Andinin-tSoratra Masina malaza indrindra nalaina tao amin'ny Marka 3

Hizara

Fa na iza na iza manao ny sitrapon’Andriamanitra, dia izany no rahalahiko, anabaviko na reniko.

Ary lazaiko marina aminareo fa havelan’Andriamanitra avokoa ny heloka rehetra vitan’ny olombelona ary koa ny fanevatevana rehetra ataony an’Andriamanitra; fa na iza na iza manevateva ny Fanahy Masina, dia tsy mba hahazo famelan-keloka na oviana na oviana, satria fahotana raiki-tampisaka aminy mandrakizay no mahameloka azy.

Raha misy fanjakana miady an-trano, dia tsy haharitra izany fanjakana izany; ary raha misy fianakaviana miady an-trano, dia tsy haharitra izany fianakaviana izany.

Ary ireo fanahy maloto, isaky ny mahita an’i Jesoa, dia niankohoka teo anatrehany sady niantsoantso hoe: –Ianao no ilay Zanak’Andriamanitra!