Andinin-tSoratra Masina malaza indrindra nalaina tao amin'ny Rômanina 12

Hizara

Aza miray lasitra amin’izao tontolo izao; fa meteza hovan’Andriamanitra ka hihavao saina tanteraka, mba hahaizanareo mamantatra ny sitrapon’Andriamanitra: dia izay tsara sy ankasitrahiny ary lavorary.

Ry havana, satria efa nanehoan’Andriamanitra ny hatsaram-pony isika, dia manainga anareo aho, mba samy hanolotra ny tenanareo ho sorona velona, voatokana ho an’Andriamanitra sady ankasitrahany. Izany no fanompoam-pivavahana tokony hataonareo.

Mifalia amin’ny fanantenana; miareta amin’ny fahoriana, mahareta amin’ny fivavahana

Aza mety ho resin’ny ratsy, fa reseo amin’ny tsara ny ratsy.

Mifankatiava toy ny mpiray tampo; miezaha amin’ny fifanajana.

Aoka ny fitiavana tsy hisy fihatsarambelatsihy. Mankahalà ny ratsy; mifikira amin’ny tsara.

Ary raha azo atao, dia ataovy izay hihavananareo amin’ny olona rehetra.

Aza mamaly faty, ry hava-malala, fa ny fahatezeran’Andriamanitra no avelao hiasa, satria izao no voalazan’ny Soratra Masina: «Ahy ny famaliana, Izaho no hamaly, hoy ny Tompo.»

Mazotoa fa aza malaina. Aoka hafana fo amin’ny fanompoana ny Tompo.

Noho ny tombon-tsoa nomen’Andriamanitra ahy, dia izao lazaiko aminareo tsirairay avy: aza mihevi-tena mihoatra ny tokony hiheverana ny tena, fa aoka samy hihevi-tena amim-pahendrena, araka ny anjara finoana nomen’Andriamanitra azy avy.

Aza mamaly ratsy ny ratsy, na amin’iza na amin’iza. Miezaha hanao ny tsara eo imason’ny olona rehetra.

Miraisa hina; aza matimatim-boninahitra fa ny fanetren-tena ankamamiana. Aza manao ny tenanareo ho hendry.

Fa «raha noana ny fahavalonao, dia omeo hanina; raha mangetaheta, dia omeo rano hosotroiny; fa raha manao izany ianao, dia hanangona vainafo eo an-dohany.»

Miraria soa an’izay manenjika anareo; miraria soa fa aza manozona. Miaraha mifaly amin’izay mifaly, miaraha mitomany amin’izay mitomany.

mandraisa anjara amin’ny fanampiana ireo sahirana amin’ny samy vahoakan’Andriamanitra; mazotoa mandray vahiny.

Eny, ao amin’ny vatana iray, dia misy zavatra maro anisan’izany vatana izany kanefa tsy mitovy asa avokoa ireo. Dia toy izany koa: na maro aza isika, dia vatana iray ihany noho isika tafaray amin’i Kristy, ka mifampiankina toy ny ifampiankinan’ireo zavatra anisan’ny vatana iray ihany.