Andinin-tSoratra Masina malaza indrindra nalaina tao amin'ny Génesis 15

Hizara

Abram chunthia ngain Ndo Dio, mexinxin bikon Ndo ixin jeꞌe jian ixin chunthia ngain Ndo.

Are juexin batho kain jiꞌi, Ndo Dio nichjee Ndo Abram xraa ngathe naa kuthachrin. Ko ndachro Ndo: —Xraonꞌa, Abram. Jaꞌan thi thjengijna jaꞌa, ko jaꞌan anto tsjé ruchjaꞌa.

Ko bikao Ndo nduja ko ndachro Ndo: —Tsjeꞌe ngajni ko thekin kunutse, ja̱ nchao tsekin ba. ¡Jañaa tsjexin chujni sachrjeninxin jaꞌa!

Ko Ndo Dio batheꞌe Ndo: —Xaꞌan thi sithueꞌe kain thi richunda jaꞌa, ko jeꞌa xii jiꞌi.

Kuthimejan ndachro Ndo Dio: —Rugunda tsunuꞌa ixin chujni sachrjeninxin jaꞌa sinthe na̱ ngain naa nunthe jeꞌa nuntheꞌe na̱. Ko nthiꞌa sinchencheꞌe na̱ na̱ xra, xraa chujni dikuchji, ko tangi sinchegatho na̱ na̱ noo renkia nano.

Abram batheꞌe ko ndachro: —Nchana ko Ndo Diuna, ¿keꞌe nchao ruchjana?, ixin jaꞌan xruꞌin chjan chunda, ko Eliezer, thi juixin Damasco ko ncheꞌe xra ngajin na, yaa thi tasithueꞌe kain thi richunda.

Ko ngain nchaꞌon maꞌo Ndo Dio kjuauthexin Ndo Abram ixin ndachro Ndo: —Chujni sachrjeninxin jaꞌa sithuꞌe na̱ nunthe jiꞌi, ko tsexinxin nunthe ngain nda jithinga diꞌin Nilo jii ngain Egipto ko sekaxin nunthe ngain nda jithinga diꞌin Éufrates

Ko are satho thi noo renkia nano, chujni sachrjeninxin jaꞌa rukjan na̱ ngain nunthe jiꞌi, ko ni amorreo are mee icha jianꞌa sincheꞌe na̱ ko itsixinaꞌa ko sinthaꞌa jie̱ ngain na̱.