม. อึณ มูห โอว อี นับ แม. เฆ อี หณึม โอว ยี นับ, อึณ มูห แม, อี แฮะ ตึย โอว ตัห กอย ดี นี. โอว แฮะ กาลาง ดี เฆ ลอง แม, แตห เฆ บอ นับ แม. โอว ดี บอ กาลาง ฮาว ลอง แม. ปาย ตี อึณ ดี แตห แม ร็อก เฆ ปี แม ร็อก โอว. ปาย ตี บอ โอว ดี กอย แคง น็อห เฆ.”

Mihaino ny ยฮ 17