Andinin-tSoratra Masina malaza indrindra nalaina tao amin'ny मत्ती 2

Hizara

तिऐं तैड़ी पुजीकरी गोबरू जो तसेरी माता मरियमा सोगी हेरू, अतै हैरा झुकाई करी गोबरू जो प्रणाम करना लगै, फिरी अपणा-अपणा झोल्ळू खोली करी तैसिओ सोना, लोबान, अतै गन्धरस भेंट करू।

हेरोदेस राजा जैहणै यहूदिया परदेस मन्ज राज्य करू करदा थू ता बैतलहम ग्राँ मन्ज यीशु रा जन्म भुआ। तैस टैमैं पूर्व दिशा थऊँ कई ज्योतिषी मणु जैड़ै तारै रा अध्ययन करदै थियै, यरूशलेम मन्ज ईच्ची करी पुछणा लगै, कि “यहूदी रा राजा जसेरा जन्म भुआ, सो कड़िआ? क्ओकि अहै पूर्व दिशा मन्ज अक्क तारा हेरूआ जैड़ा तसेरै जन्म रै बारै मन्ज दसदा ता अहै तैस बच्चै जो प्रणाम करना आये।”

तैस तारै जो हेरी करी सो बड़ै खुश भुएै।

तियां ज्ञानी मणु जो सुपना भुआ कि हेरोदेसा बलै फिरी करी मत गान्हदै, ता सो होरी बत्ता मितै अपणै देशा जो फिरी गै। ज्ञानी मणु रै गाहणै थऊँ बाद प्रभु रा अक्क स्वर्गदूत यूसुफ रै सुपनै आ अतै बल्लू, “उठ, ऐस गोबरू जो अतै सेरी मौआ जो लेई करी मिस्त्र देशा जो नह्ही गा; अतै जैहणै तक अऊँ ना बल्लू तैहणै तिकर तैठिये ही रैंह; क्ओकि राजा हेरोदेस ऐस गोबरू री तोपा पेऊरा कि ऐसिओ मरवाई देय्आ।”