Halia - 2020 WBT (NT) Non Drama

<div class="version vid955 iso6393hla" data-vid="955" data-iso6393="hla">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">A nimate tere Lasarus</div><div class="p"> 1A t&#246;a katuun a solonen e Lasarus e siki. Nonei e kaia tara taun i Betani ti ka has ia u hahinanen ere Marta mere Maria. 2E Maria nonei a tahol te tsu nama u uapi u soksoka i mouna e Iesu me sahe nei a hulunen a man mounen. E Lasarus e siki koru. 3Ba u mun toulana e hala nelila u raranga tere Iesu me poeier, &#8220;O Tsunono, a katuun te ngil korue m&#246;l&#246; e ka mena a siki pan koru.&#8221; 4Kaba p&#246;ata te hengoeia e Iesu u ranga teka, ba nonei e poeiena, &#8220;A siki teka ema kato hamate nit&#246;a nanoi e Lasarus. E Lasarus e siki silena tego solo sei menaien a solona e Sunahan ba Pien tere Sunahan te tatei solo sei sila has naroa i tanen.&#8221; 5E Iesu e ngil koru e Marta mere toulanen ne Lasarus has. 6Kaba p&#246;ata te hengo naien e Lasarus e ka mei a siki, ba nonei e ka lelena u huol u lan tara han te kaien. 7Ba i murinen ba nonei e t&#246;an poeiena turu katunun tsitsilo i tanen, &#8220;Aragi la pouts i Judia.&#8221; 8Ba u katunun tsitsilo i tanen e poeier, &#8220;Tson Hihatuts, ema lehana nei ti katsin titi hate mal&#246; u Jiu, ba l&#246; te ngilin la pouts lel uam nonei tara han teka?&#8221; 9Be Iesu e poeiena, &#8220;A lan e ka mena u ualesala te taniana tara bongbong batena antunana tara lahi. U katuun te tataala mer a lan ema antunan tutu ranoui, taraha nori e tareier u alesalana tara han. 10Kaba u katuun te hula la mer a bong e tutu ranou, taraha u alesala ema ka gono mera neien.&#8221;</div><div class="p"> 11Be Iesu e ranga lenina me poeiena, &#8220;A hahikapien i tarara e Lasarus e sohona, kaba alia ena gule poutse goen.&#8221; 12Ba u katunun tsitsilo e poeier, &#8220;O Tsunono, te soho nen nonei e niga pouts nou.&#8221; 13E Iesu e haharuein a tou mate i tanen, kaba u katunun tsitsilo i tanen i pei e Lasarus e soho tuun. 14Be Iesu e hatei haniga pouts ranen, &#8220;e Lasarus e mate.&#8221; 15Ba nonei e poeiena, &#8220;E niga koruna tuma ka uai lia te mateien ba limiou tena tare mou a ka tena katoe goulia, ba limiou te t&#246;an hamana mou. La tala mou i tanen.&#8221; 16Be Tomas ti ng&#246; hasei e Didimus e poeiena tara palair u katunun tsitsilo, &#8220;La mou aragi la, bara tena mate gono merouen.&#8221;</div><div class="s">E Iesu e hatakei pouts rena u katuun me hala raneien a nit&#246;at&#246;a</div><div class="p"> 17E Iesu emi hengo naia te ka hakapa mei e Lasarus u tohats u lan iahana kiou tara p&#246;ata te tukuien i rehina taun i Betani. 18Betani e sukusukuna i Jerusalem, e antunana tara topisa puku a kilomita. 19A para a katuun turu Jiu i lama memi ka gono mer ere Marta mere Maria te mate uu e hahinaren e Lasarus. 20P&#246;ata te hengo naia e Marta te lauama e Iesu, ba nonei ena tare nen, kaba e Maria e kaka ma i han. 21Be Marta e poeiena tere Iesu, &#8220;O Tsunono, sanena l&#246; tu kaia teka, e hahinar sanena ema antunan mate ii! 22Kaba eni noahas alia e atei silegu e Sunahan e tatei hale noi l&#246; a ka te rangata sile m&#246;l&#246; i tanen.&#8221; 23Be Iesu e poeiena i tanen, &#8220;E hahinam&#246;l&#246; e takei pouts nou.&#8221; 24Be Marta e poeiena i tanen, &#8220;Alia e atei silegu nonei e takei pouts noa romana tara tou mate i tanen tara kapakapana p&#246;ata, tara p&#246;ata te hatakei pouts rena romana e Sunahan u mate hoboto.&#8221; 25Be Iesu e poeiena i tanen, &#8220;Alia nonei a nitakei pouts turu katuun na nit&#246;at&#246;a. Esi te hamana uana i tar, noahasina te mate uaren romana, kaba nori ena t&#246;at&#246;a pouts has riou romana. 26Na u katuun te t&#246;at&#246;ar bate hamana uar i tar, ema antunan mate roi romana. Al&#246; e hamanem u ranga teka?&#8221; 27Be Marta e poeiena i tanen, &#8220;Aa, o Tsunono. Alia e hamanegou l&#246; e Mesaia, a Pien tere Sunahan, a katuun tega lauama i puta.&#8221;</div><div class="s">E Iesu e tabena</div><div class="p"> 28E Marta e mar ranga hakapa uu teka ba nonei e la poutsuna mena ng&#246;ena e toulanen e Maria me hahasi menen me poeiena, &#8220;A Tson Hihatuts e kana, nonei e ng&#246;e noul&#246;.&#8221; 29P&#246;ata te hengoeia e Maria u ranga teka ba nonei e hasesei sil tunena tegona tara menaien e Iesu. 30E Iesu ema butu noaia tara han tere Maria kaba nonei e ka noaia tara makum tena tareien e Marta. 31U Jiu ti ka gono mei e Maria te taatagi ien kaba nori i tari te lakasa hasesei uu e Maria ba nori e kukutie ren, taraha nori i pei nonei e lau tara kioun mate tegona tabe uaien. 32P&#246;ata te tukuia e Maria te kaia e Iesu me tare nen ba nonei e hatukun na i matanen me poeiena, &#8220;O Tsunono, sanena l&#246; tu kaia teka, e hahinar sanena ema antunan mate ii!&#8221; 33P&#246;ata te tareia e Iesu te tabe uu e Maria na ti tabe has uu Jiu ti la gono has memen, ba nonei e sagohena a nitaatagi pan koru i torinen. 34Be Iesu e poeiena, &#8220;Ime ti hongeien?&#8221; Ba nori e poeier i tanen, &#8220;O Tsunono, lama. Mi tara.&#8221; 35Be Iesu e tabe hasina. 36Ba u Jiu e poeier, &#8220;Taraiam, nonei e ngil korui e Lasarus.&#8221; 37Kaba palai i pei, &#8220;E hana ba katuun te kato hakalata poutsi a matakiou tema antunana hapiou nanei a tou mate tara katuun teka?&#8221;</div><div class="s">E Iesu e hatakei poutsi e Lasarus tara tou mate i tanen</div><div class="p"> 38E Iesu e sagoho leli a nitaatagi pan i torinen ba nonei e la uana tara kiou. A kioun mate teka i kuieia turu lapo na a hatu pan i halakopo kap nai a matana kiou. 39Be Iesu e poeiena, &#8220;Luba naiam a hatu!&#8221; Be Marta e hahinana a katuun te mate e poeiena i tanen, &#8220;O Tsunono, nonei e soka hamanasa talana, taraha u tohats u lan e la hakapa te ka nen tara kiou.&#8221; 40Be Iesu e poeiena i tanen, &#8220;Alia e hatei hakape g&#246;lo l&#246;, te hamana mia l&#246; i tar, bal&#246; te tare mou a nitagala pan tere Sunahan.&#8221; 41Ba nori e luba ner a hatu. Be Iesu e tara seina me poeiena, &#8220;O Tamar, alia e haniga uagu i tam&#246;l&#246; te hengo mena mil&#246; alia. 42Na lia e atei silegu al&#246; e roron hengoe moulia, kaba lia e mar ranga uagu teka i matar u katuun te ka ria teka, ba nori te tatei hamaner tu hala mena mei l&#246; alia.&#8221; 43P&#246;ata te ranga hakapa uen teka ba nonei e ku hapanina me poeiena, &#8220;O Lasarus, lakasama!&#8221; 44Ba katuun a mate e lakasa nama tara kiou. A limanen na mounen i pilei u labalaba ti kiis kaakati na bakunen i pitsei u labalaba. Be Iesu e poeiena i taren, &#8220;Purese iam, ba nonei te lana!&#8221;</div><div class="s">A pal kapan i korupak&#246;ni e Iesu</div><div class="r">(Matiu 26:1-5, Mak 14:1-2, Luk 22:1-2)</div><div class="p"> 45U katuun u parpara turu Jiu ti la gono mema e Maria i tari a ka te kati e Iesu, ba nori e hamana sok&#246;u ria i tanen. 46Kaba palair u Jiu teka i la uu turu Parasi mena hatei rarien a ka te kati e Iesu. 47Ba u Pris pan na u Parasi e ng&#246; g&#246;gono rer a pal kapan turu Kout Pan turu Jiu ba nori e poeier, &#8220;Aha te katoe rou ra? A katuun teka e katoena a man hihar&#246;to a man para! 48Tema hapiou naroien ra, ba u katuun hoboto te hamana uariou i tanen. Ba u ami ri Rom temi kato homie riou a Luman Lotu Pan i tarara na u han hoboto i tarara!&#8221; 49Kaba a t&#246;a i taren, e Kaiapas a tsunono pan turu pris nonei turu hiningal teka e poeiena i taren, &#8220;Alimiou ema atei silemi ta ka! 50Alimiou ema lu halesale mi a ka teka, e niga bala nena tego mate sil mei ta t&#246;a ta katuun u katuun hoboto. Alimiou goma hatangana nami a han hoboto i tarara gi kato tie.&#8221; 51Kaba u ranga teka ema lameia i tanen. E m&#246;a. Nonei a tsunono pan turu pris, kaba ema atei silei nonei e hatei mamin tegona mate sil menai e Iesu u Jiu. 52Kaba e Iesu ema mate sil peisa ranoui u Jiu, nonei e mate sil hase nou tego gono meraien a galapien tere Sunahan te ka kalakala ria tara mamana han ba nori te katoe riou a t&#246;a hun katuun. 53Turu lan has teka ba pal kapan e tanian korupak&#246; ner e Iesu.</div><div class="p"> 54I markato tala uu teka, be Iesu ema hula la lel neia i matar u Jiu i Judia. Kaba nonei e la uu tara t&#246;a han i rehina a makum a palaka, ba nonei ena ka gono meraiena u katunun tsitsilo i tanen tara taun ti ng&#246;ei Ipraim. 55A kannouna turu Paska turu Jiu e sukusuku hakapa, ba u katuun u parpara turu han i lehana e la uaruma i Jerusalem. Taraha, nori i ngilin hagogosi a peisaren tara Lo turu Jiu i mamima a kannouna turu Paska. 56U katuun i sake lan e Iesu ti tuol ien tara Luman Lotu Pan me poeier, &#8220;Alimiou e pei miou aha? E Iesu ena la has nama romana tara kannou?&#8221; 57U Pris pan na u Parasi i hatataali u raranga u tagala koru te poei, &#8220;A katuun te atei silena te kana e Iesu ega hatei railam ba lam tena lue men.&#8221;</div>
 </div>
 </div>
</div>

A töa katuun a solonen e Lasarus e siki. Nonei e kaia tara taun i Betani ti ka has ia u hahinanen ere Marta mere Maria. E Maria nonei a tahol te tsu nama u uapi u soksoka i mouna e Iesu me sahe nei a hulunen a man mounen. E Lasarus e siki koru. Ba u mun toulana e hala nelila u raranga tere Iesu me poeier, “O Tsunono, a katuun te ngil korue mölö e ka mena a siki pan koru.” Kaba pöata te hengoeia e Iesu u ranga teka, ba nonei e poeiena, “A siki teka ema kato hamate nitöa nanoi e Lasarus. E Lasarus e siki silena tego solo sei menaien a solona e Sunahan ba Pien tere Sunahan te tatei solo sei sila has naroa i tanen.” E Iesu e ngil koru e Marta mere toulanen ne Lasarus has. Kaba pöata te hengo naien e Lasarus e ka mei a siki, ba nonei e ka lelena u huol u lan tara han te kaien. Ba i murinen ba nonei e töan poeiena turu katunun tsitsilo i tanen, “Aragi la pouts i Judia.” Ba u katunun tsitsilo i tanen e poeier, “Tson Hihatuts, ema lehana nei ti katsin titi hate malö u Jiu, ba lö te ngilin la pouts lel uam nonei tara han teka?” Be Iesu e poeiena, “A lan e ka mena u ualesala te taniana tara bongbong batena antunana tara lahi. U katuun te tataala mer a lan ema antunan tutu ranoui, taraha nori e tareier u alesalana tara han. Kaba u katuun te hula la mer a bong e tutu ranou, taraha u alesala ema ka gono mera neien.”
Be Iesu e ranga lenina me poeiena, “A hahikapien i tarara e Lasarus e sohona, kaba alia ena gule poutse goen.” Ba u katunun tsitsilo e poeier, “O Tsunono, te soho nen nonei e niga pouts nou.” E Iesu e haharuein a tou mate i tanen, kaba u katunun tsitsilo i tanen i pei e Lasarus e soho tuun. Be Iesu e hatei haniga pouts ranen, “e Lasarus e mate.” Ba nonei e poeiena, “E niga koruna tuma ka uai lia te mateien ba limiou tena tare mou a ka tena katoe goulia, ba limiou te töan hamana mou. La tala mou i tanen.” Be Tomas ti ngö hasei e Didimus e poeiena tara palair u katunun tsitsilo, “La mou aragi la, bara tena mate gono merouen.”

E Iesu emi hengo naia te ka hakapa mei e Lasarus u tohats u lan iahana kiou tara pöata te tukuien i rehina taun i Betani. Betani e sukusukuna i Jerusalem, e antunana tara topisa puku a kilomita. A para a katuun turu Jiu i lama memi ka gono mer ere Marta mere Maria te mate uu e hahinaren e Lasarus. Pöata te hengo naia e Marta te lauama e Iesu, ba nonei ena tare nen, kaba e Maria e kaka ma i han. Be Marta e poeiena tere Iesu, “O Tsunono, sanena lö tu kaia teka, e hahinar sanena ema antunan mate ii! Kaba eni noahas alia e atei silegu e Sunahan e tatei hale noi lö a ka te rangata sile mölö i tanen.” Be Iesu e poeiena i tanen, “E hahinamölö e takei pouts nou.” Be Marta e poeiena i tanen, “Alia e atei silegu nonei e takei pouts noa romana tara tou mate i tanen tara kapakapana pöata, tara pöata te hatakei pouts rena romana e Sunahan u mate hoboto.” Be Iesu e poeiena i tanen, “Alia nonei a nitakei pouts turu katuun na nitöatöa. Esi te hamana uana i tar, noahasina te mate uaren romana, kaba nori ena töatöa pouts has riou romana. Na u katuun te töatöar bate hamana uar i tar, ema antunan mate roi romana. Alö e hamanem u ranga teka?” Be Marta e poeiena i tanen, “Aa, o Tsunono. Alia e hamanegou lö e Mesaia, a Pien tere Sunahan, a katuun tega lauama i puta.”

E Marta e mar ranga hakapa uu teka ba nonei e la poutsuna mena ngöena e toulanen e Maria me hahasi menen me poeiena, “A Tson Hihatuts e kana, nonei e ngöe noulö.” Pöata te hengoeia e Maria u ranga teka ba nonei e hasesei sil tunena tegona tara menaien e Iesu. E Iesu ema butu noaia tara han tere Maria kaba nonei e ka noaia tara makum tena tareien e Marta. U Jiu ti ka gono mei e Maria te taatagi ien kaba nori i tari te lakasa hasesei uu e Maria ba nori e kukutie ren, taraha nori i pei nonei e lau tara kioun mate tegona tabe uaien. Pöata te tukuia e Maria te kaia e Iesu me tare nen ba nonei e hatukun na i matanen me poeiena, “O Tsunono, sanena lö tu kaia teka, e hahinar sanena ema antunan mate ii!” Pöata te tareia e Iesu te tabe uu e Maria na ti tabe has uu Jiu ti la gono has memen, ba nonei e sagohena a nitaatagi pan koru i torinen. Be Iesu e poeiena, “Ime ti hongeien?” Ba nori e poeier i tanen, “O Tsunono, lama. Mi tara.” Be Iesu e tabe hasina. Ba u Jiu e poeier, “Taraiam, nonei e ngil korui e Lasarus.” Kaba palai i pei, “E hana ba katuun te kato hakalata poutsi a matakiou tema antunana hapiou nanei a tou mate tara katuun teka?”

E Iesu e sagoho leli a nitaatagi pan i torinen ba nonei e la uana tara kiou. A kioun mate teka i kuieia turu lapo na a hatu pan i halakopo kap nai a matana kiou. Be Iesu e poeiena, “Luba naiam a hatu!” Be Marta e hahinana a katuun te mate e poeiena i tanen, “O Tsunono, nonei e soka hamanasa talana, taraha u tohats u lan e la hakapa te ka nen tara kiou.” Be Iesu e poeiena i tanen, “Alia e hatei hakape gölo lö, te hamana mia lö i tar, balö te tare mou a nitagala pan tere Sunahan.” Ba nori e luba ner a hatu. Be Iesu e tara seina me poeiena, “O Tamar, alia e haniga uagu i tamölö te hengo mena milö alia. Na lia e atei silegu alö e roron hengoe moulia, kaba lia e mar ranga uagu teka i matar u katuun te ka ria teka, ba nori te tatei hamaner tu hala mena mei lö alia.” Pöata te ranga hakapa uen teka ba nonei e ku hapanina me poeiena, “O Lasarus, lakasama!” Ba katuun a mate e lakasa nama tara kiou. A limanen na mounen i pilei u labalaba ti kiis kaakati na bakunen i pitsei u labalaba. Be Iesu e poeiena i taren, “Purese iam, ba nonei te lana!”


U katuun u parpara turu Jiu ti la gono mema e Maria i tari a ka te kati e Iesu, ba nori e hamana soköu ria i tanen. Kaba palair u Jiu teka i la uu turu Parasi mena hatei rarien a ka te kati e Iesu. Ba u Pris pan na u Parasi e ngö gögono rer a pal kapan turu Kout Pan turu Jiu ba nori e poeier, “Aha te katoe rou ra? A katuun teka e katoena a man hiharöto a man para! Tema hapiou naroien ra, ba u katuun hoboto te hamana uariou i tanen. Ba u ami ri Rom temi kato homie riou a Luman Lotu Pan i tarara na u han hoboto i tarara!” Kaba a töa i taren, e Kaiapas a tsunono pan turu pris nonei turu hiningal teka e poeiena i taren, “Alimiou ema atei silemi ta ka! Alimiou ema lu halesale mi a ka teka, e niga bala nena tego mate sil mei ta töa ta katuun u katuun hoboto. Alimiou goma hatangana nami a han hoboto i tarara gi kato tie.” Kaba u ranga teka ema lameia i tanen. E möa. Nonei a tsunono pan turu pris, kaba ema atei silei nonei e hatei mamin tegona mate sil menai e Iesu u Jiu. Kaba e Iesu ema mate sil peisa ranoui u Jiu, nonei e mate sil hase nou tego gono meraien a galapien tere Sunahan te ka kalakala ria tara mamana han ba nori te katoe riou a töa hun katuun. Turu lan has teka ba pal kapan e tanian korupakö ner e Iesu.
I markato tala uu teka, be Iesu ema hula la lel neia i matar u Jiu i Judia. Kaba nonei e la uu tara töa han i rehina a makum a palaka, ba nonei ena ka gono meraiena u katunun tsitsilo i tanen tara taun ti ngöei Ipraim. A kannouna turu Paska turu Jiu e sukusuku hakapa, ba u katuun u parpara turu han i lehana e la uaruma i Jerusalem. Taraha, nori i ngilin hagogosi a peisaren tara Lo turu Jiu i mamima a kannouna turu Paska. U katuun i sake lan e Iesu ti tuol ien tara Luman Lotu Pan me poeier, “Alimiou e pei miou aha? E Iesu ena la has nama romana tara kannou?” U Pris pan na u Parasi i hatataali u raranga u tagala koru te poei, “A katuun te atei silena te kana e Iesu ega hatei railam ba lam tena lue men.”

Mihaino ny Jon 11