Apokalipsy INDRAY MIJERY
INDRAY MIJERY
I Jaona Apostoly, izay manoratra ny Boky Apokalipsy dia milaza azy ho fanambaràn’i Jesosy Kristy, izay nambarany tamin’i Jaona tamin’ny alalan’ny fahitana sy sariohatra maro. Ny Boky dia isan’ireo soratra atao hoe apokaliptika izay soratra faminaniana manana ny fombany manokana. Isan’ireny ny bokin’i Daniela, Ezekiela 38-39, Joela, Zakaria, Matio 24-25, Marka 13, Lioka 21, 1Korintiana 15.23-28, 1Tesaloniana 4.15-17, 2Tesaloniana 2.1-12, sy soratra hafa koa. Ireny soratra ireny matetika dia voasoratra ho fampaherezana ny Fiangonana tao anatin’ny fanenjehana mafy. Koa ny boky Apokalipsy dia nosoratan’i Jaona Apostoly tamin’ny fanenjehana nataon’ny amperora romana, noho ny Fiangonana tsy manaiky afa-tsy Jesosy Kristy ho Tompo tokana.
Ny votoatin’ny Boky
Ny dikan’ny hoe apokalipsy dia fanambaràna zavatra miafina ka alana rakotra. Izay ambaran’i Jesosy Tompo ao amin’ny Boky dia ny zavatra ankehitriny, dia ny ankehitriny amin’ny mpanoratra izany, ary ny zavatra ho avy. Ny ankehitriny izay ambara dia ny toetry ny Fiangonana fito tany Azia Minora, ary ny ho avy dia ny zavatra izay hitranga mialoha ny hiavian’ny Tompo.
Ny Boky dia feno sary sy sariohatra, izay saro-draisina be ihany amin’ny maro, kanefa ny mpamaky tamin’ny fotoanan’i Jaona, izay tena nilona tamin’ny Testamenta Taloha, dia mora nahafantatra tsara ihany ny hevitra ambara. Ny Boky dia feno filazana avy amin’ny Testamenta Taloha, indrindra fa ny Eksodosy, Daniela, Ezekiela, Zakaria. Maro samihafa ny fahitana ambaran’i Jaona ka mety ho sarotra ihany ny manazava ny antsipirihany amin’izy ireny, kanefa mazava ny fotokevitra lehibe ambaran’izy rehetra dia izao: Ny fifanoheran’ny herin’ny ratsy izay manan-kery vetivety amin’izao fotoana izao sy ny fanjakan’Andriamanitra izay tarihin’i Jesosy Kristy sy ny olony, izay tsy maintsy handresy tanteraka amin’ny farany.
Ny mpamaky ankehitriny dia tsy tokony ho variana loatra hamantatra ny datin’andro izay tsy ho fantatsika, fa handray ny tena hafatry ny mpanoratra, dia ny fampaherezana ny Mino mba hihazona ny finoana amin’ny andro sarotra, ka ireo fahitana ao amin’ny Boky dia mikendry haneho ny vokatry ny asan’i Kristy voahombo sy tafatsangana, amin’ny ankehitriny sy amin’ny ho avy.
Ny firafitry ny Boky
Fampidirana, fiarahabana, fitantaran’i Jaona ny nahitany an’i Jesosy amin’ny voninahiny: 1.1-20
Fanehoana ny zavatra ankehitriny: Jesosy mamangy ny Fiangonana fito any Azia Minora: 2–3
Fanehoana ny zavatra ho avy, mialoha ny fiavian’i Jesosy: 4.1–22.5
Famaranana ny Boky: 22.6-21
Voafantina amin'izao fotoana izao:
Apokalipsy INDRAY MIJERY: MRV
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© La Société Biblique Malgache 2011
Apokalipsy INDRAY MIJERY
INDRAY MIJERY
I Jaona Apostoly, izay manoratra ny Boky Apokalipsy dia milaza azy ho fanambaràn’i Jesosy Kristy, izay nambarany tamin’i Jaona tamin’ny alalan’ny fahitana sy sariohatra maro. Ny Boky dia isan’ireo soratra atao hoe apokaliptika izay soratra faminaniana manana ny fombany manokana. Isan’ireny ny bokin’i Daniela, Ezekiela 38-39, Joela, Zakaria, Matio 24-25, Marka 13, Lioka 21, 1Korintiana 15.23-28, 1Tesaloniana 4.15-17, 2Tesaloniana 2.1-12, sy soratra hafa koa. Ireny soratra ireny matetika dia voasoratra ho fampaherezana ny Fiangonana tao anatin’ny fanenjehana mafy. Koa ny boky Apokalipsy dia nosoratan’i Jaona Apostoly tamin’ny fanenjehana nataon’ny amperora romana, noho ny Fiangonana tsy manaiky afa-tsy Jesosy Kristy ho Tompo tokana.
Ny votoatin’ny Boky
Ny dikan’ny hoe apokalipsy dia fanambaràna zavatra miafina ka alana rakotra. Izay ambaran’i Jesosy Tompo ao amin’ny Boky dia ny zavatra ankehitriny, dia ny ankehitriny amin’ny mpanoratra izany, ary ny zavatra ho avy. Ny ankehitriny izay ambara dia ny toetry ny Fiangonana fito tany Azia Minora, ary ny ho avy dia ny zavatra izay hitranga mialoha ny hiavian’ny Tompo.
Ny Boky dia feno sary sy sariohatra, izay saro-draisina be ihany amin’ny maro, kanefa ny mpamaky tamin’ny fotoanan’i Jaona, izay tena nilona tamin’ny Testamenta Taloha, dia mora nahafantatra tsara ihany ny hevitra ambara. Ny Boky dia feno filazana avy amin’ny Testamenta Taloha, indrindra fa ny Eksodosy, Daniela, Ezekiela, Zakaria. Maro samihafa ny fahitana ambaran’i Jaona ka mety ho sarotra ihany ny manazava ny antsipirihany amin’izy ireny, kanefa mazava ny fotokevitra lehibe ambaran’izy rehetra dia izao: Ny fifanoheran’ny herin’ny ratsy izay manan-kery vetivety amin’izao fotoana izao sy ny fanjakan’Andriamanitra izay tarihin’i Jesosy Kristy sy ny olony, izay tsy maintsy handresy tanteraka amin’ny farany.
Ny mpamaky ankehitriny dia tsy tokony ho variana loatra hamantatra ny datin’andro izay tsy ho fantatsika, fa handray ny tena hafatry ny mpanoratra, dia ny fampaherezana ny Mino mba hihazona ny finoana amin’ny andro sarotra, ka ireo fahitana ao amin’ny Boky dia mikendry haneho ny vokatry ny asan’i Kristy voahombo sy tafatsangana, amin’ny ankehitriny sy amin’ny ho avy.
Ny firafitry ny Boky
Fampidirana, fiarahabana, fitantaran’i Jaona ny nahitany an’i Jesosy amin’ny voninahiny: 1.1-20
Fanehoana ny zavatra ankehitriny: Jesosy mamangy ny Fiangonana fito any Azia Minora: 2–3
Fanehoana ny zavatra ho avy, mialoha ny fiavian’i Jesosy: 4.1–22.5
Famaranana ny Boky: 22.6-21
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© La Société Biblique Malgache 2011