Andinin-tSoratra Masina malaza indrindra nalaina tao amin'ny Mpitoriteny 2

Hizara

Ny olona izay ankasitrahan’Andriamanitra dia omeny fahendrena sy fahalalana ary fifaliana; fa ny mpanota kosa dia ampiasainy hanangona sy hamory mba hisy homeny ho an’izay ankasitrahan’Andriamanitra. Izany koa dia zava-poana sy sambo-drivotra avokoa.

Tsy misy mahasoa ny olona mihoatra noho ny mihinana sy misotro ary ny manao izay hampahafinaritra ny tenany amin’izay nisasarany. Izany koa dia hitako fa avy amin’ny tanan’Andriamanitra. Fa iza no mihinam-be ary iza no manaram-po mihoatra noho izaho?

Kanefa nitodika aho nandinika ny asa rehetra nataon’ny tanako sy ny fisasarana izay nisasarako ka indreo, zava-poana sy sambo-drivotra avokoa izany rehetra izany fa tsy nisy nahasoa tetỳ ambanin’ny masoandro.

Ary na inona na inona nirin’ny masoko dia tsy nisy narovako taminy; tsy nisakana ny foko tamin’izay mety ho fifaliana aho fa nahazo hafaliana avy tamin’ny fisasarako rehetra ny foko; ary izany no anjarako avy tamin’ny fisasarako rehetra.

Ary hitako fa ny fahendrena dia tsara noho ny fahadalana, toy ny fahatsaran’ny mazava noho ny maizina.

Ny mason’ny hendry dia eo an-dohany, fa ny adala kosa dia mandeha ao amin’ny maizina; nefa izaho dia mahita fa mitovy ihany ny manjo azy roa tonta.

Fa misy olona izay misasatra amin’ny fahendrena sy ny fahalalana ary ny fahakingana, nefa ny olona izay tsy nisasatra tamin’izany akory no tsy maintsy hamelany azy ho lovany. Izany koa dia zava-poana sy fatiantoka lehibe.