Andinin-tSoratra Masina malaza indrindra nalaina tao amin'ny Ohabolana 1

Hizara

Ny fahatahorana an'i Jehovah no fiandoham-pahalalana; Fa ny adala manamavo ny fahendrena sy ny famaizana. Fananarana tsy hikambana amin'ny mpanao ratsy. Anaka, mihainoa ny ana-drainao, Ary aza mahafoy ny lalàn-dreninao

Fa ny fihemoran'ny kely saina hahafaty azy, Ary ny fiadanan'ny adala handringana azy. Fa izay mihaino Ahy kosa hitoetra tsy manana ahiahy, Eny, handry fahizay izy ka tsy hatahotra ny ratsy.

Aoka ny hendry hihaino ka hitombo saina; Ary aoka ny manam-panahy hahazo fitarihana tsara

Anaka, raha taomin'ny mpanota ianao, Aza manaiky.

Ny Ohabolan'i Solomona, zanak'i Davida, mpanjakan'ny Isiraely: Hahalalana fahendrena sy fananarana, Ary hahafantarana ny tenin'ny fahalalana; Hahazoana fananarana mampahahendry, Dia fahamarinana sy rariny ary fahitsiana; Hanomezam-pahendrena ho an'ny kely saina, Ary fahalalana sy fisainana mazava ho an'ny zatovo.

Dia vao hiantso Ahy izy, fa tsy hamaly Aho; Dia vao hitady Ahy fatratra izy, fa tsy ho hitany Aho. Satria nankahala ny fahalalana izy Ary tsy nifidy ny fahatahorana an'i Jehovah