Andinin-tSoratra Masina malaza indrindra nalaina tao amin'ny Aposeri 2

Hizara

Máa síkan Pita evaránen betí ankan tiamemí, “Tiretí ankan mana mana ano ume finté ará baédeya Yisas Karaisin avíká monó non baresin ná Tiyarafenu ano siretíi ume ampiantano. Máan ma esin mi Tiyarafenu ano Kantá Aunan aminten mino.

Kokhoní uven mai kayo ano vaya varen orin banta kayo ma afova amiyain baya ákonaen iniyáken betin má manafin o átaru uven monó ten dunan nen amúken iyaren mino.

Máan tiyain má Kantá Aunan mano vetí ankan aúpin bíkaven aya íkan araíen ara ara vaya sen mino.

Átaru ukháin inaru fáké manádá kákan uva ma en ereiní uaren mai ma vetí ankan bá ein namumpin e víken mino. Máan tiyain má betí ankan onákan banta amafin ten kayo ano ira anafun ma karékará en oreiní uaren mai namumpin ma varé ein kayo ánontá mana mana en o yoman nen mino. Máan tiyain má Kantá Aunan mano vetí ankan aúpin bíkaven aya íkan araíen ara ara vaya sen mino.

Máan tiyáken minó damú monó namun dafufin ena ena átaru iyáken maen inká mana mana namumpin o iyuve e iyuve en dunan niyáken betiyan maman bararasí uren amusimpin baren mino. Báken ena ena yamú Tiyarafenu aví daní iyákan banasi ano vetin nan anunu iyan ena ena yamú Bafan mano ará ma vaerein nanin banta avídú íkan mai ma Yisasintá ma mumunan iyá ein nanin bantafin mo asotú en mino.

“‘Tiyarafenu ano siyáken ma vara ma kípano van iyantí maé tesi Kantá Aunan minó nanin banta amaniná banaékun tiretin anin kayo vá inká tiren araun kayo vá ano sakhanampa vanta an danten mino. Máan tiyantin pumara kéká auu vaédantin oniyantin ayokhuvin banta kayo ano kokhon kain onanten mino.

Máan tiyákan Yisasintá ma mumunan iyain kéká ano ará manafiní uren mana inintá báken minó daná ben amin ben amin iyaren mino. Máan tiyáken betíi vara vá kama yanasinta vá sarí uren moní máden manáa yana san ma o afasí iyain kéká aya iyaren mino.

Máan tiyantin intéa kéká anó ayaino van Bafan aví aranten nafi mai kéká aya uren evaránen aviranten mino.’

Máan tintin áau ano sítípa intin inká biyon mano nare an den nararé inti ma ódaresin maen ínaimpákéi Bafani erin mai kama uran en panu sikhein damúi erinten mino.