Gwahatike - 2000 Edition (NT)

<div class="version vid939 iso6393dah" data-vid="939" data-iso6393="dah">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Sipsipya doya&#331; almi&#331;ya</div><div class="p"> 1Be, Yesu go sopte gaha yinyi&#331;: &#8220;Fudinde wor po dine&#331; hime, al kura sipsip ni&#331; koya kirti&#331; goyen yamemde mat ma wa&#331; koya go nandu urde hurkuye&#331; al gobe kawe marya al gasa yirni&#331; yirni&#331; yirde detmi&#331; kawem yade ha&#331;yen marya geb. 2Goyenbe sipsip doya&#331; al wor pobe sipsip koya gote yamere mat wa&#331; hurkuye&#331;. 3Irkeb sipsip koya gote yame doya&#331; irde hi al goreb yame fegelde unye&#331;. Irkeb hurku&#331; sipsipmi&#331; goyen de&#331;e yurke tum&#331;a&#331; wakeb bul yirde si&#331;are yukuye&#331;. 4Be, sipsipmi&#331; yi&#331;ge&#331;de go po yade si&#331;are yuku&#331;be yi&#331;ge&#331; wa mehe&#331; he&#331; ku&#331; he&#331;ya mere yirde hiye&#331;. Irkeb melak nurde ha&#331;yen geb, ye&#331; po gama irnayi&#331;. 5Goyenbe al ti&#331;e&#331;be epte ma wor po gama irnayi&#331;. Fudinde, sipsip gobe al ti&#331;e&#331; gote melak ma nurde ha&#331;yen geb, kene&#331; yilwa irde busaharnayi&#331;,&#8221; yinyi&#331;.</div><div class="p"> 6Be, Yesube maya mere gwaha mat yiryi&#331; gega, sabami&#331; nurde hinhan marbe goke dine&#331; hi ye&#331; ma bebak tiyami&#331;. 7Ni&#331;geb Yesu gore sopte gaha yinyi&#331;: &#8220;Fudinde wor po dine&#331; hime, nebe sipsip ni&#331; koya kirti&#331; gote yame. 8Ni&#331;geb al kura asogo nirde ne&#331; wa ne&#331; wa te&#331; ha&#331;yen mar kuru&#331; gobe kawe marya al gasa yirni&#331; yirni&#331; yirde detmi&#331; kawem yade ha&#331;yen marya geb, sipsip gore meremi&#331; ma nurami&#331;. 9Nebe yame yara. Ni&#331;geb al kura ne hitte mat wa&#331; Al Kuru&#331; hire gor hurkuye&#331;be det kura bele&#331; epte ma bulu&#331; irye&#331;. Al gobe sipsip bele&#331; koya bi&#331;de hurku&#331; usa&#331; he&#331; si&#331;are kate&#331; yamu&#331; nene ha&#331;yen go gwahade goyen igi&#331; po hiye&#331;. 10Kawe albe sipsip kawe te&#331; gasa yirde bulu&#331; bulu&#331; yire&#331; ye&#331; wa&#331; hiyen. Goyenpoga nebe merene nurde ha&#331; mar gob Al Kuru&#331;ya hugi&#331;e&#331; he&#331; he&#331; goyen yune&#331;. Irkeb mel gobe Al Kuru&#331;ya hugi&#331;e&#331; hinayi&#331; goyenbe igi&#331; wor po hinayi&#331;.</div><div class="p"> 11&#8220;Be, nebe sipsip doya&#331; al igi&#331;. Sipsip doya&#331; al igi&#331;be sipsipmi&#331; ge te&#331; yi&#331;ge&#331; kamde kamde ni&#331; ma nurde hiyen. Igi&#331; kamye&#331;. 12Goyenbe al damu irke ga sipsip doya&#331; yirde hiye&#331; al gobe sipsip gote mi&#331; al mo&#331;. Ni&#331;geb kulu duwi kura wake kene&#331;be sipsip goyen gor po okohom yubul te&#331; busaharye&#331;. Irkeb kulu duwi bele&#331; sipsip goyen yisike burgagaw kernayi&#331;. 13Al gobe damu irke hora ni&#331; po nurde sipsip doya&#331; yirde hiye&#331; geb, sipsip goke ma nurde busaharye&#331;.</div><div class="p"> 14-15&#8220;Be, nebe sipsip doya&#331; al igi&#331;. Nanne bele&#331; nurd nune&#331; hi, irkeb ne wor nurd une&#331; hime. Gwahade goyen po, nebe sipsipne nurde yune&#331; hime, irke sipsipne wor nurd nune&#331; ha&#331;. Irde sipsipne&#331; te&#331; kame ye&#331;be igi&#331; kame&#331;. 16Nebe sipsipne hoya&#331; mana&#331; ha&#331;. Gobe koya bana gor ma ha&#331;. Goyenbe go mana&#331; yaware&#331;. Ye&#331; mana&#331; melakne nurnayi&#331;. Irde sipsip koya bana ha&#331; goya tum&#331;a&#331; hike doya&#331; yird yird al mana&#331; ne nu&#331;kure&#331; po he&#331;.</div><div class="p"> 17&#8220;Nebe kame sopte huware&#331; ye&#331; nurdeb Nanner alya bereya goke te&#331; kame&#331;. Ni&#331;geb Nannebe goke te&#331; ne gayen bubulku&#331;ne wor po ye&#331; nurde nune&#331; hi. 18Al kura bele&#331; tare&#331;mi&#331;de epte ma mununke kame&#331;. Nebe alya bereya goke kame ye&#331;be igi&#331; kame&#331;, irde sopte huware ye&#331;be igi&#331; huware&#331;. Go tiye&#331; gobe Adone bele&#331; gwaha tiyayi&#331; ninyi&#331; geb, gogo tiye&#331;,&#8221; yinyi&#331;.</div><div class="p"> 19Be, mere tiyyi&#331; goyen nurdeb Yuda mar bele&#331; sopte yi&#331;ge&#331; uli&#331; kadom moho&#331;de tiyami&#331;. 20Al budambe, &#8220;Al gabe u&#331;gura ketal urti&#331; geb, kukuwa wor po! Ni&#331;geb dani&#331; meremi&#331; nurde ha&#331;?&#8221; yami&#331;. 21Goyenbe kurabe, &#8220;Meremi&#331;be u&#331;gura ketal urti&#331; al bele&#331; mere titi&#331; yara mo&#331;. U&#331;gurabe al dili&#331; titmi&#331; igi&#331; sope irye&#331;? Epte mo&#331; geb,&#8221; yami&#331;.</div><div class="s">Yuda mar tum&#331;a&#331; Yesu asogo irami&#331;</div><div class="p"> 22Be, ku&#331; ku&#331; gabu nalu kuru&#331; kura &#8220;Ya Balem Al Kuru&#331; Untek&#8221; ine&#331; ha&#331;yen goyen Yerusalem forok yiri&#331;. Goyenterbe na&#331;a uysu&#331; wor po he&#331; he&#331; nalu.#10:22 Na&#331;a uysu&#331; wor po he&#331; he&#331; nalu gobe ais kate&#331; hiyen geb, anutayen mere matbe &#8220;winta&#8221; ye&#331; ha&#331;yen. 23Be, Yesube Al Kuru&#331;yen ya balem bana ya kawan yulya&#331;e&#331; kura Solomonyen Paranda ine&#331; ha&#331;yen bana goya&#331; ku&#331; hinhin. 24Irkeb Yuda mar bele&#331; wa&#331; Yesu kalya&#331; kerdeb, &#8220;Daha na&#331;a gab nebe al gwahade ye&#331; bebak dirkeb kukuwam&#331;e&#331; ma nurtek? Gebe Mesaia kenem bebak po dirayi&#331;,&#8221; inami&#331;.</div><div class="p"> 25Irkeb Yesu bele&#331; wol he&#331;be, &#8220;Nebe momo&#331; dirmi&#331; gega, merene goyen fudinde ye&#331; ma nurde ha&#331;. Mata ti&#331;e&#331; tur&#331;u&#331; ya&#331; ne bele&#331; Nanner sa&#331;i&#331;de forok yirde himyen goreb nebe al gwahade ye&#331; dikala dirde ha&#331;. 26Goyenbe de&#331;be nere sipsip mo&#331; geb, merene fudinde ye&#331; ma nurde ha&#331;. 27Nere sipsipbe melakne nurde gama nirde ha&#331;. Ne wor sipsip go nurd yune&#331; hime. 28Nebe Al Kuru&#331;ya hugi&#331;e&#331; he&#331; he&#331; goyen ye&#331; yune&#331; himyen. Ni&#331;geb go ma po bulu&#331; henayi&#331;. Irdeb al kura bele&#331; hanner mat epte ma sipsipne kura gora&#331; nirye&#331;. 29Nanne bele&#331; alya bereyami&#331; sipsip yara goyen ne nunti&#331;. Ye&#331;be tare&#331;mi&#331; kuru&#331; wor po. Ni&#331;geb sipsip goyen ye&#331; doya&#331; yirde hiye&#331;de mat epte ma al kura bele&#331; gora&#331; yirye&#331;. 30Neya Adoneyabe u&#331;kure&#331; po geb,&#8221; yinyi&#331;.</div><div class="p"> 31Be, Yesu bele&#331; gwaha yinkeb mel gore sopte hora yadeb mayni&#331; tiyami&#331;. 32Goyenbe Yesu bele&#331; yinyi&#331;. &#8220;Nebe mete&#331; igi&#331; wor po forok yirde dune&#331; himyen. Gega mete&#331; igi&#331; dami&#331; goyen goke igi&#331; ma nurde mununni&#331; te&#331; ha&#331;?&#8221; yinyi&#331;.</div><div class="p"> 33Irkeb mel gore wol he&#331;be, &#8220;Ne&#331;be mata ti&#331;e&#331; forok yirde hayen goyen goke ma mugunni&#331; te&#331; hite. Goyenbe gebe al ne&#331; yara po gore, &#8216;Nebe Al Kuru&#331;,&#8217; ye&#331; ha gobe Al Kuru&#331; sukal irde ha geb, goke mugunni&#331; te&#331; hite,&#8221; inami&#331;.</div><div class="p"> 34Irkeb wol he&#331;be, &#8220;Dende sabarebe Al Kuru&#331; bele&#331; Israel marte doya&#331; mar kura turu&#331; yirdeb, &#8216;De&#331;be nige&#331; yara,&#8217; gwaha yiti&#331; goyen kapya&#331; ma he&#331; ha&#331;yen? 35Al Kuru&#331; bele&#331; meremi&#331; yunyi&#331; mar goyen, &#8216;De&#331;be nige&#331; yara,&#8217; yinyi&#331;. Al Kuru&#331;yen asa&#331;de ni&#331; merebe fudinde wor po epte ma usi yetek. 36Nebe Adone bele&#331; basi&#331;a nirde nad nerke megen gar wamiri&#331;. Ni&#331;geb nebe Israel marte doya&#331; mar kura Al Kuru&#331; bele&#331;, &#8216;De&#331;be nige&#331; yara,&#8217; yinyi&#331; mar gote folek. Gega dahade ni&#331;geb nebe Al Kuru&#331; Urmi&#331; yemekeb de&#331; bele&#331; Al Kuru&#331; sukal irha ninha&#331;? 37Ne bele&#331; Adoner mete&#331; ma te&#331; himeke nene&#331;be dufayti&#331; ne ni&#331; tare&#331; ma irnayi&#331;. 38Goyenbe gwaha te&#331; hime kenem ne ni&#331; hekke&#331; nurnayi&#331;. Gega gwaha te&#331; te&#331;mi&#331; mete&#331;e&#331; kenem mata ti&#331;e&#331; tur&#331;u&#331; ya&#331; forok yirde himyen go po yene&#331;be fudinde ye&#331; nurnayi&#331;. Gogab Adonebe neya hike, nebe ye&#331;ya har goyen bebak tinayi&#331;. Irde ye&#331;ya neyabe u&#331;kure&#331; po ye&#331; nurnayi&#331;,&#8221; yinyi&#331;. 39Be, meremi&#331; goke mel gore sopte te&#331; mayni&#331; tiyami&#331;. Gega isal po uryi&#331;.</div><div class="p"> 40Be, gor matbe Yodan fe si&#331;a kurhan ha&#331;kapya Yon bele&#331; al baptais yirde hinhin bele&#331; go&#331; kuri&#331;. Irdeb go&#331; hinhin. 41Irkeb al budam ye&#331; hitte wayami&#331;. Irdeb, &#8220;Yonbe mata ti&#331;e&#331; tur&#331;u&#331; ya&#331; kurayen kurayen ma forok yiryi&#331;. Goyenbe ye&#331; bele&#331; al gake tagalde hinhin gobe fudinde wor po,&#8221; yami&#331;. 42Irdeb go gasu&#331;de gorbe al budam ye&#331; ge dufaymi&#331; sa&#331;i&#331; irami&#331;.</div>
 </div>
 </div>
</div>

Be, Yesu go sopte gaha yinyiŋ: “Fudinde wor po dineŋ hime, al kura sipsip niŋ koya kirtiŋ goyen yamemde mat ma waŋ koya go nandu urde hurkuyeŋ al gobe kawe marya al gasa yirniŋ yirniŋ yirde detmiŋ kawem yade haŋyen marya geb. Goyenbe sipsip doyaŋ al wor pobe sipsip koya gote yamere mat waŋ hurkuyeŋ. Irkeb sipsip koya gote yame doyaŋ irde hi al goreb yame fegelde unyeŋ. Irkeb hurkuŋ sipsipmiŋ goyen deŋe yurke tumŋaŋ wakeb bul yirde siŋare yukuyeŋ. Be, sipsipmiŋ yiŋgeŋde go po yade siŋare yukuŋbe yiŋgeŋ wa meheŋ heŋ kuŋ heŋya mere yirde hiyeŋ. Irkeb melak nurde haŋyen geb, yeŋ po gama irnayiŋ. Goyenbe al tiŋeŋbe epte ma wor po gama irnayiŋ. Fudinde, sipsip gobe al tiŋeŋ gote melak ma nurde haŋyen geb, keneŋ yilwa irde busaharnayiŋ,” yinyiŋ.
Be, Yesube maya mere gwaha mat yiryiŋ gega, sabamiŋ nurde hinhan marbe goke dineŋ hi yeŋ ma bebak tiyamiŋ. Niŋgeb Yesu gore sopte gaha yinyiŋ: “Fudinde wor po dineŋ hime, nebe sipsip niŋ koya kirtiŋ gote yame. Niŋgeb al kura asogo nirde neŋ wa neŋ wa teŋ haŋyen mar kuruŋ gobe kawe marya al gasa yirniŋ yirniŋ yirde detmiŋ kawem yade haŋyen marya geb, sipsip gore meremiŋ ma nuramiŋ. Nebe yame yara. Niŋgeb al kura ne hitte mat waŋ Al Kuruŋ hire gor hurkuyeŋbe det kura beleŋ epte ma buluŋ iryeŋ. Al gobe sipsip beleŋ koya biŋde hurkuŋ usaŋ heŋ siŋare kateŋ yamuŋ nene haŋyen go gwahade goyen igiŋ po hiyeŋ. Kawe albe sipsip kawe teŋ gasa yirde buluŋ buluŋ yireŋ yeŋ waŋ hiyen. Goyenpoga nebe merene nurde haŋ mar gob Al Kuruŋya hugiŋeŋ heŋ heŋ goyen yuneŋ. Irkeb mel gobe Al Kuruŋya hugiŋeŋ hinayiŋ goyenbe igiŋ wor po hinayiŋ.
“Be, nebe sipsip doyaŋ al igiŋ. Sipsip doyaŋ al igiŋbe sipsipmiŋ ge teŋ yiŋgeŋ kamde kamde niŋ ma nurde hiyen. Igiŋ kamyeŋ. Goyenbe al damu irke ga sipsip doyaŋ yirde hiyeŋ al gobe sipsip gote miŋ al moŋ. Niŋgeb kulu duwi kura wake keneŋbe sipsip goyen gor po okohom yubul teŋ busaharyeŋ. Irkeb kulu duwi beleŋ sipsip goyen yisike burgagaw kernayiŋ. Al gobe damu irke hora niŋ po nurde sipsip doyaŋ yirde hiyeŋ geb, sipsip goke ma nurde busaharyeŋ.
“Be, nebe sipsip doyaŋ al igiŋ. Nanne beleŋ nurd nuneŋ hi, irkeb ne wor nurd uneŋ hime. Gwahade goyen po, nebe sipsipne nurde yuneŋ hime, irke sipsipne wor nurd nuneŋ haŋ. Irde sipsipneŋ teŋ kame yeŋbe igiŋ kameŋ. Nebe sipsipne hoyaŋ manaŋ haŋ. Gobe koya bana gor ma haŋ. Goyenbe go manaŋ yawareŋ. Yeŋ manaŋ melakne nurnayiŋ. Irde sipsip koya bana haŋ goya tumŋaŋ hike doyaŋ yird yird al manaŋ ne nuŋkureŋ po heŋ.
“Nebe kame sopte huwareŋ yeŋ nurdeb Nanner alya bereya goke teŋ kameŋ. Niŋgeb Nannebe goke teŋ ne gayen bubulkuŋne wor po yeŋ nurde nuneŋ hi. Al kura beleŋ tareŋmiŋde epte ma mununke kameŋ. Nebe alya bereya goke kame yeŋbe igiŋ kameŋ, irde sopte huware yeŋbe igiŋ huwareŋ. Go tiyeŋ gobe Adone beleŋ gwaha tiyayiŋ ninyiŋ geb, gogo tiyeŋ,” yinyiŋ.
Be, mere tiyyiŋ goyen nurdeb Yuda mar beleŋ sopte yiŋgeŋ uliŋ kadom mohoŋde tiyamiŋ. Al budambe, “Al gabe uŋgura ketal urtiŋ geb, kukuwa wor po! Niŋgeb daniŋ meremiŋ nurde haŋ?” yamiŋ. Goyenbe kurabe, “Meremiŋbe uŋgura ketal urtiŋ al beleŋ mere titiŋ yara moŋ. Uŋgurabe al diliŋ titmiŋ igiŋ sope iryeŋ? Epte moŋ geb,” yamiŋ.

Be, kuŋ kuŋ gabu nalu kuruŋ kura “Ya Balem Al Kuruŋ Untek” ineŋ haŋyen goyen Yerusalem forok yiriŋ. Goyenterbe naŋa uysuŋ wor po heŋ heŋ nalu. Be, Yesube Al Kuruŋyen ya balem bana ya kawan yulyaŋeŋ kura Solomonyen Paranda ineŋ haŋyen bana goyaŋ kuŋ hinhin. Irkeb Yuda mar beleŋ waŋ Yesu kalyaŋ kerdeb, “Daha naŋa gab nebe al gwahade yeŋ bebak dirkeb kukuwamŋeŋ ma nurtek? Gebe Mesaia kenem bebak po dirayiŋ,” inamiŋ.
Irkeb Yesu beleŋ wol heŋbe, “Nebe momoŋ dirmiŋ gega, merene goyen fudinde yeŋ ma nurde haŋ. Mata tiŋeŋ turŋuŋ yaŋ ne beleŋ Nanner saŋiŋde forok yirde himyen goreb nebe al gwahade yeŋ dikala dirde haŋ. Goyenbe deŋbe nere sipsip moŋ geb, merene fudinde yeŋ ma nurde haŋ. Nere sipsipbe melakne nurde gama nirde haŋ. Ne wor sipsip go nurd yuneŋ hime. Nebe Al Kuruŋya hugiŋeŋ heŋ heŋ goyen yeŋ yuneŋ himyen. Niŋgeb go ma po buluŋ henayiŋ. Irdeb al kura beleŋ hanner mat epte ma sipsipne kura goraŋ niryeŋ. Nanne beleŋ alya bereyamiŋ sipsip yara goyen ne nuntiŋ. Yeŋbe tareŋmiŋ kuruŋ wor po. Niŋgeb sipsip goyen yeŋ doyaŋ yirde hiyeŋde mat epte ma al kura beleŋ goraŋ yiryeŋ. Neya Adoneyabe uŋkureŋ po geb,” yinyiŋ.
Be, Yesu beleŋ gwaha yinkeb mel gore sopte hora yadeb mayniŋ tiyamiŋ. Goyenbe Yesu beleŋ yinyiŋ. “Nebe meteŋ igiŋ wor po forok yirde duneŋ himyen. Gega meteŋ igiŋ damiŋ goyen goke igiŋ ma nurde mununniŋ teŋ haŋ?” yinyiŋ.
Irkeb mel gore wol heŋbe, “Neŋbe mata tiŋeŋ forok yirde hayen goyen goke ma mugunniŋ teŋ hite. Goyenbe gebe al neŋ yara po gore, ‘Nebe Al Kuruŋ,’ yeŋ ha gobe Al Kuruŋ sukal irde ha geb, goke mugunniŋ teŋ hite,” inamiŋ.
Irkeb wol heŋbe, “Dende sabarebe Al Kuruŋ beleŋ Israel marte doyaŋ mar kura turuŋ yirdeb, ‘Deŋbe nigeŋ yara,’ gwaha yitiŋ goyen kapyaŋ ma heŋ haŋyen? Al Kuruŋ beleŋ meremiŋ yunyiŋ mar goyen, ‘Deŋbe nigeŋ yara,’ yinyiŋ. Al Kuruŋyen asaŋde niŋ merebe fudinde wor po epte ma usi yetek. Nebe Adone beleŋ basiŋa nirde nad nerke megen gar wamiriŋ. Niŋgeb nebe Israel marte doyaŋ mar kura Al Kuruŋ beleŋ, ‘Deŋbe nigeŋ yara,’ yinyiŋ mar gote folek. Gega dahade niŋgeb nebe Al Kuruŋ Urmiŋ yemekeb deŋ beleŋ Al Kuruŋ sukal irha ninhaŋ? Ne beleŋ Adoner meteŋ ma teŋ himeke neneŋbe dufaytiŋ ne niŋ tareŋ ma irnayiŋ. Goyenbe gwaha teŋ hime kenem ne niŋ hekkeŋ nurnayiŋ. Gega gwaha teŋ teŋmiŋ meteŋeŋ kenem mata tiŋeŋ turŋuŋ yaŋ forok yirde himyen go po yeneŋbe fudinde yeŋ nurnayiŋ. Gogab Adonebe neya hike, nebe yeŋya har goyen bebak tinayiŋ. Irde yeŋya neyabe uŋkureŋ po yeŋ nurnayiŋ,” yinyiŋ. Be, meremiŋ goke mel gore sopte teŋ mayniŋ tiyamiŋ. Gega isal po uryiŋ.
Be, gor matbe Yodan fe siŋa kurhan haŋkapya Yon beleŋ al baptais yirde hinhin beleŋ goŋ kuriŋ. Irdeb goŋ hinhin. Irkeb al budam yeŋ hitte wayamiŋ. Irdeb, “Yonbe mata tiŋeŋ turŋuŋ yaŋ kurayen kurayen ma forok yiryiŋ. Goyenbe yeŋ beleŋ al gake tagalde hinhin gobe fudinde wor po,” yamiŋ. Irdeb go gasuŋde gorbe al budam yeŋ ge dufaymiŋ saŋiŋ iramiŋ.

Mihaino ny Yon 10