Andinin-tSoratra Masina malaza indrindra nalaina tao amin'ny Marka 13

Hizara

Ary ho halan’ny olona rehetra ianareo noho ny anarako; fa izay maharitra hatramin’ny farany no hovonjena.

Mitandrema, miambena ka mivavaha; fa tsy fantatrareo izay hiavian’ny fotoana.

Koa raha mitondra anareo hatolotra izy dia aza manahy rahateo izay holazainareo, fa izay teny homena anareo amin’izany ora izany no holazainareo; fa tsy ianareo no hiteny fa ny Fanahy Masina.

Ny lanitra sy ny tany dia ho levona fa ny teniko dia tsy mba ho levona.

Fa ny amin’izany andro na ora izany dia tsy misy mahafantatra, na ny anjely any an-danitra, ary na ny Zanaka aza, afa-tsy ny Ray ihany.

Ary raha mandre ady sy filazana ady ianareo dia aza matahotra; tsy maintsy hitranga izany, nefa mbola tsy izay akory ny farany.

Koa miambena ianareo fa tsy fantatrareo izay andro hiavian’ny tompon-trano, na ho hariva, na ho mamatonalina, na ho maneno akoho, na ho maraina, fandrao avy tampoka Izy ka mahita anareo matory. Ary izay lazaiko aminareo dia lazaiko amin’ny olona rehetra koa: Miambena.

Fa hisy firenena hitsangana hamely firenena, hisy fanjakana hitsangana hamely fanjakana; ary hisy horohoron-tany any amin’ny toerana samihafa ary hisy mosary. Izany no ho fiandohan’ny faharariam-piterahana.

Ary ny firenena rehetra dia tsy maintsy hitoriana ny Filazantsara aloha.

Fa maro no ho avy amin’ny anarako hilaza hoe: Izaho no Izy, koa maro no ho voafitany.

Fa mitandrema ianareo; fa hatolotra amin’ny Sinedriona* sy hokapohina any amin’ny sinagoga* ary hitsangana eo anatrehan’ny mpanapaka sy ny mpanjaka noho ny Amiko ianareo, ho vavolombelona aminy.

Fa hisy kristy sandoka sy mpaminany sandoka hitsangana ka haneho famantarana sy fahagagana hamitahany na dia ny olom-boafidy aza, raha azony atao izany.

Fa amin’izay andro izay, aorianan’izany fahoriana izany, dia ho tonga maizina ny masoandro ary tsy hanome ny fahazavany ny volana, hiraraka avy eny amin’ny lanitra ny kintana ary hohozongozonina ireo hery izay eny amin’ny lanitra.