Andinin-tSoratra Masina malaza indrindra nalaina tao amin'ny Isaia 9

Hizara

Ny handrosoan’ny fanapahana sy ny fiadanana dia tsy hanam-pahataperana Eo amin’ny seza fiandrianan’i Davida sy ny fanjakany, Mba hampiorenana sy hampitoerana azy Amin’ny rariny sy ny hitsiny Hatramin’izao ka ho mandrakizay; Ny fahasaro-piaron’i Jehovah, Tompon’ny maro, no hahatanteraka izany.

Hamaroinao ity firenena ity, Ary ampitomboinao ny hafaliany; Mifaly eo anatrehanao izy tahaka ny hafaliana amin’ny fararano, Ary tahaka ny fifalin’ny olona, raha mizara babo.

NY Tompo mandefa teny ho an’i Jakoba, Ka mihatra amin’ny Isiraely izany.

Fa Zaza no teraka ho antsika, Zazalahy no omena antsika; Ary ny fanapahana dia eo an-tsorony, Ary ny anarany atao hoe Mahagaga, Mpanolo-tsaina, Andriamanitra Mahery, Rain’ny mandrakizay, Andrian’ny fiadanana.

Ny olona izay mandeha amin’ny maizina Dia mahita mazava lehibe; Izay mitoetra amin’ny tany aloky ny fahafatesana No iposahan’ny mazava.

Fa ny bao fitondran-entany Sy ny tsorakazo nikapohana ny lamosiny, Izay tsorakazon’ny mpampiasa azy, Dia tapahinao tahaka ny tamin’ny andro namelezana ny Midiana.

Fa ny kiraron’izay mitrevatreva fandeha eo amin’ny fihorakorahan’ny ady Sy ny fitafiana mihosin-dra Dia samy hodoroana, eny, ho kitay hatohoka amin’ny afo izany.