Malagasy - Interconfessional Version (NT) Drama

<div class="version vid396 iso6393plt" data-vid="396" data-iso6393="plt">
 <div class="book bk1PE">
 <div class="chapter ch2" data-usfm="1PE.2">
 <div class="label">2</div><div class="p"> 1Koa esory ny haratsiam-panahy rehetra sy ny fitaka rehetra mbamin&#8217;ny fihatsarambelatsihy sy ny fialonana ary ny fanosoram-potaka isan-karazany. 2Tahaka ny zaza vao teraka ianareo ka irio fatratra ilay ronono madio, izany hoe ny tenin&#8217;Andriamanitra, mba hitomboanareo amin&#8217;izany ka hahazoanareo famonjena, 3raha t&#224;hiny efa nandramanareo tokoa fa tsara fo ny Tompo#2.3 Sal 34.9..</div><div class="s">Ilay vato fehizoro sy ny vahoakan&#8217;Andriamanitra</div><div class="p"> 4Manat&#242;na ny Tompo ianareo, fa Izy no vato velona nolavin&#8217;ny olona, kanefa voafidy sady sarobidy eo anatrehan&#8217;Andriamanitra. 5Manat&#242;na ny Tompo ianareo mba ho tahaka ny vato velona voarafitra ho trano onenan&#8217;ny Fanahy Masina, ka hiara-manao fisoronana amin&#8217;ny alalan&#8217;i Jesoa Kristy. 6Fa izao no voalaza ao amin&#8217;ny Soratra Masina:</div><div class="q">&#171;Indro Aho mametraka vatofehizoro ao Tsi&#244;na,</div><div class="q">dia vato voafidy sady sarobidy;</div><div class="q">ary izay mino Azy tsy mba hangaihay#2.6 And 6: Is 28.16, voatsiahy araka ny dkt grika tranainy Septoazinta..&#187;</div><div class="p"> 7Ny maha vato sarobidy Azy dia ho anareo izay mino, ka</div><div class="q">&#171;ny vato nolavin&#8217;ny mpanao trano</div><div class="q">no nanjary vato fehizoro#2.7 And 7b: Sal 118.22.&#187;;</div><div class="q">ho an&#8217;izay tsy mino kosa, 8dia</div><div class="q">&#171;vato mahasolafaka</div><div class="q">sy vato mampianjera#2.8 And 8a: Is 8.14.&#187; izany.</div><div class="m">Solafaka tamin&#8217;io vato io izy ireo satria tsy manaiky ny tenin&#8217;Andriamanitra, sady ny ho solafaka rahateo no nanendrena azy ireo.</div><div class="p"> 9Fa ianareo kosa dia taranaka voafidy, fanjaka-mpisorona, firenena masina, vahoaka natao ho fananan&#8217;Andriamanitra, mba hitory ireo asa lehibe vitan&#8217;Andriamanitra Izay niantso anareo hiala tamin&#8217;ny haizina ho any amin&#8217;ny fahazavana mahagaga#2.9 Jereo Eks 19.5-6; Is 43.20-21; Deot 4.20; 7.6; Is 9.1.. 10Tsy vahoakan&#8217;Andriamanitra ianareo fahiny, fa ankehitriny kosa efa vahoakany; tsy nahazo ny famindrampon&#8217;Andriamanitra ianareo fahiny, fa ankehitriny kosa efa nahazo ny famindrampony#2.10 Jereo H&#244;s 1.6, 9; 2.1, 23, 25..</div><div class="s">Miaina araka ny maha mpanompon&#8217;Andriamanitra</div><div class="p"> 11Ry hava-malala, amin&#8217;ny maha vahiny sy mpivahiny anareo eto an-tany dia mampirisika anareo aho mba hifady ny fil&#224;ndratsin&#8217;ny maha olona mpanota, fa miady manohitra ny fanahinareo ireny. 12Man&#224;na fitondrantena tsara eo anivon&#8217;ny mpanompo sampy; fa na dia endrikendrehiny ho mpanao ratsy aza ianareo, dia ho hitany tokoa ny asa tsara ataonareo, ka hanomezany voninahitra an&#8217;Andriamanitra amin&#8217;ny andro hiavian&#8217;i Kristy.</div><div class="p"> 13Noho ny Tompo dia maneke ny fahefana rehetra misy eo amin&#8217;ny olombelona: na ny filoham-pirenena izany, satria mpitondra faratampony izy; 14na ireo mpifehy izany, satria nirahin&#8217;ny filoham-pirenena izy mba hanasazy ny mpanao asa ratsy ary mba hidera ny mpanao asa soa#2.14 And 13-14: ampit Rm 13.1-7.. 15Fa izao no sitrapon&#8217;Andriamanitra: ny hanampenanareo vava ny olona adala sy tsy mahalala amin&#8217;ny asa soa ataonareo. 16Maneke araka ny maha olona afaka anareo; nefa aoka ny fahafahanareo tsy hampiasaina hanaovan-dratsy, fa hiainana araka ny maha mpanompon&#8217;Andriamanitra. 17Hajao ny olona rehetra, tiavo ireo havana iray finoana; matahora an&#8217;Andriamanitra, manaj&#224; ny filoham-pirenena.</div><div class="s">I Kristy nijaly no fak&#224;n-tahaka</div><div class="p"> 18Ianareo mpanompo, maneke ny tomponareo amim-panajana tanteraka, tsy ny tsara fanahy sy ny malemy paika ihany fa ny sarotiny koa; 19satria izao no ankasitrahin&#8217;Andriamanitra: ny miaritra fampahoriana mihatra tsy an-drariny, noho ny fieritreretanao an&#8217;Andriamanitra. 20Inona tokoa moa no lazanareo, raha t&#224;hiny manao hadisoana ianareo no kapohina ka mandefitra? Fa raha t&#224;hiny manao soa ianareo no nampahor&#238;na ka mandefitra, dia izany no ankasitrahin&#8217;Andriamanitra. 21Eny, izany no niantsoan&#8217;Andriamanitra anareo; fa i Kristy aza efa nijaly hamonjy anareo, ka namela fianarana ho anareo, mba hanarahanareo ny diany: 22i Kristy tsy nanota akory sady tsy mba niloa-bava hilaza fitaka#2.22 Ampit Is 53.9.; 23notevatevaina Izy, nefa tsy mba nanevateva; nijaly Izy, nefa tsy mba nandrahona, fa nanankin-tena tamin&#8217;Andriamanitra Izay mitsara ara-drariny; 24ny tenan&#8217;i Kristy no nitondra ny fahotantsika teo ambony hazofijaliana, mba hitsaharantsika amin&#8217;ny fahotana ka hivelomantsika hanao ny marina; ary ny dian-kapoka taminy no nahasitrana anareo. 25Eny, efa toy ny ondry nania ianareo#2.25 And 24-25a: ampit Is 53.4-6, araka ny dkt grika tranainy Septoazinta., nefa ankehitriny dia tafaverina amin&#8217;ilay mpiandry sy mpitandrina ny fanahinareo.</div>
 </div>
 </div>
</div>

Dikanteny Iombonana Eto Madagasikara © Malagasy Bible Society, 2004.

Koa esory ny haratsiam-panahy rehetra sy ny fitaka rehetra mbamin’ny fihatsarambelatsihy sy ny fialonana ary ny fanosoram-potaka isan-karazany. Tahaka ny zaza vao teraka ianareo ka irio fatratra ilay ronono madio, izany hoe ny tenin’Andriamanitra, mba hitomboanareo amin’izany ka hahazoanareo famonjena, raha tàhiny efa nandramanareo tokoa fa tsara fo ny Tompo.

Manatòna ny Tompo ianareo, fa Izy no vato velona nolavin’ny olona, kanefa voafidy sady sarobidy eo anatrehan’Andriamanitra. Manatòna ny Tompo ianareo mba ho tahaka ny vato velona voarafitra ho trano onenan’ny Fanahy Masina, ka hiara-manao fisoronana amin’ny alalan’i Jesoa Kristy. Fa izao no voalaza ao amin’ny Soratra Masina:
«Indro Aho mametraka vatofehizoro ao Tsiôna,
dia vato voafidy sady sarobidy;
ary izay mino Azy tsy mba hangaihay.»
Ny maha vato sarobidy Azy dia ho anareo izay mino, ka
«ny vato nolavin’ny mpanao trano
no nanjary vato fehizoro»;
ho an’izay tsy mino kosa, dia
«vato mahasolafaka
sy vato mampianjera» izany.
Solafaka tamin’io vato io izy ireo satria tsy manaiky ny tenin’Andriamanitra, sady ny ho solafaka rahateo no nanendrena azy ireo.
Fa ianareo kosa dia taranaka voafidy, fanjaka-mpisorona, firenena masina, vahoaka natao ho fananan’Andriamanitra, mba hitory ireo asa lehibe vitan’Andriamanitra Izay niantso anareo hiala tamin’ny haizina ho any amin’ny fahazavana mahagaga. Tsy vahoakan’Andriamanitra ianareo fahiny, fa ankehitriny kosa efa vahoakany; tsy nahazo ny famindrampon’Andriamanitra ianareo fahiny, fa ankehitriny kosa efa nahazo ny famindrampony.

Ry hava-malala, amin’ny maha vahiny sy mpivahiny anareo eto an-tany dia mampirisika anareo aho mba hifady ny filàndratsin’ny maha olona mpanota, fa miady manohitra ny fanahinareo ireny. Manàna fitondrantena tsara eo anivon’ny mpanompo sampy; fa na dia endrikendrehiny ho mpanao ratsy aza ianareo, dia ho hitany tokoa ny asa tsara ataonareo, ka hanomezany voninahitra an’Andriamanitra amin’ny andro hiavian’i Kristy.
Noho ny Tompo dia maneke ny fahefana rehetra misy eo amin’ny olombelona: na ny filoham-pirenena izany, satria mpitondra faratampony izy; na ireo mpifehy izany, satria nirahin’ny filoham-pirenena izy mba hanasazy ny mpanao asa ratsy ary mba hidera ny mpanao asa soa. Fa izao no sitrapon’Andriamanitra: ny hanampenanareo vava ny olona adala sy tsy mahalala amin’ny asa soa ataonareo. Maneke araka ny maha olona afaka anareo; nefa aoka ny fahafahanareo tsy hampiasaina hanaovan-dratsy, fa hiainana araka ny maha mpanompon’Andriamanitra. Hajao ny olona rehetra, tiavo ireo havana iray finoana; matahora an’Andriamanitra, manajà ny filoham-pirenena.

Ianareo mpanompo, maneke ny tomponareo amim-panajana tanteraka, tsy ny tsara fanahy sy ny malemy paika ihany fa ny sarotiny koa; satria izao no ankasitrahin’Andriamanitra: ny miaritra fampahoriana mihatra tsy an-drariny, noho ny fieritreretanao an’Andriamanitra. Inona tokoa moa no lazanareo, raha tàhiny manao hadisoana ianareo no kapohina ka mandefitra? Fa raha tàhiny manao soa ianareo no nampahorîna ka mandefitra, dia izany no ankasitrahin’Andriamanitra. Eny, izany no niantsoan’Andriamanitra anareo; fa i Kristy aza efa nijaly hamonjy anareo, ka namela fianarana ho anareo, mba hanarahanareo ny diany: i Kristy tsy nanota akory sady tsy mba niloa-bava hilaza fitaka; notevatevaina Izy, nefa tsy mba nanevateva; nijaly Izy, nefa tsy mba nandrahona, fa nanankin-tena tamin’Andriamanitra Izay mitsara ara-drariny; ny tenan’i Kristy no nitondra ny fahotantsika teo ambony hazofijaliana, mba hitsaharantsika amin’ny fahotana ka hivelomantsika hanao ny marina; ary ny dian-kapoka taminy no nahasitrana anareo. Eny, efa toy ny ondry nania ianareo, nefa ankehitriny dia tafaverina amin’ilay mpiandry sy mpitandrina ny fanahinareo.

Mihaino ny 1 Petera 2