Andinin-tSoratra Masina malaza indrindra nalaina tao amin'ny Wakkagagerak 2

Hizara

Kwe nogo ti aap paga wogo me, aap nen agalo-ogoba mbo piinok, akweeluk imbirak ambit a'nuk, it imbirak ineebe mbere kwe, ambit aret logogun o.

Yoge nagagerik, at Aliku Ala nen ari logonet, “At aap yi, alik mban logorak ti, meek aret me, ore yeenggwaage logorak at ndak-ndak kero ambi ogobakkigirikit o,” yereegerak.

Ti'nuk, peebi at Aliku Ala nen nggween mbuuluk ambi nggalenogo wagangge nagagerik, aap aret ogobakkigirogo punuk, at eenik nogo ogobak me pu eerogo mambege mbareegi, aap nogo eenik a'nuk oone warak aret agagerak.

Wogoge mbareegi, at aap Aram nogo nen ari logonet, “At eebe ti, aap eebenowak mendek aret me, At eebenowak ti, an neebenowak aret. Ndi, at enggaanggum ti, an nenggaanggum aret. Togop me, at endage ti, Kwe, yogo logorak o,” yinuk, yereegerak.

At Ala nen yi mendek ndi mendek abok aret wakkage nagagerik, ne ambi 7 paga tat yonggonggolage puk wonagagerak me, ne ti nogo at ale'nggen mbake logonet, ake leenogo pateegerak.

Ndi, kwe inom, aap inom, it imbirak tali lek kebeewak lek logonet kwe, inenggali lek aret wonogogwaarak.