Andinin-tSoratra Masina malaza indrindra nalaina tao amin'ny Markus 13

Hizara

Hintimiu ini dabansikoomu sabhaha mie hampano neaku. Tamaka ane dakosabaha dapotaami ampa namalusi, dasumalamati.”

“Dadiꞌanomo posiꞌondoomu! Kodhagaomu, kapaꞌamo miina mandeꞌaaneomu naefie nahumato tempono.

Ane dahumakokoomu maka damowakoomu ne fobhitahakino, koe nekenda-kenda handamiua bhahaꞌi mugauꞌomu ae! Tapugaumoomu ampa kafohatoꞌaomiu wakutuu anaꞌa; hampano suano hintimiu so mugauno, tamaka Rohino Lahataꞌala.

O lani bhe dhunia naosali, tamaka wambaku ini pae bhe kasalia.

Ampamo kaowu oleono bhe tempono bhe seemie miina bhe mandeꞌaanea. O malaꞌekati te surugaa miina, Anano Manusia miina dua, mpahinomo wutono Amaku mandeꞌaanea.”

Ane metingkeomu popahisaꞌa bhahaꞌi meꞌawaomu bhihitano popahisaꞌa, koemo notikendaa handamiua. Ingka kosasawiꞌae maitu tetewei nakumadhadhia, tamaka suanoꞌo dua kafetompaino dhamani.

Dadiꞌanomo kodhagaomu, hampano miina natipandeꞌaoa so kahatoꞌano kolambuno. Bheanea nahumato sanimohondo, bheanea kafewuntaꞌino alo, bheanea nabhala nekundono alo tawamo sanimentaeno. Ane nasehatoꞌa kolambuno, kodhagaomu bhahaa nohafotikoomu tangasano moodoomu. Wambaku ne hintimiu ini, amohatoandae dua kosasawindo manusia: mantaa-ntaaꞌomu bhe kodha-kodhagaomu!”

Liwu dapoewangi bhe liwu, kafopahintaꞌa dapoewangi bhe kafopahintaꞌa. Neꞌamai-neꞌamai nandumandoo luali bhe gaba. Kosasawiꞌae maitu kaneꞌomo kafetompunaꞌino dhamani buꞌou, nopototo bhe kaleano so koanano.

Ampamo kaowu Bhihita Metaa tetewei damoleleandae kadeki sabhaha liwu we dhunia ini.

Kapaꞌamo mada kaowu dabhahi so maino damake neaku bhe damugau ambado, ‘Idimo ini Mesias’, maka dabhahi sepaliꞌa so tibhohe-bhoheꞌino.

Tamaka hintimiu ini posiꞌondoomu! Mada kaowu dahumakofikoomu maka dabhitahakikoomu Sahano Agama. Damepekikoomu weo lambu kasambaheaꞌa. Pakade damowakoomu ne wisendo kafeompuꞌa bhe omputo, hampano membaliomu anaguhuꞌiku. Aini seꞌise dua katolala membaliomu sakusiiku ne wisendo.

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

“Wakutuu anaꞌa, namalusi sabhaha kasabha naꞌa, o oleo nahohondomo, o wula paemo nakotilangaa. O kulipopo dapondawuti damaiꞌao te lani bhe kosasawiꞌae waweno alamu naohungga.