Andinin-tSoratra Masina malaza indrindra nalaina tao amin'ny Salamo 27

Hizara

Miandrasa an’i Jehovah hianao; Matokia, ary aoka hahery ny fonao; Eny, miandrasa an’i Jehovah.

Zavatra iray loha no nangatahiko tamin’i Jehovah, Izany no hotadiaviko, Dia ny hitoetra ao an-tranon’i Jehovah amin’ny andro rehetra hiainako, Mba ho faly mijery ny fahasoavan’i Jehovah sy mandinika ny tempoliny.

Nataon’i Davida. JEHOVAH no fahazavako sy famonjena ahy; Iza no hatahorako? Jehovah no fiarovana mafy ho an’ny aiko; Iza no hangovitako?

Raha izay re aho no tsy nanantena hahita ny fahasoavan’i Jehovah amin’ny tanin’ny velona.

Fa hanafina ahy ao an-trano fialofany amin’ny andro fahoriana Izy; Hampiery ahy amin’ny fierena ao an-dainy Izy; Hanandratra ahy ho eny ambony vatolampy Izy.