Andinin-tSoratra Masina malaza indrindra nalaina tao amin'ny Ruka 8

Hizara

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

»Te kona mauku pū-pū era he tētahi nuꞌu haka roŋo i te roŋo riva-riva o te ꞌAtua. Te ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, he vavau te roŋo o te ꞌAtua ꞌe ꞌina e ko hua ꞌi roto i a rāua te meꞌe haŋa o te ꞌAtua.

»Te kona papa ꞌōꞌone taꞌe rahi era he tētahi nuꞌu ŋaroꞌa i te roŋo riva-riva o te ꞌAtua toꞌo hai koa i rā roŋo ki roto i te rāua māhatu. Te ꞌati nō, he haka moe o rāua i te manaꞌu ꞌi ruŋa i rā roŋo mo te hora nō e tahi ꞌe, ꞌi te hora o te haka ꞌatu, he rehu, pa he taꞌe hio-hio iŋa ena o te aka ꞌi te kona ꞌōꞌone taꞌe rahi.

I oti era he kī ki tāꞌana nuꞌu hāpī: —¿ꞌIna ꞌana ꞌō a kōrua kai haka moe ꞌā i te manaꞌu ꞌi ruŋa i a au? Ko riꞌa-riꞌa ꞌā ꞌe ko māere atu ꞌana rā nuꞌu he ꞌui ki a rāua ꞌā: «¿Ko ai mau te kope nei? ¡ꞌĀtā te tokerau ꞌe te pari e haꞌatura rō ꞌā ki a ia!».

»Te kona ara era he tētahi nuꞌu ŋaroꞌa i rā roŋo, ꞌe, ka ai atu pē ira, e toꞌo nō e Rukifero mai roto i te rāua māhatu, pa he kai iŋa era e te manu i te karu, ꞌo ⌊haka moe i te manaꞌu⌋ ꞌi ruŋa ꞌe ꞌo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Pē nei ka haka aŋi-aŋi riva-riva ena i te meꞌe taꞌe haka ꞌite ꞌi muꞌa ꞌā ꞌe ka maꞌu ena ki roto i te māꞌeha i te meꞌe naꞌa o ruŋa i te haka tere iŋa ꞌāpī o te ꞌAtua.

I aŋi-aŋi era e rā viꞌe ko maꞌurima ꞌana i a ia, he oho, ko rurū ꞌā ꞌi te riꞌa-riꞌa, he tū-turi ꞌi muꞌa o Ietū, ꞌe he kī ꞌo te aha a ia i haka puā ai ꞌe pē hē i ora ai tōꞌona māui-ui ꞌi tū hora ꞌā. I kī ai rā viꞌe i te meꞌe nei ꞌi muꞌa o te taŋata taꞌatoꞌa. He kī e Ietū

He haka hāhine rā nuꞌu he haka ꞌara i a Ietū ꞌe he kī: —¡E te Maꞌori! ¡E te Maꞌori! ¡Ka ꞌara koe! ¡He emu tātou! He eꞌa ia a Ietū ki ruŋa, he kī ki te tokerau ꞌe ki te pari mo noho, ꞌe he māria rō ꞌai.