Andinin-tSoratra Masina malaza indrindra nalaina tao amin'ny Ohabolana 15

Hizara

Ny valin-teny mora, mampitony havinirana; fa ny teny henjana, mampirehi-katezerana.

Ny fahatahorana an’i Iaveh, no fianarana ny fahendrena; ary ny fanetren-tena no mialoha ny fisandratana.

Ny teny mora, dia hazon’aina; fa ny vava ratsy, mamaky ny fo.

Foana ny fikasana raha tsy misy ny fisainana; fa tanteraka kosa izy, raha maro no manolo-tsaina.

Ny fo ravoravo, mahamiramirana endrika, fa raha malahelo kosa ny fo dia reraka ny fanahy.

Ny mason’i Iaveh, dia amin’ny fitoerana rehetra; mijery ny ratsy fanahy sy ny tsara fanahy.

Aleo ny kely ombam-pahatahorana an’i Iaveh, toy izay ny harem-be omban’ahiahy.

Ny olo-masiaka manetsika ady, ny mahatsindry fo kosa, mampitsahatra fifandirana.

Ny fon’ny marina, mihevitra izay tokony hovaliany, fa ny vavan’ny adala mitsaontsaon-dratsy.