Andinin-tSoratra Masina malaza indrindra nalaina tao amin'ny Josoa 1

Hizara

Tsy efa nandidy anao va Aho? Koa mahereza sy matanjaha, aza matahotra na mivadi-po fa momba anao NY TOMPO Andriamanitrao amin’izay rehetra alehanao.

Aoka tsy hiala amin’ny vavanao ity bokin’ny lalàna ity fa saintsaino andro aman’alina, hitandremanao hanatanteraka araka izay rehetra voasoratra ao; fa amin’izany dia hahalavorary ny lalanao ianao sady hambinina.

Koa mahereza sy matanjaha tsara ianao, hitandremanao hanatanteraka araka ny lalàna rehetra izay nandidian’i Mosesy mpanompoko anao; aza miala aminy, na ho amin’ny ankavanana na ho amin’ny ankavia, mba hambinina ianao amin’izay rehetra alehanao.

Tsy hisy olona hahajanona eo anoloanao amin’ny andro rehetra hiainanao; tahaka ny nombako an’i Mosesy no hombako anao koa; tsy handao anao na hahafoy anao Aho.

Mahereza sy matanjaha fa ianao no hampandova ity firenena ity ny tany izay nianianako tamin’ny razany homena azy.

Ny tany rehetra izay hodiavin’ny faladianareo dia efa nomeko anareo, araka izay voalazako tamin’i Mosesy.

Efa maty i Mosesy mpanompoko; koa mitsangàna, mità ity Jordana ity ianao sy ireo olona rehetra ireo ho any amin’ny tany izay omeko ho an’ny Zanak’Israely.

Rehefa maty i Mosesy, mpanompon’NY TOMPO, dia hoy NY TOMPO tamin’i Josoa, zanak’i Nona, mpanompon’i Mosesy

Hatreo amin’ny tany efitra sy irỳ Libanona irỳ ary hatrany amin’ny ony lehibe na ny ony Eofrata, ny tany rehetra izay an’ny Hetita ka hatrany amin’ny Ranomasina Lehibe any andrefana no ho taninareo.

Izay rehetra mandà ny didinao ka tsy mihaino ny teninao amin’izay rehetra ibaikoanao azy dia hovonoina ho faty, koa mahereza sy matanjaha ianao.

Andeha mamakivaky ny toby ka mandidia ny olona hoe: Manamboara vatsy ho anareo fa raha afaka hateloana dia hita ity Jordana ity ianareo ka hiditra sy handray ny tany izay omen’NY TOMPO Andriamanitrareo ho lovanareo.