Andinin-tSoratra Masina malaza indrindra nalaina tao amin'ny Ohabolana 16

Hizara

Ankino amin’ny TOMPO ny asanao, dia ho tanteraka izay kasainao.

Ny fon’ny olona no maminavina ny hizorany; fa ny TOMPO kosa no mandavorary ny diany.

Ny teny mamy dia toy ny toho-tantely, ka sady hafinaretam-panahy no fahasalamam-batana.

Fikasana no an’ny olombelona fa an’ny TOMPO kosa ny teny farany.

Ny tena mahery dia izay maharesy ny hatezerany, fa aleo mahafehy tena toy izay mahafehy tanàna.

Ny fiavonavonana mialoha ny faharavana, ary ny fireharehana mialoha ny fahalavoana.

Ny olona mihevitra ny ataony ho mety avokoa; fa ny TOMPO no mitsara ny toe-panahy manesika azy.

Izay mahay mandini-draharaha no hahita soa; ary izay matoky ny TOMPO no ho sambatra.

Aleo manan-kely ombàm-pahamarinana toy izay ny karama be azo amin’ny tsy rariny.

Misy toetra heverin’ny olona ho mahitsy kanjo mankany amin’ny fahafatesana no iafarany.

Ny mpihatsaravelatsihy manangana ady, ary ny mpanendrikendrika mampisaraka ny mpisakaiza.