Andinin-tSoratra Masina malaza indrindra nalaina tao amin'ny Fitomaniana 1

Hizara

Indrisy! Mitoetra manirery izao ilay tanàna feno olona! Tonga toy ny mpitondratena izy! Ilay nalaza tamin’ny firenena sady andriambavy tamin’ny fari-piadidiana samihafa dia manjary miasa an-terivozona.

Mitomany mafy izy amin’ny alina, ary ny ranomasony dia manorika amin’ny takolany. Izay rehetra tia azy dia tsy mba misy mampionona azy; ny sakaizany rehetra dia efa nivadika taminy ka tonga fahavalony.

Jereo, TOMPO ô, fa azom-pahoriana aho, mandevilevy ny ato anatiko; miontana ato anatiko ny foko satria naditra loatra aho; eny ivelany dia ny sabatra no mandripaka ny zanako, ary ao an-trano dia toa misy fahafatesana.