Andinin-tSoratra Masina malaza indrindra nalaina tao amin'ny Isaia 62

Hizara

Hianao tsy hatao intsony hoe Nafoy, Ary ny taninao tsy hatao intsony hoe Lao Fa hianao hatao hoe Ilay sitrako, Ary ny taninao hatao hoe Vady ampakarina; Fa sitrak’i Jehovah hianao, Ary ny taninao hampanambadina.

Efa nanendry mpiambina ho eny ambonin’ny màndanao Aho, ry Jerosalema ô, Koa mandrakariva na andro na alina dia tsy mahazo mangina ireny; Eny, hianareo izay mpampahatsiaro an’i Jehovah, aza mitsahatra; Ary aza mamela Azy hitsahatra mandra-panaony an’i Jerosalema ho mafy orina Sy hoderaina amin’ny tany.

Ka dia ho tonga satroboninahitra eo an-tànany hianao Sy satrok’andriana eo am-pelatànan’Andriamanitrao.

Fa tahaka ny zatovo mampakatra virijina ho vadiny No hampakaran’ny mponina aminao anao; Ary tahaka ny fifalian’ny mpampakatra amin’ny ampakariny No hifalian’Andriamanitrao aminao.