Andinin-tSoratra Masina malaza indrindra nalaina tao amin'ny San Juan 8

Hizara

Ũcuarʉmʉ Jesús jo'e i'kasi'kʉa'mʉ repanare Dios vʉ'e pa'inare. —Pãi chʉ'ʉre cuasajʉ jovosina chʉ'ʉpi pa'iche re'oja'chere ĩsiʉna cu'ache pa'ima'ñe miacheja pa'inaja'ñe repana rekoñoã re'oja'che pa'ijanaa'me —chiisi'kʉa'mʉ repaʉ.

Chʉ'ʉ kʉache'te chʉ'o ũcuarepare asa chẽa masijʉna pãi chẽa paacojñonaja'ñe cu'ache pa'isinare etocheja'che re'oja'che cho'okaija'mʉ chʉ'ʉ mʉsanʉkonare —chiisi'kʉa'mʉ repaʉ.

Ũcuarʉmʉ Jesús repaʉ'te cuasanare judíopãi ija'che i'kasi'kʉa'mʉ: —Mʉsanʉkonapi chʉ'ʉ chʉ̃'ʉñe'te jo'kasõma'ñe si'arʉmʉ cho'ojʉ pani chʉ'ʉ neerepana pa'ijanaa'me.

Chʉ'ʉpi Dios Mamakʉji mʉsanʉkonare pãi chẽa paacojñonaja'ñe pa'inani etocheja'che re'oja'che cho'okatu chẽacojño etasina pa'icheja'che ũcuarepa re'oja'che pa'ijanaa'me mʉsanʉkona.

Repanapi cuharepama'ñe sẽejʉna vʉni nʉkakʉ i'kasi'kʉa'mʉ repaʉ. —Mʉsanʉkonapi te'eʉ cu'achejẽ'e peokʉ pani catapʉ mini charo su'ajʉ̃'ʉ ikore —chiisi'kʉa'mʉ repaʉ.

Chitena i'kasi'kʉa'mʉ repaʉ. —Cu'ache cho'ona ũcuanʉko cu'api chẽa paakʉna cho'oche'te rupʉ cho'okaapʉ chini chẽa paacojñonaja'ñe pa'ime. Ũcuarepaa'me jã'a.

Ũcuarʉmʉ Jesús vʉni i'kasi'kʉa'mʉ repao'te. —Mʉ'ʉre i'kasina, ¿keechejare pa'iche? ¿Te'eʉjẽ'e, “Mʉ'ʉ cu'ache cho'osi'e ro'ijʉ̃'ʉ”, chiimanere repana mʉ'ʉre? —chiisi'kʉa'mʉ repaʉ. Chikʉna repao i'kasi'koa'mo. —Te'eʉjẽ'e jã'aja'ñe i'kamanesinaa'me chʉ'ʉre —chiisi'koa'mo. Chikona i'kasi'kʉa'mʉ repaʉ. —Chʉ'ʉ ũcuaja'che, “Mʉ'ʉ cu'ache cho'osi'e ro'ijʉ̃'ʉ”, chiima'mʉ mʉ'ʉre. Chura sani mʉ'ʉ cu'ache cho'oche ũhasõ jo'e cho'omanejʉ̃'ʉ —chiisi'kʉa'mʉ Jesús repao'te.