Andinin-tSoratra Masina malaza indrindra nalaina tao amin'ny Isaià 52

Hizara

Endrey tsara tokoa erỳ an-tendrombohitra ny famindran’ilay mpitondra hafatra, izay manambara fiadanana sy mampita hafatra mahasambatra ary manambara famonjena ka manao amin’i Tsiôna hoe: «Mpanjaka ny Andriamanitrao.»

Maro be ny olona no tsiravina raha nijery azy satria niova loatra ny endriny ka tsy toy ny endrik’olona akory; ary ny tarehiny tsy toy ny tarehin’olombelona intsony. Firenen-kafa maro kosa no ho talanjona ny aminy; ka hitampim-bava eo anatrehany aza ireo mpanjaka, satria izay tsy mbola notantaraina taminy no hitany ary izay tsy mbola reny akory no saintsaininy.

Indro fa hahomby ny Mpanompoko; hisandratra ho avo izy ka hapetraka eo amin’ny toeram-boninahitra ambony indrindra.