Andinin-tSoratra Masina malaza indrindra nalaina tao amin'ny LUCAS 8

Hizara

Per le zhobbni ne wyab ledne wen lyu, nak zegnak mén ne ron xdiiz Dëdyuzh no ydeblextoo men rlaleedx meno, tebegue laa we nuu xtoo men, no rlaa men ne wen.

Le zhobbni ne wyab lad lbagyëts nak zegnak mén ne ron xdiiz Dëdyuzh, per tsoowgue tsoowgue rdee men si rnitleedx meno, por ne za lextoo men yra ne nuu gyëzlyuree no por ne rlaan men ne ylaa men ne rlaan led men, rlaadetre men ne wen.

Le zhobbni ne wyab lad gye nak zegnak mén ne ron xdiiz Dëdyuzh; rzhiilen men ron meno, per kom nak men zegnak ne yëtet ndal lu, rlaleedxdet meno xche; chene pe rzak men, rsalzaangue meno.

Lex re Ne lo yra xpén Ne: ―¿Gozh xgyelerlaleedx de naa? Per kesentyent wdxe men yra men, rzee rzak men, rnabdizlsaa men, re men: ―¿Pezee nakleg ménree ne axtegue lo mee, axtegue lo nis rnebééy men, no rono xdiiz men?

Le zhobbni ne wyab nëz nak zegnak mén ne ron xdiiz Dëdyuzh, per rdxiin Bzelo rboo we lextoo men chen ylaleedxdet meno chen yláádet men lo dol.

Zenga ke, bet ne ngueedx yët ne yrunyoodet, ni yët ne rak rlaanguel ne gaknandet mén, sinke sdxiin dxe ne gaknan méno.

Chene wyenen wnaa guin ne wyenen Jesuso, wa men noze rzhiz men, wzuzhib men lo Ne. Lex wxalruu men nes lo yrandxee mén, gan penak wgal men luzh xab Ne no ne orgueguin wyaken men. Orguin re Ne lo men: ―Zhiina, por ne wlaleedx de noo, wyaken de. Zhaas gugya.

Orguin wa men wboo men mkaal lo Ne, re men: ―¡Maxter! ¡Maxter! ¡Le be zazebgyët! Lex waxee Ne wakndux Ne lo meroo guin no le lo nis; wutsëgoo, nonchee chi wak.