Andinin-tSoratra Masina malaza indrindra nalaina tao amin'ny Daniela 12

Hizara

Izay hendry dia hamirapiratra toy ny famirapiratry ny lanitra; ary izay mamerina ny maro ho amin’ny fahamarinana dia ho tahaka ny kintana mandrakizay doria.

Ary maro amin’izay matory ao amin’ny vovoky ny tany no hifoha: Ny sasany dia ho amin’ny fiainana mandrakizay, fa ny sasany kosa dia ho amin’ny henatra sy ny latsa mandrakizay.

Amin’izany andro izany dia hitsangana i Mikaela, andrian-dehibe, izay mitsangana hiaro ny zanaky ny firenenao; ary hisy andro fahoriana izay tsy nisy tahaka azy hatrizay nisian’ny firenena ka hatramin’izany andro izany; ary amin’izay dia ho afaka ny firenenao, dia izay rehetra hita voasoratra ao amin’ny boky.

Maro no hodiovina sy hofotsina ary hozahan-toetra; fa ny ratsy fanahy kosa dia mbola hanao ratsy ihany, ary tsy hisy amin’ny ratsy fanahy hahafantatra, fa ny hendry no hahafantatra.