Andinin-tSoratra Masina malaza indrindra nalaina tao amin'ny Galatianina 6

Hizara

Ary aza mba ketraka amin’ny fanaovan-tsoa isika, satria hijinja amin’ny fotoanandro isika raha tsy kivy.

Koa dieny mbola manana andro isika, dia aoka hanao soa amin’ny olona rehetra, fa indrindra amin’ny mpianakavin’ny finoana.

Mifampitondrà izay mahavesatra, fa izany no hahatanterahanareo ny lalànan’i Kristy.

Aza mety hofitahina ianareo. Tsy azo vazivazîna Andriamanitra, fa izay afafin’ny olona ihany no hojinjainy

eny, izay mamafy ny sitraky ny maha olona mpanota, dia hijinja fahaverezana avy amin’ny maha olona mpanota; fa izay mamafy ny sitraky ny Fanahy Masina, dia hijinja fiaina-maharitra mandrakizay avy amin’ny Fanahy Masina.

Ry havana, raha misy olona sendra latsaka amin’ny hadisoana, dia aoka ianareo izay manana ny Fanahy Masina hanarina azy amim-pahalemem-panahy; ary aoka hitandrin-tena koa ianao fandrao voataona amin’ny ratsy.

Eny, raha misy manao ny tenany ho zavatra, kanjo tsinontsinona, dia mamita-tena izy; fa samia mandinika ny asany avy, ka ny amin’ny tenany ihany no hahazoany mirehareha fa tsy ny amin’ny olon-kafa, satria samy hitondra ny anjara entany avy ny tsirairay.