Andinin-tSoratra Masina malaza indrindra nalaina tao amin'ny Genesis 9

Hizara

Ne migkaǥi zaan is Megbevayà te, “Duen ibpeehè ku keniyu he egkehimu he tuus te wazà pidtemanan he kebpekid-uyun ku keniyu wey te langun he menge linimbag ku he egeǥehinawa he zuma niw he midlawang keniyan te arka. Ne iyan is: Idsavuk ku en is belugtu ziyà te menge ǥapun he iyan tuus te kebpekid-uyun ku keniyu.

Emun egkeehè niw is belugtu ziyà te menge ǥapun, ed-ahaan ku zaan, ne edtenuzan ku is wazà pidtemanan he kebpekid-uyun ku keniyu te langun he linimbag ku ziyan te kelibutan he egeǥehinawa.”

Ke zuen etew he edhimatey te zuma zin he etew edhimetayan daan sikandin te zuma zin he etew. Su midlimbag te Megbevayà is etew he iring te zagwey zin.

Ne zutun midtuvazan te Megbevayà si Noe wey is menge anak din, ne ke sikandin te, “Mevuwad kew ne mebmahabet kew utew su wey meeneb is kelibutan te menge etew.

Is minsan hengkey he linimbag he ebpekewaleng he egeǥehinawa, ne idtuǥut ku he egkeenen niw su ibeǥey ku en keniyu, iring te kebeǥaya ku zengan keniyu te menge sagbet.

Utew egkehandek keniyu is langun he menge langgam: is ebpemenhipanew, is ebpemenlayang, is ebpemenanap, wey is diyà ebpen-ubpà te wahig. Iyan kew ebayàbayà kandan te langun.

Ne mesigudu kew mevuwad wey kew mebmezakel ne wey kew mekeeneb te tivuuk he kelibutan.”