Andinin-tSoratra Masina malaza indrindra nalaina tao amin'ny SAN LUCAS 12

Hizara

To bairona yʉ quenare, “To ca-paʉ majuu tunu ejagʉmi jã Ʉpaʉ,” mʉja ĩi majiquetigarã. To bairi caroaro yʉ ca-tunu atípere tʉgooñarã caroaro yʉ ca-boorije jetore áticõa aninucuña, na ca-ĩiñupʉ Jesú.

To bairi Dio ye macare tʉgooña nʉcʉbʉgo netoña, ati yepa macaje apeye unie macare boo neto tʉgooñaquẽnana. To bairo mʉja ca-bairo mʉja joonemogʉmi Dio ati yepa macaje mʉja ca-boo rʉjarijere, ca-ĩi buioyupʉ Jesú.

To bairo cʉ̃ ĩi, topʉ ca-ãna nipetirãre na ca-ĩi buionemoñupʉ Jesú tunu: —Caroaro api majiña. Apeye unie pairo tʉjʉ boo netoqueticõaña. Apeye unie pairo to ca-anibato quena mʉja ca-ani wariñuuro átiquẽto.

Mʉja ca-mai netorije ca-anopʉre caroaro tʉgooñari tie jetore mʉja tʉgooñacõa aninucugarã. To bairi Dio ye maca jetore áti tʉgooñacõaña, ca-ĩi buioyupʉ Jesú. Oco bairo ca-ĩi buionemoñupʉ Jesú

Ʉmʉabʉjaro mʉja bʉcʉanemo aá majiquẽna, seeto tʉgooñabana quena.

To bairo na ĩi yaparo cʉ̃ cabuerãre oco bairo na ca-ĩiñupʉ Jesú tunu: —Ape wame mʉjaare yʉ ĩigʉ: Ati yepa macajere seeto tʉgooñaqueticõaña. Dope bairo mʉja ca-baipere, mʉja ca-cʉgopere, mʉja ca-ʉgapere, mʉja ca-jañapere nipetiro tʉgooñarique paiqueticõaña.

Mʉja macare minia netoro mʉja mai tʉjʉ cotemi Dio. To bairi camaja rooro mʉjaare na cá-átigarijere tʉgooñarique pai uwiquẽja. Mʉja poa wẽeriacã quenare tʉjʉ cõoña majimi Dio. To bairo mʉja ca-bairijere caroaro ca-tʉjʉ cõoña majii aniri caroaro mʉja tʉjʉ cote majimi Dio, na ca-ĩiñupʉ Jesú.

Oco bairo ca-ĩi buionemoñupʉ Jesú: —Petoacã ca-ãna yʉ yarã mʉjaare yʉ ĩi. Tʉgooñarique pai uwiqueticõaña. Mʉja Pacʉ Dio mʉjaare tʉjʉ wariñuumi. To bairi cʉ̃ mena caroare ca-cʉgoparã mʉja ca-ano boomi.

Miniare na tʉgooñaña. Ca-oterã me ãma naa. “Mani ca-oterije ca-ricacʉto tiere mani ʉgagarã,” ca-ĩirã me ãma. Na ca-ʉgape quenoo cũurica wiiri ca-anipe quenare ca-cʉgorã me ãma. To bairo ca-bairã na ca-anibato quena na nuumi Dio. To bairi mʉja quenare mʉja cotegʉmi Dio, miniacã netoro cʉ̃ cá-máirã mʉja ca-ano maca.

To bairi seeto tʉgooñarique paiqueticõaña mʉja ca-ʉgapere, mʉja ca-etipere.

To bairona bai tie ta. Yoaro mee catí, canaiori paʉ ca-anona jini, ape rʉmʉ peeropʉ joe ree ecoocõaro. To bairo yoaro mee ca-jinipe to ca-anibato quena caroa ca-baupere joomi Dio tie taare. To bairi, “Mani quenare mani ca-cʉgopere manire joogʉmi Dio,” cʉ̃ ĩi tʉgooña nʉcʉbʉgoya.

—Na majimi Dio caroorije na cá-átiere. Rooro na ca-ĩrije quenare majimi Dio. Nipetiro na cá-áti rutirije to ca-anibato quena camaja nipetirã na ca-apijoro buiogʉmi Dio, na ca-ĩi buioyupʉ Jesú cʉ̃ cabuerãre.