Andinin-tSoratra Masina malaza indrindra nalaina tao amin'ny लूका 7

Hizara

मोहगी च्‍यिबे दि ल़ेहमु पेहक्‍यो माएँ ताम ङाह ख्‍येला माएँ, मोहती माहङबुराङ तिहक्‍पाया़ ता़ह सिहन्‍दी येह। ओ़ह सोङबे मोहगी ङाहला चेवा तेन्‍सीन। ओहले ङ्ये़हमु तिहक्‍पा येहकें मिहगीदी ङ्ये़हमुराङ चेवा पेहकें” म़ेदी येशूगी सुङ नाङसीन। ओहले येशूगी ओ़ह पी़हमीला, “ख्‍येगी तिहक्‍पा ता़हसीन” म़ेदी सुङ नाङसीन।

ओहले येशूगी ओ़ह पी़हमीला, “ख्‍येगी ङाहला तेहपा पेहक्‍यो सोङगोराङ ख्‍ये थार्सीन, ता़हनी सेम लो तेहमु पेहती लो़ह सोङ” म़ेदी सुङ नाङसीन।

ओहले मोह क्‍याहपले ओहङदी येशूगी स्‍याहप पोहला लाहङदी ङी़हदी तेहसीन, आहन्‍डा पेहती ङी़हदी तेहकेमु मोहगी मिज्‍यु माहङबु स्‍योर्ती येशूगी स्‍याहपला लेप्‍सीन, ओहले मोहगी येशूगी स्‍याहपला राहङगी टागी फी़ तेर्ती येशूगी स्‍याहपला च्‍युक पेहती टिहमा स्‍यिहम्‍बु खाएँगी नुम पे़दी स्‍याहपला टुहल्‍सीन।

ओहले ङाहॱआङ राहङसाला ओहङज्‍येला सी़हज्‍ये म़ेह। यिहॱनाङ राङगी का नाङदोङ ओहले ङाहगी योक्‍पु टा़हज्‍ये येह। ङाहॱआङ स्‍युहङ-पेनया़गी ओङ चो़ला ज्‍युल्‍दी तेहको येहबा ओहले ङाहगी चो़ॱलाङ माक्‍मीया़ ज्‍युल्‍दी तेहको येह। ओहले च्‍यी़ला ‘सोङ’ माना खो डोएँ ओहले राहङसाला ‘स्‍यो’ माना खो ओहङगे ओ़हठीॱराङ ङाहगी योक्‍पुॱलाङ ‘आहन्‍डा पेह’ माना खोगी पेहकें।” ओहले दि केच्‍या सेन्‍दी येशू ह्‍अ ल़ेह नाङसीन। ओहले राहङगी तिङदा तिङ ओहङग्‍योगी मिह मिह-माहङया़ला ज़ी़दी सुङ नाङसीन, “त़ेदोङ, देजेबा यिह-छ्य़े छ्यिम्‍बु पेहकेन मिहनी ङाहगी इस्राएली मिहया़गी पाहरक्‍यीॱलाङ च्‍य़ेह सिहन्‍दी म़ेह।”

ओहजे काहङलाराङ येशूगी मिह माहङबुलाराङ खुङया़गी नाहजा, नेहपा दाङ ङ्येहम्‍बा नाम्‍स्‍यीया़ लाहमले खा फे़ नाङसीन ओहले मी़ मेहथोङगेन मिह माहङबुलाराङ मी़ थोङगेन ज़ो नाङसीन। ओहले येशूगी खुङया़ला सुङ नाङसीन, “ख्‍यागी देला च्‍यि च्‍यि थोङबा, थे़बा, ओ़हदी राहङगी लोबेन यूहन्‍नासाला लो़ह काहल्‍दी स्‍येतोङ। मी़ मेहथोङगेनया़गी मी़ थोङगेॱराङ येह, काङबा लाहक्‍पा स्‍योरक्‍यो मिहया़ लाहङदी डो ख़ूएँराङ येह, जे थेन्‍ग्‍योया़ टा़हगेॱराङ येह, नाम्‍ज्‍यो मे़हथेगेनया़ थे़गेनराङ येह, स्‍यिक्‍यो मिहया़ सोम्‍बो लो़हगेॱराङ येह, ओहले प्राङबुया़गी या़हबु लेहङगुया़ ङ्यिहन ङ्युहङगेनॱराङ येह।