Andinin-tSoratra Masina malaza indrindra nalaina tao amin'ny Génesis 2

Hizara

Naskadike na nu ibis keskara iskapakedaka. Dukuwede awĩwuwe wianaxikĩ apaduax awaduaxri paxkatiru. Awĩwe wianakadax na rawe yura wisti keskara itiruwu.

Epa Dios iskadi: “Dukuwede ares itiruba. Ẽ watura wetsa udiwanu aweta yudubis inu. Na aweta yudubis shara iki”, idi.

Epa Diospa bai yura wata dukuwede udiwadi. Naskawata awẽ rechukuki xuũ adi. Dukuwede xakaita widinakawãdi.

Naskaidu awĩwu uĩta dukuwede ares wisti iskadi: “Da ewẽ dabikui ewẽ pishiri. Naskake ẽ adei awĩwu, ẽ wai dukuwede uduamai ewẽ pishi wita Epa Diospa udiwaa”, Adán idi.

Naa pedata yurawawe tedekata idibapakexanuwu. Awarawu udiwakĩ taewayabea naa pedatamai keyuxu.

Na dukuwede Diospa udiwadi dukuwene awẽ awĩri chituria ipaudiwu. Naskawikadax rawĩpaipaudiwuba.