Andinin-tSoratra Masina malaza indrindra nalaina tao amin'ny OŌYƐBƐ̄CƐ 13

Hizara

Óndú ā gē gbo iyɔ̄bū uwā ɔlɛ́ɛnɔ bɛ̄ɛka ojuja kpúm ā, cɛ́ɛ́ kóō ma ɔwɛ fú lɛ uwá. Otú ā, ó gē gbɔbū lɛ uwá bɛ̄ɛka ɔkpá ɔlá ōfíyajɛ nɛ̄hi ā, o yá kéē mɛ́ɛbɛ otú glá. Ó yá ɛ̄nyā cɛ́ɛ́ kéē lɔfú yɛ otú mɛ́mla ɔlɛ́ɛnɔ glá. Ojuja ā yɔ̄ ī yɛ mla uwá ɔlɛ́ɛnɔ, ɔ́kpa kú ɔlá ōfíyajɛ ā í gē nyɛ̄ɛ̄ ŋmá ɛgiyí uwā otú ŋ́.

Eko nɛ̄ Uféro cɛ̄ ka ācɛ kú Ísrɛ̄lu kéē nyɛ̄ɛ̄ ā, Ɔwɔicō í cɛ̄ lɛ uwá bū ajɛ kú Ufilístiya ŋ́, nááná nōó le kpií ā. Ohígbū ka Óndú ā kahíníī, “Eko nɛ̄ ācɛ ā le má ka aá géē kpɛ́fú ɔwɛ, é géē pīya ɔtū kú uwā abɔ̄, cɛ́ɛ́ é kwú cīgbīhi ga Íjīpiti.”

Anɔ́ɔ ó cɛ̄ lɛ uwá le pīya biílí le bū ígbíli lɛyíkwu ísu igwɛ̄bɛ́ ā. Ācɛ kú Ísrɛ̄lu le iyē kwú mla iyɔ́fú, le tútū kú ɛfú eko nēé bɛ̄cɛ ŋmá Íjīpiti ā.