New Testament in Muinane (CO:bmr:Muinane)

Muinane - WBT Edition (NT) Non Drama

Muinane - WBT Edition (NT) Drama

<div class="version vid523 iso6393bmr" data-vid="523" data-iso6393="bmr">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Jesu Siino Ubuheeteuno.</div><div class="r">(Mt 28.1-10; Mr 16.1-8; Jn 20.1-10)</div><div class="p"> 1Jaanaa ajaguis&#616;uno sifucut&#616; gaigoom&#616; c&#616;vonot&#616;ro fuuhi Jesu c&#616;&#616;hoj&#616;jaago ifac&#616;c&#616;noco iimibachuunoma#24.1 Sahaamefa&#241;o janaan&#616;c&#616; jill&#616; ficuumo: Jaamoma toll&#616;ro saatoho gaigoom&#616; fuuhi, onoonoco. 2Jaamo &#616;&#616;futuumo aty&#616;meuhi tooj&#616;co afabaacuuba iguiisiba sih&#616;gov&#616; icacuubaco. 3Jaamoro tooj&#616;fa&#241;o ufuumo Aivoj&#616;&#616;bo Jesu ifiico aty&#616;mecuut&#616;hi. 4Jaaneri iigutuumoro: &#191;M&#616;ll&#616; momoon&#616;ji? noocasiumo. Jaamo aty&#616;meuhi miim&#616;siic&#616; gaifiim&#616;si diito coj&#616;v&#616; julleec&#616;n&#616;m&#616;sico ar&#616;cunoono gaachehunofa&#241;o j&#616;cucuuc&#616;n&#616;m&#616;sico. 5Jaam&#616;sit&#616; iigutuumoro guiinov&#616; jiin&#616;jehall&#616;v&#616; javucamaaiumo. Jaamoco diit&#616;si nuuhi: &#191;Coll&#616;hi am&#616;&#616;hai ubuheetecuuboco iguijeveme iicama&#241;oco miguiinehi? 6Jineeri chahacuubo, buheetecuubo. Mehesafoto Galileari iicausumi am&#616;&#616;haico unuunoco: 7Miyam&#616;naafibad&#616; Ifiivuubo ac&#616;cafeteji imit&#616; miyam&#616;naa usefa&#241;o. Jaaboco &#616;mohov&#616; tetecujimo. Jaaruubo mifucuc&#616;, safucu icanot&#616; siino buheeteji, unuunoco, noom&#616;siro.</div><div class="p"> 8Jaanegui tofigueje esafutuuhi Jesu unuunoco. 9Jaamo ic&#616;&#616;hoj&#616;jaagot&#616; uhuumiumoro pary&#616; toonot&#616; j&#616;&#616;bogovauhi Jesu min&#616;sum&#616;naaco fahuseec&#616; mot&#616;hait&#616; saafi &#616;d&#616;&#616;moco, toll&#616;ro pary&#616; saatohoco icano. 10Jaanoco Jesu min&#616;sum&#616;naaco j&#616;&#616;buguumo Maria Magdalena onoogo, bu Juana, bu Maria Jacoobo seej&#616;, bu saafigueje icamo. 11Jaarunoco Jesu min&#616;sum&#616;naa: Jill&#616; f&#616;ne jeegavomo, noomoro miyaavuguut&#616;mo.</div><div class="p"> 12Jaarunaa Pedro fuuhi ijinafatyuuboro Jesu c&#616;&#616;hoj&#616;jaago. Jaaboro &#616;d&#616;j&#616;&#616;vuuboro tooj&#616;fa&#241;oco emeec&#616;ubo aty&#616;meuhi tochehuri imin&#616;uchehu uufocori acaunoco. Jaaneri ajabafiituuboro uumiubo doj&#616;cuv&#616;ro iijajaago.</div><div class="s">Emaus Onoocuumi J&#616;&#616;haijaago.</div><div class="r">(Mr 16.12-13)</div><div class="p"> 13Jaanaa tufucu diitot&#616; miim&#616;siic&#616; fuuhi Emaus onoocuumijaago; Jerusalet&#616; once kilometrohachuta iicacuumijaago. 14Jaam&#616;si ufuum&#616;si pary&#616; tooneri iimaam&#616;siro feehicauhi. 15Jaam&#616;siro ihiimaam&#616;siro dillucasihicauhi. Jaanaaca diiboro Jesu diit&#616;sijaa asaauboro diit&#616;sima fuuhi. 16Jaaboco aty&#616;mecuurum&#616;si gaajahicaut&#616;hi Jesu iicanoco. 17Jaanegui Jesu diit&#616;sico dilluuhi: &#191;Jinejeque midillucasihicahi j&#616;&#616;hairi mofoom&#616;si? &#191;Coll&#616;hi &#616;daasuno mihicahi? nooboro.</div><div class="p"> 18Jaanegui diit&#616;sit&#616; Cleofas onoobo iimusuuhi: Pary&#616; miyam&#616;naa gaajahi Jerusalev&#616; jisumiro iicahin&#616;noco. Jaanot&#616; &#616;&#616;joho &#616;d&#616;&#616;boro tuucuumiri diicaruubo gaajat&#616;hi.</div><div class="p"> 19Jaanegui diit&#616;sico nuubo: &#191;Nacu m&#616;ll&#616; icahin&#616;no? nooboro.</div><div class="p">Jaanegui diiboco nuum&#616;si: Et&#616; bu Jesu Nazareooboco omoon&#616;hin&#616;noco; Jaabuu Moocaani iimaam&#616;naafi, pary&#616; miyam&#616;naa &#616;mefeenev&#616;, bu Moocaani &#616;mefeenev&#616; ihiimaanot&#616;, bu pary&#616; omoon&#616;hicahin&#616;not&#616; icano sihid&#616; ejeevahin&#616;&#616;boco. 20Jaaboco sacerdotem&#616; aivoj&#616;to, mohaivoj&#616;to icamo diiboco agaay&#616;c&#616;hin&#616;moro ac&#616;hin&#616;hi: Imino diibo iguijevene, noomoro tetecusuumo. 21Jaanot&#616; m&#616;&#616;hai meteemehicaurahi Israel jiin&#616;jem&#616;naaco itaajasuqui. Jaarunaa pary&#616; toll&#616; omoon&#616;nobuunat&#616; jino mifucuc&#616;, safucu icano mihicacuuhi. 22Jaarunaaca m&#616;&#616;hait&#616; saatoho gaigoom&#616; fucuro diibo c&#616;&#616;hoj&#616;co emeec&#616;jeme m&#616;&#616;haico igutusuhi, 23tooj&#616;fa&#241;o diibo ifiico aaty&#616;met&#616;neguiiha m&#616;&#616;haico j&#616;&#616;bogovahi Moocaani toomom&#616;naaco aaty&#616;meme diitoco: Jesu buheehi, onoonoco m&#616;&#616;haico &#616;j&#616;&#616;begueneri. 24Jaaneguiiha m&#616;&#616;hait&#616; saatoho tooj&#616;co emeec&#616;jeme gaigoom&#616; onoobad&#616; icanoco aty&#616;mehi. Jaarumo Jesuco aty&#616;met&#616;hi, noom&#616;siro.</div><div class="p"> 25Jaanegui Jesu diit&#616;sico nuuhi: &#161;Gaajat&#616;canim&#616;si, f&#616;ne am&#616;&#616;si goovat&#616;cani mimiyaaveguehi Moocaani iimaam&#616;naa unuunoco! 26&#191;Nacu it&#616;con&#616; jinehejeri &#616;daasuno icajit&#616;ruubo Cristo ihaivoj&#616;fa&#241;o efeejino &#616;mega? nooboro. 27T&#616;con&#616;ubo pary&#616; Caat&#616;n&#616;haamefa&#241;o diibedit&#616; onoonehejeque diit&#616;sico &#616;j&#616;&#616;bogoobo Moise aamenet&#616; &#616;t&#616;con&#616;ubo pary&#616; Moocaani iimaam&#616;naa aamenev&#616; imivusuubo.</div><div class="p"> 28Jaamo tuucuumiv&#616; &#616;&#616;futucuuneguiiha Jesu sanot&#616;covoro fatyuujirahi. 29Jaarunaa diit&#616;si diiboco fiit&#616;hicauhi: M&#616;sima jinoov&#616;ro fitafoto mihiij&#616;cuuhi c&#616;vucuuno, noom&#616;siro.</div><div class="p">Jaaneguiiha Jesu fitafutuuhi diit&#616;sima iicaqui. 30Jaad&#616; imachuqui diit&#616;sima acas&#616;&#616;vuuboro imaahuco agaay&#616;c&#616;uboro toonohall&#616;v&#616; Moocaanima iimaaubo. Jaad&#616; iquisicuuboro diit&#616;sico ac&#616;ubo. 31Jaasumi jari diit&#616;sico ihaall&#616;&#616;no imino faayacafutuuhi. Jaad&#616; jari diiboco gaajac&#616;um&#616;si. Jaarunaa diit&#616;si &#616;mefeenev&#616; cuucahacho minifutuubo. 32Jaanegui diit&#616;si noocasiuhi: &#191;Et&#616; miyaano mojeeb&#616;&#616;no imono icahicahin&#616;hi j&#616;&#616;hairi masaasumi Caat&#616;n&#616;haamefa&#241;o onoonehejeque m&#616;sico j&#616;&#616;bogooboro asaahicasumi? noom&#616;siro. 33Siino gueenene icat&#616;m&#616;siro uumicuum&#616;si Jerusalejaago. Jaam&#616;si aty&#616;meuhi Jesu min&#616;sum&#616;naa fahuseec&#616;, siino saafi icamo saatoho igataavom&#616;naama igaic&#616;n&#616;moco. 34Jaamo diit&#616;sico nuuhi: Miyaano Aivoj&#616;&#616;bo siino buheetecuuhi. Jaaboco Simon aty&#616;mecuuhi, noomoro.</div><div class="p"> 35Jaanegui diit&#616;si diitoco j&#616;&#616;buguuhi j&#616;&#616;haiv&#616; diit&#616;sima iicaunoco, diit&#616;sima maahunoco iquisicuhin&#616;sumi diiboco agaajac&#616;hin&#616;noco icano.</div><div class="s">Jesu Ij&#616;&#616;bogom&#616;naav&#616; Jafeveuhi.</div><div class="r">(Mt 28.16-20; Mr 16.14-18; Jn 20.19-23; Hch 1.6-9)</div><div class="p"> 36Jaamo tonehejeri ihiimaahicaunaaca Jesu diitofeenev&#616; ujulleeveuboro diitoco dilluuhi: Sajeeb&#616;&#616; mihica, nooboro.</div><div class="p"> 37Jaaneri sihid&#616; iigutuumoro esamaaiuhi: F&#616;ne &#616;j&#616;co mahaty&#616;mehi, noomoro. 38Jaarunaa Jesu diitoco nuuhi: &#191;Coll&#616;hi mihiguetehi? &#191;Coll&#616;hi uco am&#616;&#616;hai jeeb&#616;&#616;fa&#241;ot&#616; mimiyaavogot&#616;hi? 39Eneecau tahuseneque, taty&#616;hai&#241;ooco icano memeec&#616;, uujoho diiboro. Uco mudud&#616;&#616;c&#616;moro, memeec&#616;; &#616;j&#616; ihuucuma, ibac&#616;ma icano chahahi jino uujoho iicaaboco mahaty&#616;mebad&#616;, nooboro 40diitoco ihusene, it&#616;hai&#241;o icanoco &#616;&#616;fusuubo. 41Jaarunaa diito imo imo iicaumoro ajabafiituumoro imiyaavuguut&#616;moco Jesu nuuhi: &#191;Naa machutaama mihicahi? nooboro.</div><div class="p"> 42Jaanegui diiboco taavaabo gaaruhaico ac&#616;umo#24.42 Sahaamefa&#241;o janaan&#616;c&#616; jill&#616; ficuumo: iim&#616;hu gaami icanoco, onoonoco. 43Jaanoco agaay&#616;c&#616;uboro diito &#616;mefeenev&#616; duubo. 44Jaaboro diitoco nuubo: Jill&#616; iicajinoco am&#616;&#616;haima iicausumi am&#616;&#616;haico nuuhi: Uudit&#616; Moise aamefa&#241;o, Moocaani iimaam&#616;naa aamenefa&#241;o, Salmo aamefa&#241;o icano onoono icaji, nuuhi.</div><div class="p"> 45Jaaboro diitoco Caat&#616;n&#616;haamefa&#241;o onoonoco gaajasuubo. 46Jaaboro diitoco nuubo: Jill&#616; noonoro caat&#616;n&#616;c&#616;n&#616;no, Cristo guijeveji. Jaaruubo mifucuc&#616;, safucu icanot&#616; siino buheetejiibo. 47Jaabo momofeened&#616; fah&#616;gova jiin&#616;je miyam&#616;naaco m&#616;j&#616;&#616;begueji Jerusalet&#616; m&#616;t&#616;con&#616;mo am&#616;&#616;hai eedeehimit&#616;hifiico mejeevesucu am&#616;&#616;hai imit&#616;co ibuusuqui. 48Jaamo am&#616;&#616;hai maaty&#616;memere jinooco m&#616;j&#616;&#616;beguejimo. 49Jaamo magaaja, uujoho am&#616;&#616;haihall&#616;v&#616; galluuji Guihirubi unuunoco. Jaanegui jiicuumit&#616; buh&#616;gov&#616; mefeedino niquejefa&#241;ot&#616; mitya asaanoco magaay&#616;c&#616;t&#616;nohachuta, nooboro.</div><div class="s">Jesu Niquejefa&#241;o Ofoono.</div><div class="r">(Mr 16.19-20; Hch 1.9-11)</div><div class="p"> 50Jaaboro Jesu diitoco tuucuumit&#616; sih&#616;gov&#616; satyuubo Betania cuumi fiit&#616;no. Jaaboro diitohall&#616;v&#616; ihuseque aga&#241;iiy&#616;c&#616;ubo diitoco imino nuubo. 51Jaasumiro diitot&#616; caamov&#616; diiboco satyuumo niquejefa&#241;o. 52Jaaboco diito iimuumoro Jerusale cuumijaago imo imo uumiumo. 53Jaamoro templojafa&#241;o icahicaumo Moocaanico imomoro. F&#616;ne.</div>
 </div>
 </div>
</div>

Jaanaa ajaguisɨuno sifucutɨ gaigoomɨ cɨvonotɨro fuuhi Jesu cɨɨhojɨjaago ifacɨcɨnoco iimibachuunoma Jaamo ɨɨfutuumo atyɨmeuhi toojɨco afabaacuuba iguiisiba sihɨgovɨ icacuubaco. Jaamoro toojɨfaño ufuumo Aivojɨɨbo Jesu ifiico atyɨmecuutɨhi. Jaaneri iigutuumoro: ¿Mɨllɨ momoonɨji? noocasiumo. Jaamo atyɨmeuhi miimɨsiicɨ gaifiimɨsi diito cojɨvɨ julleecɨnɨmɨsico arɨcunoono gaachehunofaño jɨcucuucɨnɨmɨsico. Jaamɨsitɨ iigutuumoro guiinovɨ jiinɨjehallɨvɨ javucamaaiumo. Jaamoco diitɨsi nuuhi: ¿Collɨhi amɨɨhai ubuheetecuuboco iguijeveme iicamañoco miguiinehi? Jineeri chahacuubo, buheetecuubo. Mehesafoto Galileari iicausumi amɨɨhaico unuunoco: Miyamɨnaafibadɨ Ifiivuubo acɨcafeteji imitɨ miyamɨnaa usefaño. Jaaboco ɨmohovɨ tetecujimo. Jaaruubo mifucucɨ, safucu icanotɨ siino buheeteji, unuunoco, noomɨsiro.
Jaanegui tofigueje esafutuuhi Jesu unuunoco. Jaamo icɨɨhojɨjaagotɨ uhuumiumoro paryɨ toonotɨ jɨɨbogovauhi Jesu minɨsumɨnaaco fahuseecɨ motɨhaitɨ saafi ɨdɨɨmoco, tollɨro paryɨ saatohoco icano. Jaanoco Jesu minɨsumɨnaaco jɨɨbuguumo Maria Magdalena onoogo, bu Juana, bu Maria Jacoobo seejɨ, bu saafigueje icamo. Jaarunoco Jesu minɨsumɨnaa: Jillɨ fɨne jeegavomo, noomoro miyaavuguutɨmo.
Jaarunaa Pedro fuuhi ijinafatyuuboro Jesu cɨɨhojɨjaago. Jaaboro ɨdɨjɨɨvuuboro toojɨfañoco emeecɨubo atyɨmeuhi tochehuri iminɨuchehu uufocori acaunoco. Jaaneri ajabafiituuboro uumiubo dojɨcuvɨro iijajaago.


Jaanaa tufucu diitotɨ miimɨsiicɨ fuuhi Emaus onoocuumijaago; Jerusaletɨ once kilometrohachuta iicacuumijaago. Jaamɨsi ufuumɨsi paryɨ tooneri iimaamɨsiro feehicauhi. Jaamɨsiro ihiimaamɨsiro dillucasihicauhi. Jaanaaca diiboro Jesu diitɨsijaa asaauboro diitɨsima fuuhi. Jaaboco atyɨmecuurumɨsi gaajahicautɨhi Jesu iicanoco. Jaanegui Jesu diitɨsico dilluuhi: ¿Jinejeque midillucasihicahi jɨɨhairi mofoomɨsi? ¿Collɨhi ɨdaasuno mihicahi? nooboro.
Jaanegui diitɨsitɨ Cleofas onoobo iimusuuhi: Paryɨ miyamɨnaa gaajahi Jerusalevɨ jisumiro iicahinɨnoco. Jaanotɨ ɨɨjoho ɨdɨɨboro tuucuumiri diicaruubo gaajatɨhi.
Jaanegui diitɨsico nuubo: ¿Nacu mɨllɨ icahinɨno? nooboro.
Jaanegui diiboco nuumɨsi: Etɨ bu Jesu Nazareooboco omoonɨhinɨnoco; Jaabuu Moocaani iimaamɨnaafi, paryɨ miyamɨnaa ɨmefeenevɨ, bu Moocaani ɨmefeenevɨ ihiimaanotɨ, bu paryɨ omoonɨhicahinɨnotɨ icano sihidɨ ejeevahinɨɨboco. Jaaboco sacerdotemɨ aivojɨto, mohaivojɨto icamo diiboco agaayɨcɨhinɨmoro acɨhinɨhi: Imino diibo iguijevene, noomoro tetecusuumo. Jaanotɨ mɨɨhai meteemehicaurahi Israel jiinɨjemɨnaaco itaajasuqui. Jaarunaa paryɨ tollɨ omoonɨnobuunatɨ jino mifucucɨ, safucu icano mihicacuuhi. Jaarunaaca mɨɨhaitɨ saatoho gaigoomɨ fucuro diibo cɨɨhojɨco emeecɨjeme mɨɨhaico igutusuhi, toojɨfaño diibo ifiico aatyɨmetɨneguiiha mɨɨhaico jɨɨbogovahi Moocaani toomomɨnaaco aatyɨmeme diitoco: Jesu buheehi, onoonoco mɨɨhaico ɨjɨɨbegueneri. Jaaneguiiha mɨɨhaitɨ saatoho toojɨco emeecɨjeme gaigoomɨ onoobadɨ icanoco atyɨmehi. Jaarumo Jesuco atyɨmetɨhi, noomɨsiro.
Jaanegui Jesu diitɨsico nuuhi: ¡Gaajatɨcanimɨsi, fɨne amɨɨsi goovatɨcani mimiyaaveguehi Moocaani iimaamɨnaa unuunoco! ¿Nacu itɨconɨ jinehejeri ɨdaasuno icajitɨruubo Cristo ihaivojɨfaño efeejino ɨmega? nooboro. Tɨconɨubo paryɨ Caatɨnɨhaamefaño diibeditɨ onoonehejeque diitɨsico ɨjɨɨbogoobo Moise aamenetɨ ɨtɨconɨubo paryɨ Moocaani iimaamɨnaa aamenevɨ imivusuubo.
Jaamo tuucuumivɨ ɨɨfutucuuneguiiha Jesu sanotɨcovoro fatyuujirahi. Jaarunaa diitɨsi diiboco fiitɨhicauhi: Mɨsima jinoovɨro fitafoto mihiijɨcuuhi cɨvucuuno, noomɨsiro.
Jaaneguiiha Jesu fitafutuuhi diitɨsima iicaqui. Jaadɨ imachuqui diitɨsima acasɨɨvuuboro imaahuco agaayɨcɨuboro toonohallɨvɨ Moocaanima iimaaubo. Jaadɨ iquisicuuboro diitɨsico acɨubo. Jaasumi jari diitɨsico ihaallɨɨno imino faayacafutuuhi. Jaadɨ jari diiboco gaajacɨumɨsi. Jaarunaa diitɨsi ɨmefeenevɨ cuucahacho minifutuubo. Jaanegui diitɨsi noocasiuhi: ¿Etɨ miyaano mojeebɨɨno imono icahicahinɨhi jɨɨhairi masaasumi Caatɨnɨhaamefaño onoonehejeque mɨsico jɨɨbogooboro asaahicasumi? noomɨsiro. Siino gueenene icatɨmɨsiro uumicuumɨsi Jerusalejaago. Jaamɨsi atyɨmeuhi Jesu minɨsumɨnaa fahuseecɨ, siino saafi icamo saatoho igataavomɨnaama igaicɨnɨmoco. Jaamo diitɨsico nuuhi: Miyaano Aivojɨɨbo siino buheetecuuhi. Jaaboco Simon atyɨmecuuhi, noomoro.
Jaanegui diitɨsi diitoco jɨɨbuguuhi jɨɨhaivɨ diitɨsima iicaunoco, diitɨsima maahunoco iquisicuhinɨsumi diiboco agaajacɨhinɨnoco icano.


Jaamo tonehejeri ihiimaahicaunaaca Jesu diitofeenevɨ ujulleeveuboro diitoco dilluuhi: Sajeebɨɨ mihica, nooboro.
Jaaneri sihidɨ iigutuumoro esamaaiuhi: Fɨne ɨjɨco mahatyɨmehi, noomoro. Jaarunaa Jesu diitoco nuuhi: ¿Collɨhi mihiguetehi? ¿Collɨhi uco amɨɨhai jeebɨɨfañotɨ mimiyaavogotɨhi? Eneecau tahuseneque, tatyɨhaiñooco icano memeecɨ, uujoho diiboro. Uco mududɨɨcɨmoro, memeecɨ; ɨjɨ ihuucuma, ibacɨma icano chahahi jino uujoho iicaaboco mahatyɨmebadɨ, nooboro diitoco ihusene, itɨhaiño icanoco ɨɨfusuubo. Jaarunaa diito imo imo iicaumoro ajabafiituumoro imiyaavuguutɨmoco Jesu nuuhi: ¿Naa machutaama mihicahi? nooboro.
Jaanegui diiboco taavaabo gaaruhaico acɨumo Jaanoco agaayɨcɨuboro diito ɨmefeenevɨ duubo. Jaaboro diitoco nuubo: Jillɨ iicajinoco amɨɨhaima iicausumi amɨɨhaico nuuhi: Uuditɨ Moise aamefaño, Moocaani iimaamɨnaa aamenefaño, Salmo aamefaño icano onoono icaji, nuuhi.
Jaaboro diitoco Caatɨnɨhaamefaño onoonoco gaajasuubo. Jaaboro diitoco nuubo: Jillɨ noonoro caatɨnɨcɨnɨno, Cristo guijeveji. Jaaruubo mifucucɨ, safucu icanotɨ siino buheetejiibo. Jaabo momofeenedɨ fahɨgova jiinɨje miyamɨnaaco mɨjɨɨbegueji Jerusaletɨ mɨtɨconɨmo amɨɨhai eedeehimitɨhifiico mejeevesucu amɨɨhai imitɨco ibuusuqui. Jaamo amɨɨhai maatyɨmemere jinooco mɨjɨɨbeguejimo. Jaamo magaaja, uujoho amɨɨhaihallɨvɨ galluuji Guihirubi unuunoco. Jaanegui jiicuumitɨ buhɨgovɨ mefeedino niquejefañotɨ mitya asaanoco magaayɨcɨtɨnohachuta, nooboro.


Jaaboro Jesu diitoco tuucuumitɨ sihɨgovɨ satyuubo Betania cuumi fiitɨno. Jaaboro diitohallɨvɨ ihuseque agañiiyɨcɨubo diitoco imino nuubo. Jaasumiro diitotɨ caamovɨ diiboco satyuumo niquejefaño. Jaaboco diito iimuumoro Jerusale cuumijaago imo imo uumiumo. Jaamoro templojafaño icahicaumo Moocaanico imomoro. Fɨne.

Mihaino ny San Lucas 24