Andinin-tSoratra Masina malaza indrindra nalaina tao amin'ny San Juan 3

Hizara

’Ndudana thjen ngajni anto thjueꞌe ndo kainxin chujni ngataꞌa nunthe, mexinxin bajon na ndo jaꞌan, thi nakuaxinxon Xeꞌen Ndo ixin kainxin chujni dithikaon na jaꞌan tsjiꞌa na̱ ngain thi xruꞌi dangaꞌa, ko rukjan na̱ inaa chujni narua thi xruꞌin nchaꞌon tsjexin.

Ixin Ndo Dio ruanꞌa na ndo jaꞌan, thi Xeꞌen ndo, ngataꞌa nunthe ixin sincheꞌe xan jie̱; Ndo Dio ruaꞌan na jaꞌan ixin tsjengijna kainxin chujni ixin rukjan na̱ inaa chujni narua.

Kuthimejan Jesús ndachro: —Ndua thi rindathjo ixin xruꞌin chujni nchao sixiꞌin ngain thi thetuꞌan Ndo Dio ja̱ chujni mee rukjanꞌa tsunkjiꞌi inaa.

’Thi dithikaon na jaꞌan, thi Xeꞌen Ndo Dio, chujni mee isuenꞌa na̱ jie̱, aro thi dithikaonꞌa na jaꞌan, ni yaa undachro Ndo Dio ixin sueꞌen jie̱ ixin bithikaonꞌa na na̱ jaꞌan, thi nakuaxinxon Xeꞌen ndo.

Ko jiꞌi thi suanxin jie̱: Ixin xruꞌi nchengasaan juii xrui ngataꞌa nunthe, aro chujni icha thjueꞌe na̱ thi naxin xeꞌe ixin ncheꞌe na̱ juxon thi jianꞌa.

Ko Jesús rugunda icha tsurenthe, ko jaꞌan itsurentheꞌa na.

Ko kain chujni ncheꞌe thi jianꞌa ningakuꞌen na̱ thi xruꞌi nchengasaan ko tunchienꞌa na̱ ngain thi nchengasaan jiꞌi ixin xraon na̱ tsununxin thi jianꞌa ncheꞌe na̱.

Thi dithikaon ngain Xeꞌen ndo kjan inaa chujni narua ko xruꞌin nchaꞌon tsjexin. Aro thi rinaoꞌa dithikaon Xeꞌen Ndo Dio, rukjanꞌa naa chujni narua, ko sayée thi anto suji jie̱ sincheꞌe ndo.

Ko jañaa inchin Moisés batsiin naa kunchee kunchjianxin chia nthi̱ꞌa̱ ngagaꞌa jna thi xruꞌin jii, kai jaꞌan, thi Xii juixin ngajni, rugunda satsiin na na̱ nui

Ko Ndo Dio thjueꞌe Xeꞌen ndo, ko dajon ndo kainxin juachaxin ngain xan.