Andinin-tSoratra Masina malaza indrindra nalaina tao amin'ny San Mateo 2

Hizara

Cha uyote bexa len niꞌi wa, cha uniꞌí bexa meꞌed nsea Marí xnaꞌa meꞌed. Cha msaxib bexa ngwankea bexa meꞌed wa. Cha mxaꞌal bexa be caj noꞌo bexa, cha uloꞌo bexa pla be taꞌa uzhebpa uyap: be ta oro, no dub ta uxeꞌe ta nyolꞌ, no mirra. Cha msaꞌa bexa be ta wa ukaꞌa meꞌed‑a.

Leꞌa Jesús ngol gezh Belén ten distrit Judea, zha na nak Herodes xa nibeꞌe Judea. Weꞌe leꞌa lad nlen wizh utoꞌo pla bexa ndák, ulayaꞌ bexa gezh Jerusalén. Cha unabdiꞌizh bexa ndoꞌ be men, ndab bexa: —¿Ma meꞌed ngol gak xa nibeꞌe ten bega xa judio zha? Leꞌa besa uniꞌí ulen mbeal ten xa lad nlen wizh. Ta weꞌe nseabe besa yankea besa xa.

Leꞌa gor na uniꞌí bexa wa mbeal nsob sa wa, leꞌa bexa uzhebpa mten ladna.

Tsoꞌo wa leꞌa Dios ndab ndoꞌ bexa wa gor ndeyats bexa lá yach bexa ndoꞌ Herodes. Ta weꞌe cha nseaꞌ bexa lazh bexa ndi stub nes xaꞌaga. Leꞌa gor na nseaꞌla bexa ndák wa, leꞌa dub angel ten Dios mlundoꞌ ndoꞌ Kosé gor naxyats xa, ndab angel: —Goste, cha biꞌi meꞌed baꞌ no xnaꞌa meꞌed. Bxoꞌon waꞌ nacion Egipto. Cha weꞌetsa uyoꞌo bega gast zha na gáp naꞌ yach bega, leꞌa Herodes ukwaꞌan meꞌed baꞌ gut xa meꞌed.