Jọnu 5
5
Jisọsu yẹle nwangvụru agụgu okpuru
1E megelewho, o nweru oge, ndu Ju l'eri. Jisọsu tụgbua jeshia Jerúsalẹmu. 2Lẹ Jerúsalẹmu b'o nweru nwokpuru ọbu, dụ iya nụ. Ụzo, l'eeshije abahụ l'okpuru ono bẹ dụ uzhi ise. Iwhe l'eekuje okpuru ono l'okfu Arámayiku bụ Bẹtusáta. Okpuru ono dụ lẹ mgboro Ọnoguzo-atụru. 3Ndu ẹhu l'ẹte adụa mma bẹ ha l'urwu zẹ-gee l'ime ẹka ono, l'eeshije abahụ l'okpuru ono, mbụ ndu l'atsọ ishi mẹe ndu ngvụru mẹe ndu iwhe lọnwushiru ibe ẹhu lanụ. Whẹ tụko zẹshia l'ẹka ono ngabẹru nteke mini ono l'e-me ụkporo. 4Gẹ l'ọonwujekwanu bụ l'ọobuje a nọtalewho nwanshị, ojozhi-imigwe shi l'ẹka Onye-Nwe-Ọha abya l'okpuru ono bya akparwụa mini ono. Onye iwhe l'eme, vuzhiwaa ụzo ye ọkpa lẹ mini ono nteke ono mẹe a kparwụa ya, onye ọbu emehu l'iwhe l'eme iya nụ. 5O nweru nwoke lanụ nọdu l'ẹka ono, nyawarụ ẹhu ụkporo awha l'awha iri l'ẹsato. 6Jisọsu byalẹwho bya awhụa ya marụ l'o shihawa nteke teru ẹnya zẹta l'ẹka ono, ọ sụ iya: “?Ọ dụ ghu ree t'e mee ghu t'i mehu?”
7Nwoke ono, ẹhu l'eme sụ iya: “Onye-ukfu-l'ọha, ọ tọ dụdu onye mu nweru, l'a-parụ mu chee l'okpuru-a mẹ a -kparwụa mini ono, l'ọobuje nteke mu mederu tẹ mu ye iya ọkpa, onye ọdo evuwaru mu ụzo.”
8Jisọsu sụ iya: “Gbalihu gwọta ute ghu wata ooje ije.” 9Nteke onowho nwoke ono mehulekwawho, ọ gwọta ute iya ọbu jelahaa ije.
Mbọku ono iwhe ono, nwụru bụru mbọku ọtuta-ume ndu Ju. 10Ọo ya bụ, ndu Ju sụ nwoke ono, e metaru l'iwhe l'eme iya nụ: “Ntanụ kwa mbọku ọtuta-ume ?ị makwarụa lẹge i gwọtaru ute ghu eje nno b'ị daakwaru l'iwu, dụru anyi ntanụ?”
11Ọ sụ whẹ: “Ọo nwoke ono, bụ iya meru mu, mu mehu bẹ sụru mu tẹ mu gwọta ute mu jeje ije.”
12Whẹ jị iya: “?Ọo ẹgube madzụ gụnu bẹ nwoke ọbu bụ, sụru ghu tị gwọta ute ghu jelahaa ije?” 13Ọwhu ka njọ bụru lẹ nwoke ono, e meru o mehu l'iwhe l'eme iya nụ ta amadụnu m'ọo onye ọbu, metaru iya nụ. Iwhe kparụ iya bụkwaru lẹ Jisọsu kwoberu l'igweligwe madzụ parụ ẹka l'ẹka ono lụfu, ọ bụru iya atụgbu.
14E megelewho, Jisọsu bya awhụwhu nwoke ono azụ l'ime eze-ụlo Chileke sụ iya: “Lenu lẹ ntaa b'i mehuwaru. Be ejebuhekwaa ome iwhe-dụ-ẹji ọdo nggẹ iwhe ọdo, kabaa njọ ta abyakfuta ghu.”
15Nwoke ono nyịgobelekwawho lụfu je je akarụ ndu Ju l'ọo Jisọsu bụ onye ọbu, meru iya; ya mehu. 16O noo iwhe ọbu kpatarụ ndu Ju chịlahaa nta Jisọsu nkele ọo mbọku ọtuta-ume b'o meru iwhe ono. 17O noo ya, Jisọsu sụ whẹ: “Nna mu l'ejelekwa ozhi gẹ l'ooje iya byeye ntaa, mbẹdua l'ejekwawho.”
18Iwhe ono Jisọsu kfuru mee ndu Ju kabaanụ anọ achọ ụzo gẹ whẹ l'e-shi gbua ya. Iwhe whẹ kwoberu achọ tẹ whẹ kpawhua ishi iya ta abụlekwa l'ọ tụrwuru nsọ mbọku ọtuta-ume whẹ, ọwhu kabaa whẹ nụ eghughu bụkwa l'o gbee ekunu Chileke “Nna mu” bụ iya bụnu lẹ yẹle Chileke bẹ halẹwho ẹnya nhatanha.
Ike nke Nwa
19O noo iwhe meru Jisọsu sụ whẹ: “Iwhe unu l'a-malẹwho bụ l'ọ tọ dụkwa iwhe Nwa l'egudeje ike nke ẹka iya eme l'onwiya l'abụa iwhe ọ whụru lẹ Nna iya l'eme; o noo l'ọo iwhe Nna l'eme bụkwawho iwhe Nwa l'emeje. 20Nna bẹ yeru Nwa iya obu. Oogoshikotaje iya iwhe l'oome l'onwiya. Oo-goshibakwaa ya nụ iwhe ka ọwa shii t'o mee nke ọwhu l'ọo-dụ unu biribiri. 21L'ọ kwa gẹ Nna l'emeje ndu nwụhuru anwụhu whẹ eshi l'ọnwu teta gbalihu, ya anụ whẹ ndzụ bụ gẹ Nwa Chileke l'e-woru ndzụ nụ ndu dụ iya l'uche. 22Ọ tọ dụkwa onye Nna l'egude ẹka iya ekpe ikpe, o wokotaru nke ikpe ye Nwa iya ono l'ẹka. 23Ọo ya bụkwanu nke ọwhu ndiwhe l'owhu l'a-kwabẹje Nwa ugvu gẹ whẹ l'akwabẹje Nna iya. Onye ono l'ẹte akwabẹ Nwa ugvu ta akwabẹkwa iya Nna ono bụ iya bụ onye zhiru iya nụ.
24“Sụa, iwhe mu l'emekwawho t'o doo unu ẹnya bụ l'iwhe bụ onye ono nụ-zhiwaru okfu nkemu; kweta nke onye ono, bụ iya zhiru mu tẹ mu bya bẹ nwewaa ndzụ tututu-mịmimi, onye ono ta abyadụ l'akfụru t'e kpee ya ikpe, onye ono shiwaa l'ọnwu bahụ lẹ ndzụ. 25Tẹ mu mekwaa ya t'o doo unu ẹnya ree, mbọku l'agbabeekwa, mbụ o gbee rwuakwanu erwu nteke ndu nwụhuru anwụhu l'a-nụ olu nke Nwa Chileke, ndu ọwhu nụru iya nụ l'a-nọdu ndzụ. 26Ọo gẹ ndzụ shi Nna l'onwiya l'ẹka bụ gẹ Nna mekwaruwho tẹ ndzụ shi Nwa iya l'ẹka. 27Ọ nụkwaruwho Nwa ono ike t'o kpejee ikpe, bua ya ebu, nke l'ọo ya bụ Abụbu-Ndiwhe. 28T'iwhe-e be ejikwa unu ẹnya, lẹ mbọku l'agbabeekwaa nteke iwhe bụkota ndu nọ l'ilu gẹ whẹ hakọta l'a-tụko nụa olu iya. 29Whẹ eshi l'ilu whẹ fụtachaa. Ndu ọwhu shi eme iwhe dụ ree l'e-teta nọdu ndzụ, ndu ọwhu shi eme ejo-iwhe etetakwawho t'a nma whẹ ikpe.
Iwhe l'egoshi l'ike dụ Jisọsu l'ẹka
30“Sụa, ọ tọ dụdu iwhe mu l'egudeje ike nke ẹka mu mee l'onwomu, o noo l'ọo gẹ Chileke sụru tẹ mu kpee ikpe bụ lẹge mu l'ekpeje iya, tẹmenu ikpe nkemu bụru ikpe, kfụru nhamụnha. O noo lẹ mu te ekpedu g'ọ dụ mu mma l'obu. Ọlewho g'ọ dụ onye ono, zhiru mu nụ mma l'obu bụ gẹ mu l'ekpeje.
31“Nteke ọ -bụ lẹ mu gbee bya atụlahaa ọnu onwomu, ọ kwa iya bụ l'iwhe ọbu, mu l'ekfu ta abụdu ire-lanụ. 32Ọle o nweruroo onye ọdo bụ iya l'atụ ọnu mu, mbụ iwhe ọwhu mu tụberu nvọ bụru l'iwhe onye ono l'ekfu l'okfu ẹka mu bụ ọkpobe-okfu. 33Ọo unu yefuru ndụ-ozhi tẹ whẹ byakfuta Jọnu, Jọnu kfukwaaru unu nke ọkpobe-okfu ono. 34Iwhe mu l'ekfu ta abụkwa l'ọo tẹ madzụ bya atụje ọnu mu, iwhe mu kwoberu agba ọkpa l'okfu ono, Jọnu kfuru kwa nggẹ adzọo unu. 35Jọnu bụ oryọku, l'enwu enwu, ekekwawho jajaja. O shikwawho ewhe unu uwhere t'unu nọdu l'iwhoro iya ono swaa ẹswa, kpọo nwụkfu. 36Iwhe mu l'emegbabe egoshi unu kakwa ọtu ọnu iya amamẹ ọwhu Jọnu tụru. Iwhe meru iya nụ bụru l'ozhi ono, Nna mu zhiru mu tẹ mu bya ejee, jefu iya l'ishi ono, mbụ ozhi ono g'ọ ha, mu l'eje ntaa, l'atụkwa ọnu mu l'ọo whọ Nna bẹ zhiru mu tẹ mu bya. 37Nna mu ono, bụ iya zhiru mu tụakwawho ọnu mu. Unu tẹke anụbukwaa olu Nna mu ono, unu ta awhụje iya ọwhu unu marụ g'ọ dụ dụ. 38Unu ta akwakọbekwa okfu, shi Nna mu l'ọnu l'ime obu unu, o noo l'unu te ekwedu woru onwunu ye onye ono, ọ bụ iya zhiru t'ọ bya ono l'ẹka. 39Unu l'anọje enyocha iwhe e deru l'ẹkwo Okfu Chileke nọdu sụ l'o noo ẹka unu l'e-shi nweru ndzụ tututu-mịmimi. Ẹkwo okfu Chileke ono tụkotakwaru atụ ọnu mụbe Jisọsu. 40Ọle lenu l'unu kweru ike l'unu ta abyakfutadu mu nggẹ unu nweru ndzụ.”
41Ọ sụ whẹ: “Ọ tọ dụkwa nteke mu l'ele ẹnya tẹ ndiwhe bya ajaja mu ama. 42Ọle mu makwarụ-a l'unu te eyedu Chileke obu. 43Ọo ike nke Nna mu bẹ mu gude bya. Mu bya, unu jịka mu. Ọle nteke ọ dụlewho onye ọdo, gude ike nke ẹka iya byatashia, o noo onye ọwhu unu l'a-nata. 44?Ndẹhunu g'unu l'e-shi woru onwunu ye mụbe Jisọsu l'ẹka? L'unubẹ ndu l'abụje ibe unu l'ajakpọshi unu; ẹhu atsọhu unu rịkpotongu. Tọ bụ m'ọo l'unu l'achọ ụzo, unu l'e-shi tẹ Chileke ono bụ iya bụ Chileke kpụ jaa unu. 45To bọ dụkwa unu gẹ-woo l'ọo mbẹdua l'e-je agbaa unu mgbamụ l'atatiwhu Nna mu, onye l'agba unu mgbamụ gbekwaanu bụru Mósisu whọ unu chịru ẹka kwẹe whọ. 46Nggẹ l'ọo iwhe l'unu kweru nke Mósisu mẹ unu ekwekwawho nke mbẹdua, o noo nkele Mósisu deru dekuta mu l'ẹkwo. 47Nteke bụ l'unu te ekwetadu iwhe o deru ?ndẹhunu g'unu l'e-shi kwe l'okfu mụbe Jisọsu bụ unu iwhe?”
Voafantina amin'izao fotoana izao:
Jọnu 5: Ezaa
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2014, Wycliffe Bible Translators, Inc. in cooperation with Abakaliki Literacy and Translation Trust
Jọnu 5
5
Jisọsu yẹle nwangvụru agụgu okpuru
1E megelewho, o nweru oge, ndu Ju l'eri. Jisọsu tụgbua jeshia Jerúsalẹmu. 2Lẹ Jerúsalẹmu b'o nweru nwokpuru ọbu, dụ iya nụ. Ụzo, l'eeshije abahụ l'okpuru ono bẹ dụ uzhi ise. Iwhe l'eekuje okpuru ono l'okfu Arámayiku bụ Bẹtusáta. Okpuru ono dụ lẹ mgboro Ọnoguzo-atụru. 3Ndu ẹhu l'ẹte adụa mma bẹ ha l'urwu zẹ-gee l'ime ẹka ono, l'eeshije abahụ l'okpuru ono, mbụ ndu l'atsọ ishi mẹe ndu ngvụru mẹe ndu iwhe lọnwushiru ibe ẹhu lanụ. Whẹ tụko zẹshia l'ẹka ono ngabẹru nteke mini ono l'e-me ụkporo. 4Gẹ l'ọonwujekwanu bụ l'ọobuje a nọtalewho nwanshị, ojozhi-imigwe shi l'ẹka Onye-Nwe-Ọha abya l'okpuru ono bya akparwụa mini ono. Onye iwhe l'eme, vuzhiwaa ụzo ye ọkpa lẹ mini ono nteke ono mẹe a kparwụa ya, onye ọbu emehu l'iwhe l'eme iya nụ. 5O nweru nwoke lanụ nọdu l'ẹka ono, nyawarụ ẹhu ụkporo awha l'awha iri l'ẹsato. 6Jisọsu byalẹwho bya awhụa ya marụ l'o shihawa nteke teru ẹnya zẹta l'ẹka ono, ọ sụ iya: “?Ọ dụ ghu ree t'e mee ghu t'i mehu?”
7Nwoke ono, ẹhu l'eme sụ iya: “Onye-ukfu-l'ọha, ọ tọ dụdu onye mu nweru, l'a-parụ mu chee l'okpuru-a mẹ a -kparwụa mini ono, l'ọobuje nteke mu mederu tẹ mu ye iya ọkpa, onye ọdo evuwaru mu ụzo.”
8Jisọsu sụ iya: “Gbalihu gwọta ute ghu wata ooje ije.” 9Nteke onowho nwoke ono mehulekwawho, ọ gwọta ute iya ọbu jelahaa ije.
Mbọku ono iwhe ono, nwụru bụru mbọku ọtuta-ume ndu Ju. 10Ọo ya bụ, ndu Ju sụ nwoke ono, e metaru l'iwhe l'eme iya nụ: “Ntanụ kwa mbọku ọtuta-ume ?ị makwarụa lẹge i gwọtaru ute ghu eje nno b'ị daakwaru l'iwu, dụru anyi ntanụ?”
11Ọ sụ whẹ: “Ọo nwoke ono, bụ iya meru mu, mu mehu bẹ sụru mu tẹ mu gwọta ute mu jeje ije.”
12Whẹ jị iya: “?Ọo ẹgube madzụ gụnu bẹ nwoke ọbu bụ, sụru ghu tị gwọta ute ghu jelahaa ije?” 13Ọwhu ka njọ bụru lẹ nwoke ono, e meru o mehu l'iwhe l'eme iya nụ ta amadụnu m'ọo onye ọbu, metaru iya nụ. Iwhe kparụ iya bụkwaru lẹ Jisọsu kwoberu l'igweligwe madzụ parụ ẹka l'ẹka ono lụfu, ọ bụru iya atụgbu.
14E megelewho, Jisọsu bya awhụwhu nwoke ono azụ l'ime eze-ụlo Chileke sụ iya: “Lenu lẹ ntaa b'i mehuwaru. Be ejebuhekwaa ome iwhe-dụ-ẹji ọdo nggẹ iwhe ọdo, kabaa njọ ta abyakfuta ghu.”
15Nwoke ono nyịgobelekwawho lụfu je je akarụ ndu Ju l'ọo Jisọsu bụ onye ọbu, meru iya; ya mehu. 16O noo iwhe ọbu kpatarụ ndu Ju chịlahaa nta Jisọsu nkele ọo mbọku ọtuta-ume b'o meru iwhe ono. 17O noo ya, Jisọsu sụ whẹ: “Nna mu l'ejelekwa ozhi gẹ l'ooje iya byeye ntaa, mbẹdua l'ejekwawho.”
18Iwhe ono Jisọsu kfuru mee ndu Ju kabaanụ anọ achọ ụzo gẹ whẹ l'e-shi gbua ya. Iwhe whẹ kwoberu achọ tẹ whẹ kpawhua ishi iya ta abụlekwa l'ọ tụrwuru nsọ mbọku ọtuta-ume whẹ, ọwhu kabaa whẹ nụ eghughu bụkwa l'o gbee ekunu Chileke “Nna mu” bụ iya bụnu lẹ yẹle Chileke bẹ halẹwho ẹnya nhatanha.
Ike nke Nwa
19O noo iwhe meru Jisọsu sụ whẹ: “Iwhe unu l'a-malẹwho bụ l'ọ tọ dụkwa iwhe Nwa l'egudeje ike nke ẹka iya eme l'onwiya l'abụa iwhe ọ whụru lẹ Nna iya l'eme; o noo l'ọo iwhe Nna l'eme bụkwawho iwhe Nwa l'emeje. 20Nna bẹ yeru Nwa iya obu. Oogoshikotaje iya iwhe l'oome l'onwiya. Oo-goshibakwaa ya nụ iwhe ka ọwa shii t'o mee nke ọwhu l'ọo-dụ unu biribiri. 21L'ọ kwa gẹ Nna l'emeje ndu nwụhuru anwụhu whẹ eshi l'ọnwu teta gbalihu, ya anụ whẹ ndzụ bụ gẹ Nwa Chileke l'e-woru ndzụ nụ ndu dụ iya l'uche. 22Ọ tọ dụkwa onye Nna l'egude ẹka iya ekpe ikpe, o wokotaru nke ikpe ye Nwa iya ono l'ẹka. 23Ọo ya bụkwanu nke ọwhu ndiwhe l'owhu l'a-kwabẹje Nwa ugvu gẹ whẹ l'akwabẹje Nna iya. Onye ono l'ẹte akwabẹ Nwa ugvu ta akwabẹkwa iya Nna ono bụ iya bụ onye zhiru iya nụ.
24“Sụa, iwhe mu l'emekwawho t'o doo unu ẹnya bụ l'iwhe bụ onye ono nụ-zhiwaru okfu nkemu; kweta nke onye ono, bụ iya zhiru mu tẹ mu bya bẹ nwewaa ndzụ tututu-mịmimi, onye ono ta abyadụ l'akfụru t'e kpee ya ikpe, onye ono shiwaa l'ọnwu bahụ lẹ ndzụ. 25Tẹ mu mekwaa ya t'o doo unu ẹnya ree, mbọku l'agbabeekwa, mbụ o gbee rwuakwanu erwu nteke ndu nwụhuru anwụhu l'a-nụ olu nke Nwa Chileke, ndu ọwhu nụru iya nụ l'a-nọdu ndzụ. 26Ọo gẹ ndzụ shi Nna l'onwiya l'ẹka bụ gẹ Nna mekwaruwho tẹ ndzụ shi Nwa iya l'ẹka. 27Ọ nụkwaruwho Nwa ono ike t'o kpejee ikpe, bua ya ebu, nke l'ọo ya bụ Abụbu-Ndiwhe. 28T'iwhe-e be ejikwa unu ẹnya, lẹ mbọku l'agbabeekwaa nteke iwhe bụkota ndu nọ l'ilu gẹ whẹ hakọta l'a-tụko nụa olu iya. 29Whẹ eshi l'ilu whẹ fụtachaa. Ndu ọwhu shi eme iwhe dụ ree l'e-teta nọdu ndzụ, ndu ọwhu shi eme ejo-iwhe etetakwawho t'a nma whẹ ikpe.
Iwhe l'egoshi l'ike dụ Jisọsu l'ẹka
30“Sụa, ọ tọ dụdu iwhe mu l'egudeje ike nke ẹka mu mee l'onwomu, o noo l'ọo gẹ Chileke sụru tẹ mu kpee ikpe bụ lẹge mu l'ekpeje iya, tẹmenu ikpe nkemu bụru ikpe, kfụru nhamụnha. O noo lẹ mu te ekpedu g'ọ dụ mu mma l'obu. Ọlewho g'ọ dụ onye ono, zhiru mu nụ mma l'obu bụ gẹ mu l'ekpeje.
31“Nteke ọ -bụ lẹ mu gbee bya atụlahaa ọnu onwomu, ọ kwa iya bụ l'iwhe ọbu, mu l'ekfu ta abụdu ire-lanụ. 32Ọle o nweruroo onye ọdo bụ iya l'atụ ọnu mu, mbụ iwhe ọwhu mu tụberu nvọ bụru l'iwhe onye ono l'ekfu l'okfu ẹka mu bụ ọkpobe-okfu. 33Ọo unu yefuru ndụ-ozhi tẹ whẹ byakfuta Jọnu, Jọnu kfukwaaru unu nke ọkpobe-okfu ono. 34Iwhe mu l'ekfu ta abụkwa l'ọo tẹ madzụ bya atụje ọnu mu, iwhe mu kwoberu agba ọkpa l'okfu ono, Jọnu kfuru kwa nggẹ adzọo unu. 35Jọnu bụ oryọku, l'enwu enwu, ekekwawho jajaja. O shikwawho ewhe unu uwhere t'unu nọdu l'iwhoro iya ono swaa ẹswa, kpọo nwụkfu. 36Iwhe mu l'emegbabe egoshi unu kakwa ọtu ọnu iya amamẹ ọwhu Jọnu tụru. Iwhe meru iya nụ bụru l'ozhi ono, Nna mu zhiru mu tẹ mu bya ejee, jefu iya l'ishi ono, mbụ ozhi ono g'ọ ha, mu l'eje ntaa, l'atụkwa ọnu mu l'ọo whọ Nna bẹ zhiru mu tẹ mu bya. 37Nna mu ono, bụ iya zhiru mu tụakwawho ọnu mu. Unu tẹke anụbukwaa olu Nna mu ono, unu ta awhụje iya ọwhu unu marụ g'ọ dụ dụ. 38Unu ta akwakọbekwa okfu, shi Nna mu l'ọnu l'ime obu unu, o noo l'unu te ekwedu woru onwunu ye onye ono, ọ bụ iya zhiru t'ọ bya ono l'ẹka. 39Unu l'anọje enyocha iwhe e deru l'ẹkwo Okfu Chileke nọdu sụ l'o noo ẹka unu l'e-shi nweru ndzụ tututu-mịmimi. Ẹkwo okfu Chileke ono tụkotakwaru atụ ọnu mụbe Jisọsu. 40Ọle lenu l'unu kweru ike l'unu ta abyakfutadu mu nggẹ unu nweru ndzụ.”
41Ọ sụ whẹ: “Ọ tọ dụkwa nteke mu l'ele ẹnya tẹ ndiwhe bya ajaja mu ama. 42Ọle mu makwarụ-a l'unu te eyedu Chileke obu. 43Ọo ike nke Nna mu bẹ mu gude bya. Mu bya, unu jịka mu. Ọle nteke ọ dụlewho onye ọdo, gude ike nke ẹka iya byatashia, o noo onye ọwhu unu l'a-nata. 44?Ndẹhunu g'unu l'e-shi woru onwunu ye mụbe Jisọsu l'ẹka? L'unubẹ ndu l'abụje ibe unu l'ajakpọshi unu; ẹhu atsọhu unu rịkpotongu. Tọ bụ m'ọo l'unu l'achọ ụzo, unu l'e-shi tẹ Chileke ono bụ iya bụ Chileke kpụ jaa unu. 45To bọ dụkwa unu gẹ-woo l'ọo mbẹdua l'e-je agbaa unu mgbamụ l'atatiwhu Nna mu, onye l'agba unu mgbamụ gbekwaanu bụru Mósisu whọ unu chịru ẹka kwẹe whọ. 46Nggẹ l'ọo iwhe l'unu kweru nke Mósisu mẹ unu ekwekwawho nke mbẹdua, o noo nkele Mósisu deru dekuta mu l'ẹkwo. 47Nteke bụ l'unu te ekwetadu iwhe o deru ?ndẹhunu g'unu l'e-shi kwe l'okfu mụbe Jisọsu bụ unu iwhe?”
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2014, Wycliffe Bible Translators, Inc. in cooperation with Abakaliki Literacy and Translation Trust