Littafi Mai Tsarki

<div class="version vid71 iso6393hau" data-vid="71" data-iso6393="hau">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Yesu da Wata Basamariya</div><div class="p"> 1To, da Ubangiji Yesu ya sani dai Farisiyawa sun ji labari yana samun almajirai, yana kuma yi musu baftisma fiye da Yahaya 2(ko da yake dai ba Yesu kansa yake yin baftisma ba, almajiransa ne), 3sai ya bar &#409;asar Yahudiya, ya koma &#409;asar Galili. 4Lalle ne kuwa y&#259; ratsa &#409;asar Samariya. 5#Far 33.19; Josh 24.32 Sai ya zo wani gari na &#409;asar Samariya, wanda ake kira Saikar, kusa da yankin &#409;asar da Yakubu ya ba &#599;ansa Yusufu. 6Rijiyar Yakubu kuwa a nan take. Saboda gajiyar tafiya fa, sai Yesu ya zauna haka nan a bakin rijiyar. Wajen tsakar rana ce kuwa.</div><div class="p"> 7Sai ga wata Basamariya ta zo &#599;iban ruwa. Yesu ya ce mata, &#8220;Sa mini ruwa in sha.&#8221; 8Almajiransa kuwa sun shiga gari sayen abinci. 9#Ezra 4.1-5; Neh 4.1,2 Sai Basamariyar ta ce masa, &#8220;&#408;a&#409;a kai Bayahude za ka ro&#409;e ni ruwan sha, ni da nake Basamariya?&#8221; (Don Yahudawa ba sa cu&#599;anya da Samariyawa). 10Yesu ya amsa mata ya ce, &#8220;Da kin san kyautar Allah, da kuma wanda ya ce miki, &#8216;Sa mini ruwa in sha,&#8217; ai, da kin ro&#409;e shi, shi kuwa zai ba ki ruwan rai.&#8221; 11Sai matar ta ce masa, &#8220;Ya Shugaba, ai, ba ka da guga, rijiyar kuwa da zurfi. To, ina ka sami ruwan nan na rai? 12Ashe, ka fi ubanmu Yakubu ne, wanda ya bar mana rijiyar, har shi da kansa, da 'yayansa, da dabbobinsa, suka sha ruwanta?&#8221; 13Yesu ya amsa mata ya ce, &#8220;Duk mai shan ruwan nan zai s&#257;ke jin &#409;ishirwa. 14Amma duk wanda ya sha ruwan da zan ba shi, ba zai &#409;ara jin &#409;ishirwa ba har abada. Ruwan da zan ba shi kuwa zai zama ma&#595;u&#595;&#595;uga a gare shi, yana &#595;u&#595;&#595;ugowa har ya zuwa rai madawwami.&#8221; 15Matar ta ce masa, &#8220;Ya Shugaba, ka ba ni ruwan nan, don kada in &#409;ara jin &#409;ishirwa, kada kuma in ri&#409;a zuwa har nan in &#599;iba.&#8221;</div><div class="p"> 16Sai Yesu ya ce mata, &#8220;Je ki, ku zo da mijinki.&#8221; 17Sai matar ta amsa ta ce, &#8220;Ai, ba ni da miji.&#8221; Yesu ya ce mata, &#8220;Gaskiyarki da kika ce ba ki da miji, 18don kin auri maza biyar, wanda kuke tare yanzu kuwa ba mijinki ba ne. A nan kam kin yi gaskiya.&#8221; 19Matar ta ce masa, &#8220;Ya Shugaba, na dai gane kai annabi ne. 20Kakanninmu sun yi sujada a dutsen nan. Ku kuwa kun ce a Urushalima ne wurin da ya wajaba a yi sujada yake.&#8221; 21Sai Yesu ya ce mata, &#8220;Uwargida, ki gaskata ni, lokaci na zuwa da ba za ku yi wa Uba sujada ba, ko a kan dutsen nan, ko a Urushalima, 22Ku kuna yi wa abin da ba ku sani ba sujada, mu kuwa muna yi wa abin da muka sani sujada, domin ceto ta hanyar Yahudawa yake. 23Amma lokaci na zuwa, har ma ya yi, da masu sujada na gaskiya za su yi wa Uba sujada a ruhu, da gaskiya kuma. Lalle kuwa irin wa&#599;annan masu sujada ne Uba yake nema. 24Allah Ruhu ne, masu yi masa sujada kuwa lalle su yi masa sujada a ruhu, da gaskiya kuma.&#8221; 25Sai matar ta ce masa, &#8220;Na san Masihi yana zuwa, wanda ake kira Almasihu. Sa'ad da ya zo kuwa, zai sanar da mu kome.&#8221; 26Yesu ya ce mata, &#8220;Ni ne, ni mai maganan nan da yake.&#8221;</div><div class="p"> 27Nan take almajiransa suka dawo. Suka yi mamakin ganin yana magana da mace. Amma kuwa ba wanda ya ce, &#8220;Me kike bukata?&#8221; ko, &#8220;Don me kake magana da ita?&#8221; 28Sai matar ta bar tulunta, ta koma gari, ta ce wa mutane, 29&#8220;Ku zo, ku ga mutumin da ya gaya mini duk abin da na ta&#595;a yi! Shin, ko wannan shi ne Almasihu?&#8221; 30Sai suka fito daga garin suka nufo shi.</div><div class="p"> 31Ana cikin haka sai almajiran suka ro&#409;e shi suka ce, &#8220;Ya shugaba, ci abinci.&#8221; 32Amma ya ce musu, &#8220;Ina da abincin da ba ku sani ba.&#8221; 33Almajiran suka ce wa juna, &#8220;Shin, wani ya kawo masa abinci ne?&#8221; 34Sai Yesu ya ce musu, &#8220;Abincina shi ne in aikata nufin wanda ya aiko ni, in kuma cika aikinsa. 35Ba kuna cewa, kaka saura wata hu&#599;u ba? Ina gaya muku fa, ku duba gonaki, ku gani, sun nuna sun isa girbi. 36Mai girbi na samun lada, yana kuma tara amfani zuwa rai madawwami, domin mai shuka da mai girbi su yi farin ciki tare. 37A nan kam, wannan karin maganar gaskiya ne cewa, &#8216;Wani da shuka, wani da girbi.&#8217; 38Na aike ku girbin abin da ba ku yi wahalarsa ba. Wa&#599;ansu sun yi wahala, ku kuwa kun mori wahalarsu.&#8221;</div><div class="p"> 39Samariyawa da yawa na wannan gari suka gaskata da shi saboda maganar matan nan da ta ce, &#8220;Ya gaya mini duk abin da na ta&#595;a yi.&#8221; 40Da Samariyawa suka iso wurinsa, suka ro&#409;e shi ya sauka a wurinsu. Ya kuwa kwana biyu a nan. 41Wa&#599;ansu kumma da yawa fiye da na d&#257; suka ba da gaskiya saboda magana tasa. 42Sa'an nan suka ce wa macen, &#8220;Yanzu kam, mun ba da gaskiya, ba don abin da kika fa&#599;a kawai ba, domin mu ma mun ji da kanmu, mun kuma tabbata lalle wannan shi ne Mai Ceton duniya.&#8221;</div><div class="s">Yesu Ya Warkar da &#394;an Bafada</div><div class="p"> 43Bayan kwana biyun nan sai ya tashi daga nan ya tafi &#409;asar Galili. 44#Mat 13.57; Mar 6.4; Luk 4.24 Domin Yesu kansa ya yi shaida cewa annabi ba shi da girma a &#409;asarsu. 45#Yah 2.23 Da ya isa &#409;asar Galili, sai Galilawa suka yi na'am da shi, domin sun ga duk abin da ya yi a Urushalima a lokacin idi, domin su ma sun je idin.</div><div class="p"> 46 # 
 Yah 2.1-11
 Sai ya s&#257;ke zuwa Kana ta &#409;asar Galili, inda ya mai da ruwa ruwan inabi. A Kafarnahum kuwa akwai wani bafada wanda &#599;ansa ba shi da lafiya. 47Da jin cewa Yesu ya fito &#409;asar Yahudiya ya komo &#409;asar Galili, sai ya tafi wurinsa, ya ro&#409;e shi ya je ya warkar da &#599;ansa, don yana bakin mutuwa. 48Yesu ya ce masa, &#8220;In ba mu'ujizai da abubuwan al'ajabi kuka gani ba, ba yadda za a yi ku ba da gaskiya.&#8221; 49Sai bafadan nan ya ce masa, &#8220;Ya Shugaba, ka zo tun &#409;aramin &#599;ana bai mutu ba.&#8221; 50Yesu ya ce masa, &#8220;Yi tafiyarka, &#599;anka a raye yake.&#8221; Mutumin kuwa ya gaskata maganar da Yesu ya fa&#599;a masa, ya yi tafiyarsa. 51Yana cikin tafiya sai ga barorinsa sun taryo shi, suka ce masa, &#8220;&#394;anka a raya yake.&#8221; 52Sai ya tambaye su ainihin lokacin da ya fara samun sau&#409;i. Suka ce masa, &#8220;Jiya da &#409;arfe &#599;aya na rana zazza&#595;in ya sake shi.&#8221; 53Sai uban ya gane, daidai lokacin nan ne, Yesu ya ce masa, &#8220;&#394;anka a raye yake.&#8221; Shi da kansa kuwa ya ba da gaskiya, da jama'ar gidansa duka. 54Wannan kuwa ita ce mu'ujiza ta biyu da Yesu ya yi, bayan Komowarsa &#409;asar Galili daga &#409;asar Yahudiya.</div>
 </div>
 </div>
</div>

To, da Ubangiji Yesu ya sani dai Farisiyawa sun ji labari yana samun almajirai, yana kuma yi musu baftisma fiye da Yahaya (ko da yake dai ba Yesu kansa yake yin baftisma ba, almajiransa ne), sai ya bar ƙasar Yahudiya, ya koma ƙasar Galili. Lalle ne kuwa yă ratsa ƙasar Samariya. Sai ya zo wani gari na ƙasar Samariya, wanda ake kira Saikar, kusa da yankin ƙasar da Yakubu ya ba ɗansa Yusufu. Rijiyar Yakubu kuwa a nan take. Saboda gajiyar tafiya fa, sai Yesu ya zauna haka nan a bakin rijiyar. Wajen tsakar rana ce kuwa.
Sai ga wata Basamariya ta zo ɗiban ruwa. Yesu ya ce mata, “Sa mini ruwa in sha.” Almajiransa kuwa sun shiga gari sayen abinci. Sai Basamariyar ta ce masa, “Ƙaƙa kai Bayahude za ka roƙe ni ruwan sha, ni da nake Basamariya?” (Don Yahudawa ba sa cuɗanya da Samariyawa). Yesu ya amsa mata ya ce, “Da kin san kyautar Allah, da kuma wanda ya ce miki, ‘Sa mini ruwa in sha,’ ai, da kin roƙe shi, shi kuwa zai ba ki ruwan rai.” Sai matar ta ce masa, “Ya Shugaba, ai, ba ka da guga, rijiyar kuwa da zurfi. To, ina ka sami ruwan nan na rai? Ashe, ka fi ubanmu Yakubu ne, wanda ya bar mana rijiyar, har shi da kansa, da 'yayansa, da dabbobinsa, suka sha ruwanta?” Yesu ya amsa mata ya ce, “Duk mai shan ruwan nan zai sāke jin ƙishirwa. Amma duk wanda ya sha ruwan da zan ba shi, ba zai ƙara jin ƙishirwa ba har abada. Ruwan da zan ba shi kuwa zai zama maɓuɓɓuga a gare shi, yana ɓuɓɓugowa har ya zuwa rai madawwami.” Matar ta ce masa, “Ya Shugaba, ka ba ni ruwan nan, don kada in ƙara jin ƙishirwa, kada kuma in riƙa zuwa har nan in ɗiba.”
Sai Yesu ya ce mata, “Je ki, ku zo da mijinki.” Sai matar ta amsa ta ce, “Ai, ba ni da miji.” Yesu ya ce mata, “Gaskiyarki da kika ce ba ki da miji, don kin auri maza biyar, wanda kuke tare yanzu kuwa ba mijinki ba ne. A nan kam kin yi gaskiya.” Matar ta ce masa, “Ya Shugaba, na dai gane kai annabi ne. Kakanninmu sun yi sujada a dutsen nan. Ku kuwa kun ce a Urushalima ne wurin da ya wajaba a yi sujada yake.” Sai Yesu ya ce mata, “Uwargida, ki gaskata ni, lokaci na zuwa da ba za ku yi wa Uba sujada ba, ko a kan dutsen nan, ko a Urushalima, Ku kuna yi wa abin da ba ku sani ba sujada, mu kuwa muna yi wa abin da muka sani sujada, domin ceto ta hanyar Yahudawa yake. Amma lokaci na zuwa, har ma ya yi, da masu sujada na gaskiya za su yi wa Uba sujada a ruhu, da gaskiya kuma. Lalle kuwa irin waɗannan masu sujada ne Uba yake nema. Allah Ruhu ne, masu yi masa sujada kuwa lalle su yi masa sujada a ruhu, da gaskiya kuma.” Sai matar ta ce masa, “Na san Masihi yana zuwa, wanda ake kira Almasihu. Sa'ad da ya zo kuwa, zai sanar da mu kome.” Yesu ya ce mata, “Ni ne, ni mai maganan nan da yake.”
Nan take almajiransa suka dawo. Suka yi mamakin ganin yana magana da mace. Amma kuwa ba wanda ya ce, “Me kike bukata?” ko, “Don me kake magana da ita?” Sai matar ta bar tulunta, ta koma gari, ta ce wa mutane, “Ku zo, ku ga mutumin da ya gaya mini duk abin da na taɓa yi! Shin, ko wannan shi ne Almasihu?” Sai suka fito daga garin suka nufo shi.
Ana cikin haka sai almajiran suka roƙe shi suka ce, “Ya shugaba, ci abinci.” Amma ya ce musu, “Ina da abincin da ba ku sani ba.” Almajiran suka ce wa juna, “Shin, wani ya kawo masa abinci ne?” Sai Yesu ya ce musu, “Abincina shi ne in aikata nufin wanda ya aiko ni, in kuma cika aikinsa. Ba kuna cewa, kaka saura wata huɗu ba? Ina gaya muku fa, ku duba gonaki, ku gani, sun nuna sun isa girbi. Mai girbi na samun lada, yana kuma tara amfani zuwa rai madawwami, domin mai shuka da mai girbi su yi farin ciki tare. A nan kam, wannan karin maganar gaskiya ne cewa, ‘Wani da shuka, wani da girbi.’ Na aike ku girbin abin da ba ku yi wahalarsa ba. Waɗansu sun yi wahala, ku kuwa kun mori wahalarsu.”
Samariyawa da yawa na wannan gari suka gaskata da shi saboda maganar matan nan da ta ce, “Ya gaya mini duk abin da na taɓa yi.” Da Samariyawa suka iso wurinsa, suka roƙe shi ya sauka a wurinsu. Ya kuwa kwana biyu a nan. Waɗansu kumma da yawa fiye da na dā suka ba da gaskiya saboda magana tasa. Sa'an nan suka ce wa macen, “Yanzu kam, mun ba da gaskiya, ba don abin da kika faɗa kawai ba, domin mu ma mun ji da kanmu, mun kuma tabbata lalle wannan shi ne Mai Ceton duniya.”

Bayan kwana biyun nan sai ya tashi daga nan ya tafi ƙasar Galili. Domin Yesu kansa ya yi shaida cewa annabi ba shi da girma a ƙasarsu. Da ya isa ƙasar Galili, sai Galilawa suka yi na'am da shi, domin sun ga duk abin da ya yi a Urushalima a lokacin idi, domin su ma sun je idin.
Sai ya sāke zuwa Kana ta ƙasar Galili, inda ya mai da ruwa ruwan inabi. A Kafarnahum kuwa akwai wani bafada wanda ɗansa ba shi da lafiya. Da jin cewa Yesu ya fito ƙasar Yahudiya ya komo ƙasar Galili, sai ya tafi wurinsa, ya roƙe shi ya je ya warkar da ɗansa, don yana bakin mutuwa. Yesu ya ce masa, “In ba mu'ujizai da abubuwan al'ajabi kuka gani ba, ba yadda za a yi ku ba da gaskiya.” Sai bafadan nan ya ce masa, “Ya Shugaba, ka zo tun ƙaramin ɗana bai mutu ba.” Yesu ya ce masa, “Yi tafiyarka, ɗanka a raye yake.” Mutumin kuwa ya gaskata maganar da Yesu ya faɗa masa, ya yi tafiyarsa. Yana cikin tafiya sai ga barorinsa sun taryo shi, suka ce masa, “Ɗanka a raya yake.” Sai ya tambaye su ainihin lokacin da ya fara samun sauƙi. Suka ce masa, “Jiya da ƙarfe ɗaya na rana zazzaɓin ya sake shi.” Sai uban ya gane, daidai lokacin nan ne, Yesu ya ce masa, “Ɗanka a raye yake.” Shi da kansa kuwa ya ba da gaskiya, da jama'ar gidansa duka. Wannan kuwa ita ce mu'ujiza ta biyu da Yesu ya yi, bayan Komowarsa ƙasar Galili daga ƙasar Yahudiya.

Mihaino ny Yah 4