Andinin-tSoratra Masina malaza indrindra nalaina tao amin'ny Josoa 23

Hizara

Ary, indro, efa handeha ho amin’ny làlana falehan’ny tany rehetra aho izao; ary fantatrareo ao amin’ny fonareo rehetra sy ny fanahinareo rehetra fa tsy misy latsaka na dia zavatra iray akory aza ny zava-tsoa rehetra izay nilazan’i Jehovah Andriamanitrareo anareo; efa tanteraka taminareo avokoa izy rehetra: tsy nisy latsaka izy na dia zavatra iray akory aza.

Dia tandremo tsara ny fanahinareo mba ho tia an’i Jehovah Andriamanitrareo.

Ny lehilahy iray aminareo manenjika ny arivo; fa Jehovah Andriamanitrareo, Izy no miady ho anareo, araka izay nolazainy taminareo.

fa Jehovah Andriamanitrareo ihany no ifikiro, araka ny nataonareo mandraka andro-any.

Dia mahereza tsara hianareo hitandrina sy hanao izay rehetra voasoratra ao amin’ny bokin’ny làlan’i Mosesy, mba tsy hivilianareo hiala aminy, na ho amin’ny ankavanana, na ho amin’ny ankavia